23. DANYEKI YEESU.

1 Mariiyam laati muyaaɗo gorko gooŋgaajo bi'eteeɗo Yuusufu. Sarel o nani Mariiyam no reedujo, o annditi na ɗum kaŋko. Ammaa o yiiɗa semtingo Mariyaam o nyumi o yofra mo njoyre. Sarel o nyumaata no o yofrata mo ,Malaa'iikaajo wagganimo nder koyɗol wolwani mo.

2 Malaa'iikaajo wi'i : << Yuusufu ta hul hoygo Debbo ma'a Mariiyam, gam ɓiŋgel ngel o sawi wari gada to Ruuhu ceniiɗo. O danyey ɓiɗɗo gorko. A hokkey mo innde Yeesu ( Ba wi'igo Jawmiirawo kisnoowo ) gam o hisney ummaatoore e legŋji ma'ako.

3 Nden Yuusufu hoowi Mariiyaam wartiri mo e wuuro mu'um. Ammaa o walday e ma'ako faa o danyi ɓiɗɗo ma'ako.

4 Sarel ngel daygol Mariiyaam ɓadi, Mariiyam e Yuusufu mbaɗi jahhangal goɗɗungal yahgo Gariri Baytilami. Gam Laamiiɓe Roma njiɗi lima koomoye gonɗo nder lesdi Isra'iila fuu. Kooɓeye so'i to maamiiraɓe mu'um en ngonno. Laamiiɗo Dawuda danyaano ma e Baytilaami, nden bo Yuusufu e Mariiyam no taaniraaɓe ma'ako.

5Gam maajum Mariiyam e Yuusufu njahhi Baytilami, ammaa nde ɓe njotti taawi duuniya ɗuuɗi waala to ɓe ɓera, say to mardiiji ngoni tan lutti. Ndon Mariiyam danyi ɓiŋgel mu'um. O mballini ngel nder Akali gam waala Leso to'o wallina ngel. Mariiyam e Yuusufu noddani ngel innde Yeesu.

6 E nder jemmaare nden e woodi waynaaɓe kerol ɗon reenayɓe marle mu'um'en. Malaa'ikaajo wolwane ɓe nder jayngol nde ɓe nji'i ndum ɓe kultoori, Malaa'ikaajo wi'i ɓe : << To on hul gam mi waadini on habaru belɗum. Jawmiiraawo kisnoowo danyama e Baytilaami! >>

7<< Njahhe nji'on ɓiŋgel ngel, on tawey e ngel taari nder limce e ngel wallina nder Akali to marle kurfotto. >> Nden woɓɓe malaa'iika;en mbaggi e malta Allah. Nden ɓe mbi'i : << Yettore laatano Allah mo dow Asama, jam laato dow lesdi nder ummaatooje e yimɓe ɓe yiiɗa ɓe ma'ako.

8 Nden malaa'iika'en ɓen majjiti, waynaaɓe ndali marle mu'um'en njahhi gam yi'oygo ɓiŋgel ngel. Nde ɓe njotti iinaare to Yeesu woni ɓe taawi e mo walliina nder kurfunirɗum baano Malaa'iikaajo mbi'ino ɓe, ɓe kayɗiini ŋgorey. Ɓaawo ɗon ɓe so'i nder ladde to marle maɓɓe. E ɓe malta Allah dow ko ɓe nani e ko ɓe nji'i.

9 Nden woɓɓe worɓe ngari gada lesdi fuunaange ngonnduɗi, ɓe annduuɓe koode. Ɓe nji'i woɗɗe koodre hesre waggi dow Asaama. Nden ɓe mbi'i ɗum anndiiggo danyeeki Laamiiɗo keso e lenyol Yahuuda, ɓe mbaɗi anniiya yahgo lesdi ɗin gam yi'igo ɓiŋgel ngel. Ɓe mbaɗi jaahangal ɓe njotti Baytilaami ɓe taawi danyooɓe Yeesu e Yeesu on nder suudu.

Nden worɓe ɓen nji'i Yeesu e Inna mu'um ɓe suujiidi, ɓe teddiini Allah. Nden ɓe kokki Yeesu saahu. Nden ɓe kooti guure maɓɓe.

TAARIHA KA'A ITTAAMA NDER DEFTERE MATTA 1 E LUKKA 2.