12. GURTAAKI

1 Isra'iila'en naani belɗum wurtaago Misra gam ɓee laatatako wayloɓe ngaɗa ɗon, ammaa ɓe jahey lesdi ɗi Allah wadno Alkawal hokkeyɓe. Misra'en ngokki ɓe kooɗume ko ɓe njami kageeri e cardi e kooɗume boɗɗum. Duniya warɓe e lenji feere nuddini Allah, ɓe ɗillidi e Isra'i'ila'en wurtiɓe Misra.

2 Goɗɗum ba rulde ardi ɓe nyalawma, jemma boo say nde laato jayngol, Allah gondo nder ruldere e nder jayngol ngol e woddi e maɓɓe koondeye fuu dow laawol maɓɓe, o ardiiɓe nder jahgal maɓɓe. Kamɓe kam say ɓe tokka tan.

3 Ɓaawo sarel sedda, Fir'awna e lenyol mu'um, nyumooji maɓɓe gayliti. Mɓe njiiɗi Isra'iila'en kuuwanaɓe faa jooni. Nden ɓe teffi Isra'iila'en. Ndum Allah wayliti nyumooji maɓɓe ɗin. O waɗɗum gam o anndina koomoye kaŋko feere maako woni Jawmiirawo, ɓurɗo bawɗe dow Fir'awna e allaji Misra'en fuu.

4 Nde Israa'iila'en ngi'i Askar'en Misra ɓe nyumi ɓe kalkey, hakkuɗe Askar'en Fir'awna e Maayo ɓooɗewo. Ɓe kultori ɓe ɓoyi gam kulol : << Ɓe ɓi'i gam ɗume mburtoyiɗen Misra? Gam maayen ! >>

5 Muusa wi'i Isra'iila'en : << To on kul Allah no haɓaney on hanɗe o hisney on boo. >> Nden Allah wi'i Muusa : << Wi'i lenyol ɓado Maayo wooɗewo.

6 Nden ruldere sotti heedi hakkunde Isra'iila'en e Misra'en gam nde haɗa Misra'en nji'a Isra'i'ila'en .

7 Allah wi'i Muusa: njeftu juŋgo ma'a dow Maayo. Nden Allah ummini hendu seɗɗi ndiyam maayo senndi, ndiyamji ɗarini nano e nyaamo waɗi laawol nder Maayo.

8 Nden Isra'iila'en natti hakkunde ndiyamji e ɓe njaha dow jorɗum. Hakkunde ndiyamji ɓaɗi ba mahi buttulli ɗiɗi fuu.

9 Ɓaawoɗon ruldere ummi woori Misra'en ngi'a Isra'iila'en puɗɗi ɗadgo ɓee ɓe siryi tefgo Isra'iila'en.

10 Nden ɓe tufti Isra'iila sarel ko ɓe goni nder Maayo,ammaa Allah haɗɗi pusji Misra'en yahgo yeeso. Ɓe ɓoyi, <<Ɓe mbi'i nyaren ma gam Allah ɗon haɓana Isra'iila'en. >>

11 Isra'iila'en jotti jam gaɗa Maayo. Nden Allah wi'i Muusa : njeftu juŋgo ma'a dow ndiyamji. Nde o waɗi ɗum ndiyamji nusi askar'en Misra ɗam warti ba nane. Askar'en Misra fuu njooli.

12 Nde Isra'iila'en nji'i Misra'en maayi ɓe kooli Allah, ɓe nuɗɗini Muusa no annaboojo Allah.

13 Nden Isra'iila'en badi julde seyo maŋgo, gam Allah hisnii ɓe e ngaylu e mayde ! Jooni ɓe laati rimɓe teddinooɓe Allah. Isra'iila'en ngimi, jimi belɗi ɗuuɗɗi gam dimu kesu gu ɓe keɓɓi, gam maltugo Allah gam o hisni ɓe e askar'en Misra.

14 Allah umri Isra'iila'en ɓaɗa julde de'e kooɗey hiitaaɗe gam ɓe nyumta no o jaalori Misra'en e no o hisniri ɓe e massungaku. Ɓe noddi julde ɗen paska. Ɓe ɓaɗey julde Paska e hirsugo jawgel ngel wala aybe, ɓe ɓuɗey ngel ɓe nyamey ngel e maasa ka wala ufnirɗum.

TAARIHA KA'A ITTAAMA NDER DEFTERE GUURTAKI 12: 33- 15 :21