5. MBIDDO ALKAWAL

1 Ɓaawo duuɓi sappo Ibraama e Saray mbee gala ɓikkoy nden debbo Ibraama Saray wi'i : << gam Allah hokkayi yam ɓikkol faa mi naywi raa korɗo'am Hajara hoowa mo gam o danyanam mi ɓiɗɗo. >>

2 Ibraama hooɓake Hajara, Hajara danyi ɓengel nden Ibraama hokki ngel innɗe Isma'iila o woodi duuɓi sappo e tati Allah fuɗɗiti wolwani Ibraama kadiima .

3 Allah wi'i : << Min woni Allah Jawmu bawɗe. Mi waaɗey alkawal e ma'a. >> Nden Ibraama dissi cujiɗi yeeso Allah. Allah wi'i mo : << a laatoto baaba ummaatooje ɗuɗɗe. Mi hokkete lesdi kanaana, gam mara ɗi an e ɓiɓɓe-ɓiɓɓeji ma'a mi laatoto Allah mo'on faa abada. A naadey gorko fuu nder ndaygol ma'a. >>

4 << Debbo ma a Saray o rimey ɓingel kagko woni mo alkawal am a nondey innde maako Isyaaku e maako kaɓeymi alkawal am. >> O laatoto baaba lenji mi jabi torde ma'a, e Isma'ila mi lattiney mo baaba asgol, ɗunngol ammaa alkawal am dow Isyaku woni Allah, wayli innde Abraama hokki mo innde Ibrahima << Bana wiigo baaba lenji ɗuɗɗi >> O hokki Saaray boo innde Saaratu<< Ba wi'igo mbi'i Laamiido. >>.

5 Nyalɗe maajum Ibrahiima julni worɓe fuu nder wuuro mum. Deydey hiitaaɗe ɓaawo Ibrahiima waɗi duuɓi hemre 100 Saaratu boo duuɓi cappanɗe joweenayi 90 nden Saaratu danyani Ibrahiima ɓiɗɗo gorko, nden Ibrahiima noddimo Isyaaku bana Allah umri mo.

6 Sarel Isyaaku woni kayeejo, Allah fooɗi nuɗɗiki Ibrahiima. O wi'i : << hoŋnjo Isyaku ɓiɗɗo ma bajjo cakkanam mo ba lahi'yari. >> kadima baawoɗon Ibrahiima teddini Allah, o waɗi anniya, gam sakkugo ɓiyiiko.

7 Sarel Ibrahiima don yaada e Isyaaku inaare sakkerde , Isyaaku njami baaba mu'um << Wi'i raa leɗɗe, gam sakkugo, e toye njawdiri gam sadaka? >> Ibrahiima tonti << Allah heɓɓaney hoore mu'um, sakkiri, bingel am. >>

8 Sarel ngel ɓe njottii inaare to'o waɗata saddaka, Ibrahiima haɓɓi mbiyum Isyaaku yowi mo dow sakkirde. O waddi e hirsugo mo nden Allah wi'i : << Dara taa nawnu ɓiɗɗo ma gorko ! Jooni mi annditi a hulam mi nde a salaaki hokkugo yam ɓiya bajjo.

9 Ibrahiima yi'i Keerol mu'um Jawdiri e sagi nder gi'e. Allah hokki mo jawdiri gam sadaka.

10 Nden Allah wi'i : Abraama << Gam a siryi hokkugo ya koodume fuu faa e ɓiiddo ma'a bajjo, mi barkidinte. Taniraabe ma'an latoto dudɓe ba kode dow asama. Gam a ndowtanake yam mi barkidiney yimɓe duuniyaru fuu gam ma'a

TAARIIHA DEFTERE FUDDOODE 16-22