35. BAlNDOL DOW ƁIƊƊO MAJJUƊO

1 Woɗɗe nyanɗe. Yeesu e ekkitina yimɓe ɗuudɓe mobti gam nana mo. Yimɓe ɓen ɗum jobnoɓe tikeeji woɓɓe bo ɗum tokkiɓe umrooje Muusa.

2 Woɓɓe mawɓe dina nji'i Yeesu no ɓattiniri yimɓe e mu'um ba higgiraɓe mu'um. Say ɓe puɗɗi wi'igo ko'o waɗi mbooɗa. Yeesu nani ko ɓe mbi'ata, nden o wi'i ɓe miisaalu goɗɗum.

3 E woodi goɗɗo gorko mo ɓiiɓe worɓe ɗiɗo. Minyiiraawo wi'i Baaba mu'um : << Baaba hokkam ɗongu am hannde >> Nden Baaba ma'ako senndani worɓe ɓen fuu ɗiɗo.

4 Ɓaawo balɗe seɗɗa, ɓiɗɗo minyiiraawo hooŋji jawdi mu'um fuu o dilli to woɗɗi o bonni ceedeeji ma'ako nder piijirle e yargo mariise.

5 Gaɗa ɗon weelo ɗungo waɗi e inaare nde Gorko minyiiraawo on wooni, ceede ma'ako nde'i ɗe mo soodata yarrannde, nden o yilli kuugal gam o heɓɓe ko'o nyami, o heɓi durngol alaadeeji o nani dolo fa o yiiɗi nyamgo nyamdu alaadeeji:

6 Ɓaawo ɗon, gorko on wi'i << Ɗume mbadmi ? Huuwooɓe Baaba am fuu e keewi nyamdu, min e mi ɗo maaya weelo, mi so'oto to Baaba am mi toro mo gam o lattina mi go'oto nder huuwooɓe maako. >>

7 Nden gorko on tokki laawol so'i wuuro Baaba mu'um. Nde o mbadi wuuro Baaba ma'ako yi'i mo o yurminani mo o nyari o taɓɓoyi mo, ɓe mub-mubtri.

8 Suka on wi'i: << Baaba am mi waɗi hakke yeeso Allah e yeeso ma'a. Mi henjayi noddego ɓiya.

9 Ammaa Baaba maako wi'i go'oto nder huuwooɓe mu'um : << Yah maja ngadda hennare wooɗe mbornu ɓiyam ! waadan mo maŋjel wa'atu ngel e hooɗu maako e paɗe. Nden kiirsa ngari payɗi gam jubi belndum. Gam ɓiɗɗo am latino ba mayndo, ammaa jooni o finti, ba o halku no ammaa jooni o hebtama. >>

10 Nden yimɓe puɗɗi maltugo mo. Ɓaawo seɗɗa, ɓiɗɗo mawniraawo wartoyi kuugal ngeesa. O nani mbagguuji e jimi o njami ndume waɗi ?.

11 Nde mawniiraawo nani jubi ndum gam minyiiko warti o hunji ŋgorey fa o yiiɗa nattugo nder wuuro. Baaba ma'ako wari gam deytina mo ammaa o sali.

12 Ɓiɗɗo mawniraawo on wi'i Baaba mu'um : << Nder duuɓi ndi'i fuu mi huuwani ma, mi meeɗay siiya ndowtanago ma, ammaa a hokkayi yam koo ɓe'a ngo'ota gam mi seyoodo e hiigiraaɓe am. Ammaa nde ɓiɗɗo ma'a bonnundo jawdi nder pijiirle warti wuuro, a hirsani mo ngari.

13 Baaba ma'ako tonti mo wi'i : << Ɓiggel am, kooɗeye a wondi e am ko njeymi fuu an jeyɗum. Kadi, na ndum boɗɗum seyoonden, gam ɓiijido ma'a mayno ɗo, ammaa jooni o jeeto, o majjuno ammaa jooni en ketti mo! >>

TARIIHA KA'A ITTAAMA NDER DEFTERE LUKA 15 : 11-32