40. YEESU WAFAAMA

1 Ɓaawo ɓe gusaake Yeesu, askar'en njahri mo gam wafgo mo ɓe mbaɗi o mbakko Gafaangal ngal ɓe mbardata mo.

2 Askar'en njahri Yeesu inaare wi'eteɗe Gumbal << Hoore >> Nden ɓe piyani mo ŋgusaaje e juuɗe e kolle dow Gafaangal. Ammaa Yeesu wi'i : << Baabiraawo am yaafanaɓe gam ɓe annda ko ɓe mbaɗata >> Kadima ɓe mbaɗi alaama dow Hoore maako , alaama mbi'ika << O'o woni Laamiiɗo yahuudu'en >> Kajjum woni ko Pilaatus wi'i ɓe ɓee mbinnda

3 Ɓaawo ɗon askar'en ɓorti mo hennare ma'ako. E wadgo non ɗum hebbiini Annabaku mbi'inoongu << Ɓe senɗi kennaaje am hakkunde maɓɓe, ɓe piye caaca gam hennare am.

4 E woodi pasooɓe ɗiɗo ɓe askar'en ɓilɗi mo e sarel ngel. Ɓe tummbi ɓe Yeesu buttuuli fuu. Go'oto nder pasooɓe ɓen wuusi Yeesu, ammaa go'oto wi'i : << A hulaata Allah hiito ma ? Enene en mbaɗi ko mbooɗa ɗuuɗɗum, ammaa Neɗɗo o'o waaɗayi aybe nden o wi'i : << Yeesu nyumtam to'a naati nder Laamu ma'a >> Yeesu tonti wi'i mo hannde ma a wondey e am nder Aljanna.

5 Ardiiɓe yahuudu'en e woɓɓe yimɓe nder jama'are ngusaani Yeesu ɓe mbi'i mo : << To'a Ɓiɗɗo Allah jippa gafaangal hisnu Hoore ma'a, nden min nuɗɗiinte >>.

6 Ɗon e ɗon Nibre suddi Asaama e Inaare nden fuu, ko nde ɗum caka nyalooma. Ɗum laati mbaleejum gada midi faa leerji tati.

7 Nden Yeesu noddi noddaango maŋgo wi'i ɗum henji Baabiraawo, mi hokki Yoŋki am nder juuɗe ma'a. >> O turni Hoore ma'ako o mayi. Nde o mayi Lesdi dimmbi Wuudere mawɗe senɗunde nder Haykaaliiru Allah inaare ceniiɗe e inaare mburɗe cenaago senndi nde ɗiɗi, dow faa les.

8 Gam mayde maako, Yeesu maɓɓiiti Laawol no yimɓe duniiya ngardata e Allah. Askarjo goɗɗo denɗo Yeesu yi'i kooɗume no wa'ari, say o wi'i gooŋga Gorko o'o waɗayi aybe, kaŋko woni Ɓiɗɗo Allah.

9 Ɓaawo ɗon ardiiɓe yahuudu'en ɗiɗo Yusuuf e Nikodemus, kamɓe ɓe nuɗɗinɓe Yeesu woni Almasiihu, ɓe ngari to Pilaatus gam njamgo mo ɓanndu Yeesu. Ɓe taari ɓanndu maako nder wuudere ɓe mba'ati ndu nder yenaande yiiraande nder ha'ire. Nden ɓe talliti kaanja magga e dammugal yenaande nden, ɓe sumɓi nde:

TARIIHA KA'A ITTAAMA NDER DEFTERE MATTA 27 :27-61 ; MARKUS 15: 16-47 ; LUKA 23: 26-56 ; YUHANNA 19: 17-42