48. YEESU WOONI ALMASIIHU MO ALKAWAL.

1 Nde Allah tagi duniiyaaru, kooɗume fuu no boɗɗum. Ɗum waala hakke. Aadamu e Hawwa e njiɗiiri e njiɗi Allah bo. E sareel ngel nyaw waala maayde bo waala. Duniiyaaru fuu e laati ba no Allah yiiɗi.

2 Seyɗan MBolwani Hawwa nder Jarne ngel nannditoyi e mboodi gam ngel yiiɗi njoynugo mo. Say Hawwa e Aadamu mbadi hakke yeeso Allah. Gam hakke maɓɓe koomoye nder duniiyaaru no maaye.

3 Gam Aadamu e hawwa mbaɗi hakke, areeji kalluɗi ngaari. Ɓe laati konne'en Allah. Gam ma'ajum, koomoye Neɗɗo gada nden waɗi hakke. Koomoye Neɗɗo laati konneejo Allah gada danyeeki mu'um. Yimɓe ngala jam hakkunde mu'um e Allah. Ammaa Allah e yiiɗi waɗa jam ɗum.

4 Allah waɗi alkawal wi'i go'oto nder taniraaɓe Hawwa no fusey hoore Seyɗan. Kadima o wi'i Seyɗan no ŋatey teppere ma'ako. Kadima baanye feere wi'i Seyɗa warey Almasiihu, ammaa o ummitiney mo. Ɓaawo ɗon Almasiihu ittey bawɗe Seyɗa faa abada. Ɗuuɓi ɗuuɗɗi ɓaawo ɗon Allah holley Yeesu woni Almasiihu.

5 Allah wi'i Nuuhu wad Markabawwal gam kisna wuuro ma'a Ilam Tufaana ɗam o lildoyta. Banih Allah hisnita holiiɓe mo. E haniino Allah wara koomoye fuu gam hakkeeji mu'um. Ammaa Allah lilooyi Yeesu gam hisna koomoye nuɗɗinɗo mo.

6 Ko waɗi duuɓi ɗuuɗɗi, liman'en tokki waɗaggo Allah Sadaaka gam hollugo yimɓe mbaɗi hakke e ɓe kaani Allah hiito ɓe. Ammaa Sadaaka kan waawata ya'afaago hakkeeji maɓɓe. Yeesu woni mawɗo liman'en sakkoɓe. O waɗi ko liman'en mbawaata wadgo. O waɗi Sadaaka ngo'ota mbaaweyka itta hakkeeji koomoye, o jaɓi Allah hiito mo gam hakkeeji duniiyaaru, Yeesu no mawɗo liman'en gooŋgaajo.

7 Allah wi'i Ibraahima : << Mi barkiɗiiney koongole Lenyol dow Lesdi gam daygol ma'a. >> Yeesu lati go'oto nder dayngol Ibraahima. Allah barkiɗini legnji fuu gam daygol Ibraahima o hisney koomoye e hakke to nuɗɗini Yeesu, Allah no wartirey ɓe daygol Ibraahima.

8 Allah wi'i Ibraahima Sakkana ɗum Ɓiɗɗo mu'um Isiyaaku. Ammaa Allah hokki njawdiri Sakketeeɗi gam sottugo Isiyaaku. E hanino en fuu maayen gam hakkeeji me'en! Ammaa Allah hokke Yeesu ba Sakkiri o maayi gam sottugo en. Gam ma'ajum mbi'eten Yeesu jawngel Allah.

9 Sarel ngel Allah lilooyi masiibo ɓaawojum dow misra'en o wi'i koongoye wuuro Israa'iila hirsa jawgel ngel waala aybe. Israa'iila'en molma nji-njam ɗam dow dammuɗe maɓɓe yo nden Allah yi'i nji-njam ɗam, o tokki dow gure maɓɓe ammaa o waray ɓiɓɓe maɓɓe afɓe. Allah noddi wakkasiire nden Paska.

10 Yeesu laati ba jawgel Paska. O meeɗayi wadgo hakke, o waala aybe koo ceɗɗa. O maayi wakkaasi julde Paska. Gam ma'ajum to goɗɗo nuɗɗini Yeesu nji-njam ma'akono yoɓey hakkeeji Neɗɗo oo kaama Allah tokki dow ma'ako ammaa hitaaki mo.

11 Allah wadni Israa'iila Alkawal gam um lenyol ngol o suɓi laato ngol ma'ako. Allah waɗi Alkawal kesal gam duniiyaaru fuu. Koomoye jaɓi Alkawal kesal ngal laatake nder lenyol Allah. Gam o hoolake Yeesu.

12 Muusa laati no Annaboojo ga'ajinndo wolde Allah e bawɗe mawɗe. Ammaa Yeesu ɓuri annabo'en fuu. O Allah dow ko'o wi'i e ko'o waɗi nder wolde Allah. Gam kajjum binndi no

13 Allah waɗi Alkawal dow Laamiiɗo Dawda wi'i go'oto nder daygol ma'ako Laamoto dow yimɓe faa abadaa. Yeesu laati go'oto nder lenyol Dawda, o ɓiɗɗo Allah o kisnoowo, kaŋko Laamoto faa abadaa.

14 Dawda wonno Laamiiɗo dow Israa'iila, ammaa Yeesu no Laamoto dow duniiyaaru fuu! O wittoye o Laamorto jam e gooŋgaaku dow Laamu ma'ako. faa abadaa.

TAARIIHA KA'AITTAAMA NDER LAATANOOJI - 3; 6, 14, ; BURTAAKI 12, 20; 2 SAMUYILA 7 ; IBRAANINKO'EN 3: 1-6 ; 4: 14-5 ; 10 ,7 : 1 -8: 13, 9 : 11-10 : 18; WAHAYU YUHANNA 21.