27. NJAMOL MOODIBBO TAWRETA.

1 Wonnde nyanndere, goɗɗo moodibbo tawreta wari to Yeesu. Mo yiiɗi o holla yimbe fuu ko Yeesu ekkitinta ɗun mbooɗa. Nden o wi'i : << Moodibbo ko mbaɗey mi gam mi heɓa yoŋki ki re'ata ? >> Yeesu tonti mo : << Ndume winɗa nder Tawreeta Allah ? >>.

2 Gorko on wi'i : << Deftere Allah wi'i yid Jawmiraawo Allah ma'a e ɓernde ma'a fuu e semɓe ma'a fuu, e Ruuhu ma'a fuu, nden yid gondo ma'a bano njirruɗa hoore ma'a. >> Yeesu tonti : << A wi'i gooŋga, wad non a heɓey yoŋki ki re'ata.

3 Ammaaa Moodibbo Tawreta on yiiɗi holla yimɓe jikku ma'ako no boɗɗum. Nden o njami Yeesu : << Moye woni gondo am ? >>.

4 Yeesu tontori mo misaalu goɗɗum wi'i Yahuudujo goɗɗo waɗi jahagal hakkunde Urusaliima e Yeriiko.

5 Sarel e ɗon dow jahangal fassoɓe kippi mo ɓe koonji ko o wodi fuu ɓe piyi mo faa ɓe ɓadi wargo mo, nden ɓe ndilli.

6 Ɓaawo ɗon seɗɗa goɗɗo Liimanjo Yahuudujo tokkoyi laawol ngol taawi mo e mo waali dow laawol ngol. Limanjo on yi'i mo o seli laawol o njaɓɓi. E mo anndi goɗɗo o'o e wodi haaje mballego.

7 Ɓaawo sarel sennda goɗɗo Lewiyaŋkejo ma tokkoyi laawol ngol ( lewiyakko'en ɗum nder lenyol Isra'iila ɓee mballoɓe nder suudu do'a ) Lewiyaŋkejo on ma nde yi'i piyaɗo on ɓaari mbuttudu o jaɓɓi o mballayi gorko on.

8 Ɓaawo ɗon goɗɗo Neɗɗo Samaariyajo tokkoyi laawol ngol, Yahuudu'en e Samaariya'en narra. Samaariyojo on nde yi'i gorko on dow laawol, o yi'i Yahuudujo, ammaa o yurminani mo. Nden o yahi o looti nawnannde ma'ako.

9 Nden Samaariyajo on waɗɗini gorko on dow mbabba mu'um, o yahri mo e wuro haya ngo fara laawol nden o tokki suflanaago mo.

10 Faɓɓi jahngo o tokki laawol jahangal maako, o hokki denoowo haya ceede. O wi'i mo << Njab hakkiilan gorko o'o to a Ajjini ko mburi nde mi yoɓete tomi wittoyi >>.

11 Nden Yeesu njami Moodibbo Tawreta wi'i << Ko nyumɗa? Moye caka worɓe tato ɓen woni keddiɗiraawo ma'ako ? O tonti << On ɗon balluɗo mo >>. Yeesu wi'i mo an boo yah mbaɗa ba non.

TAARIIHA KA'A ITTAAMA NDER DEFTERE LUKA 10: 25-37