30. YEESU NYAMNI DUNIYA DUBU JOWI

1 Yeesu lili lilaaɓe gam gajina ɓe ekkitina yimɓe ci'eji ɗudɗi feere feereji. Nde ɓe ngarti to Yeesu woni, ɓe bi'i mo koɓe ɓaɗi. Nden Yeesu lilaniɓe ɓe ngara ɓe jahda e ma'ako inare de waala maaɗey ngaɗa maayo gam ɓe potta ton. Nden ɓe natti koobowal ɓe jahi gaɗa maayo.

2 Amma woodi yimɓe ɗuɗɓe ji'i Yeesu e pukara' en muuɗum nder kooboowal. yimɓe ɓen nyaroyi ɓe ngari sarel, ko Yeesu e pukara'en muudum jotti,mobgal jama'are e dentimo ton.

3 Limgal jama'aare ɓuri dubu jowi 5000 worɓe, Amma rewɓe limaaka fuu e ɓikkon. Yeesu yurmini jama'aare ɗudɗe. eesu yi'i yimɓe ɓen nandi bana baali ɗi ngalaa gaynaako. Nden o ekkitini ɓe ɗudɗum o nyawti yimɓe marɓe nyawwuji.

4 Nde alasara waɗi, pukara'en mbi'i Yeesu: << Hiri nden boo waala wuro woni keerol ɗo'o. Wi'i yimɓe ɓe'e dilla ɓe jaaha ɓe keeɓoya koɓe nyama. >>

5 Ammaa Yeesu wi'i fukara'en onon jahe kokkeɓɗe ko ɓe nyamata! << Ɓe mbi'i min ngala ko min kokka ɓe, ɓe nyaama ɗum min ngoodi maasaje jowi e linji ɗiɗi pammari. >>

6 Yeesu wi'i fukara'en bi'a duniyaru ɓe jooɗo dow jeene, ɓe jooɗoro cappanɗe jooɓo, cappanɗe jooɓo.

7 Nden Yeesu hoonji masaaje jowi e lignji ɗiɗi o tijji dow o yetti Allah gam nyamdu.

8 Nden, Yeesu sendi masaaje e lignji seeɗe seeɗe. o hokki ɗe pukara'en ma'ako ɓe senndana duniiyaru. Ɓe togki senndango ɓe, nyamdu dun re'aayi ! Duniiyaru ɗun fuu yari.

9 Ɓaawo ma'ajum, fukara'en mobti nyamdu luttuɗu. Ko hebbinta njoogirɗe sappa e ɗiɗi! Nyamdu ndun fuu iwi e masaaje jowi e liggi ɗiɗi tan.

TARIIHA KA'A ITTAAMA DEFTERE NDER MATTA 14: 13-21; MARKUS 6: 31-44 ; LUKA 9: 10-17.