17. ALKAWAL ALLAH E DAWDA

1 Sawlu laati Laamiɗo arano nder Isra'iila. O mawɗo ŋarniɗo bo mo lenyol fuu njiiɗi. Sawlu laati Laamiiɗo boɗɗo wakkasi duɓɓi arani ndi Laamu ma'ako dow Isra'iila. Ammaa mbaawo ndon o laati gorko kalluuɗo mo ndowtanaki Allah. nden Allah suɓi gorko goɗɗo gam rona Laamo ma'ako.

2 Allah suɓi kayeejo Isra'iila goɗɗo feere bi'eteɗo Dawda. O fuɗɗi ekkitingo mo gam o rona Sawlu. Dawda o gaynaago nder gariri Baytilaama. Nde ɗuɗɗum, Dawda e dura baali o wari mawndu e takkere wi'etende Ur gam toɗi nyam bali Baba ma'ako. Dawda o gorko ne'iɗo gooŋgaajo ɗowtaaniɗo Allah.

3 Sarel Dawda no kayeejo tawo o habi e gorko genndeeruujo bi'eteɗo Goliyat. Goliyat on no annduɗo habre. O sembiɗɗo darnde ma'ako waɗi piyanɗe taati. Ammaa Allah mballi Dawda wari Goliyat o hisni Isra'ila'en bo. Gaɗa ɗon, Dawda heɓi jaalorgal ndudgal dow konne'en Isra'iila. Dawda warti konoowo mawɗo, o yahri askar'en Isra'iila kaɓe ɗuɗɗe. Yimɓe. Isra'iila nani belɗum.

4 Gam maajum lenyol yiiɗi Dawda ŋgorey nden Laamiiɗo Sawlu ha'aji mo faa yiiɗi wargo mo. Nden Dawda wortu nyari yahi nder ladde gam suɗo, Sawlu e askar'en mu'um, nyanɗe wonɗe Sawlu e askra'en mu'um e njillo mo, Sawlu natti nder lowol ngol Dawda woni nder mu'um, ammaa Sawlu yi'ay mo. Dawda mbaditi ɓaawo maako nden ta-nji wellode hennare Sawlu. Nde Sawlu wurti luuro, nden Dawda noddi mo wi'i rar limce mooye njoogi mi. Banih Dawda anndiniri Sawlu o sali wargo mo gam o lato Laamiiɗo.

5 Ɓaawo duuɓi seɗɗa Sawlu mayi nder habre nden Dawda Laamani Isra'iila. O laamiiɗo boɗɗo , lenyol njiiɗi mo. Allah barkini mo hokki mo saa'a. Dawda waɗi konuuji Allah boo walli mo o jaali konne'en Isra'iila. Dawda honi gariri Urusaliima, nden o wartiri ndi laamorde. Dawda laami duuɓi sappanɗe nayi. E sarel ngel Isra'iila'en laati semmbidɓe e riskuɓe boo.

6 Koo waɗi duuɓi keeme nayi (400) Isra'iila'en ɗon suujidana Allah e wadgo sadaka nder Leymaru fottirde ɗu Muusa wadno. Dawda tefi nyiɓaggo suudu gam Isra'iila sakkana Allah e maaru.

7 Nder wakasi ndum Allah liiloyi Annabiijo bi'eto ndo Natan gam wi'a Dawda: A wadi kaɓɓe nduɗɗe nder fofaŋgo ma'a fuu gam maajum a nyibanta yam suudu. Sey ɓiɗɗo ma nyiɓanta ndu. Ammaa mi hokkete barkaaji nduɗɗi gam nder taaniraaɓe ma'a Laamiiɗo, Laamoto dow lenyol am faa abada waggata. go'oto tan nder taaniraaɓe Dawda laamoto ndum Almasiihu: Almasiihu no suɓaɗo Allah gam kisnugo yimɓe duuniyaaru e hakkeeji maɓɓe.

8 Nde Dawda nani haala Natan o yetti Allah o malti mo gooŋga Dawda annda ko Allah wadata areeji ɗi'i. Ammaa Allah teddini mo barkidini mo boo. En anndi jooni Isra'iila'en neeɓi e ndeena garoyki Almasiihu ko waɗi duuɓi ujineere <1000> .

9 Dawda laamorani lenyol mu'um e gooŋgaaku ko waɗi duuɓi ɗudɗi. O ɗowtani Allah e gooŋga, Allah barkiɗini mo. Ammaa e re'irde ɗuuɓi maako o waɗi hakke kalluɗum yeeso Allah.

10 Woɗɗe nyalɗe Dawda e yiilo dow suudu mu'um o rardi yolɗe suudu o yi'i debbo goɗɗo boɗɗo e looto o annda mo ammaa o nani Badseeba debbo wi'ete.

11 Ko o wora no rargo ammaa o liili goɗɗo gam waddana mo mo, o waldi e ma'ako nden o tuuri mo o hoota wuuro ma'ako. Ɓaawo balɗe seɗɗa Badseeba liili liilaɗo gam wi'a Dawda o waami.

12 Kore Badseeba Uriya wi'ete o askarjo Dawda gooŋgaajo. Sarel ngel Uriya e ton e habre. Dawda lili goɗɗo gam wi'a Uriya warta wuro mu'um to debbo mu'um. Ammaa Uriya sali nastugo to debbo sarel ɓe goni e habre nden Dawda lili goɗɗo ngam wi'a mawɗo maako hettina Uriya to konne'en ɓuridi hallirgo ngam o ware. non boo ɗum laati Uriya waraama nder habre nden.

13 Ɓaawo mayde Uriya Dawda hoowi Badseeba nden ɓaawo ɗon o danyi ɓiggel gorel ammaa Dawda woori gondal mu'um e Allah. Nden Allah liiloyi annabi Natan gam wi'a Dawda hakke mu'um laati mawɗum ŋgorei. Dawda tubi hakke mu'um yeeso Allah ,Allah yaafi mo nder foofa ngo ma'ako fuu, Dawda tokki ɗowtanago Allah ko nder wakkasi saaɗele.

14 Ammaa ɓiggel Dawda gorel ngel mayi. Banih Allah hiitori Dawda. Ɓaawo ɗon Dawda e Badseeba danyi ɓiggel gongel ɓe kokki ngel innde Suleymaanu. Bako Dawda maaya, lenyol maako habi e maako. Ngam maajum bawɗe Dawda ɗudɗe kalki ammaa Allah tabitini gooŋgaaku mu'um dow alkawal ngal o wadni Dawda ko nde Dawda on ɗowtanaaki Allah.

TAARIIHA KA'A ITTAAMA NDER DEFTERE 1 SAMUYILA 10:15_19:24:31;2 SAMUYILA5:7;11_12