39. YEESU YAHRA MA YEESO HITOOƁE

1 Ɗum caka jemma, askar'en njahri Yeesu e wuuro mawɗo ardiiɓe diina, gam o yiiɗi njamgo Yeesu. Piyer e tokkirri ɓe gaɗa to woɗɗi. Nde askar'en nattiini Yeesu nder wuuro ngon. Piyer dari yaaci e ifro e yiite.

2 Nder wuuro ardiiɗo yahuudu'en Yeesu hiita. Ɓe ngaddi sedooɓe fewre ɗuudɓe, ɓe pewi pewe ɗuuɗɗe dow ma'ako. Ammaa sedamkuuji maɓɓe nannda gam ma'ajum ardiiɓe yahuudu'en taway ko ɓe mbolwi dow ma'ako. Yeesu mbi'ayi kooɗub.

3 Gaɗa ɗon, Liimanjo mawɗo raari Yeesu njami mo wi'i :<< Wi'i min an woni Almasiihu, ɓiɗɗo Allah geeto na ? >>

4 Yeesu wi'i : << Bano mbi'i mi on, on nji'e e mi jooɗodi e Allah mo Asama. >> Mawɗo ardiiɓe diina ceeki hennare mu'um gam mbolwe ɗe Yeesu mbolwi nden o huu'i o wi'i mawɓe diina enen e ko'e me'en en ngala ha'age ko goɗɗo wi'ata dow Gorko o'o ko waɗi! Onon e ko'e mo'on on nani ko'o mbi'i kaŋka woni ɓiɗɗo Allah. um mbiiɗon?.

5 Mawɓe yahuudu'en fuu tonti mawɗo diina : << O henji wareego! >> Nden ɓe kaɓɓi giite Yeesu, ɓe tuutani mo joode, ɓe piiyi mo, ɓe ngusaani mo.

6 E sarel ngel Piyer e renti ɓe yeeso suudu. Goɗɗo Debbo kowoowo yi'i mo. Debbo on wi'i mo : << A wonduno e Yeesu ! >> Piyer yeddi. aawo maajum, Goɗɗo surbaajo wi'i mo banon, Piyer yeddi kadima. Gaɗa ɗon woɓɓe yimɓe mbi'i mo min nji'idiino ma e Yeesu gam on fuu ɗiɗo on Galilaŋko'en.

7 Piyer wi'i : << Allah na'alam mi to e mi anndi Gorko o'o! >>Ɗon e ɗon ɓaawo bolwe Piyer, NJakaatardi kukkiiti. Yeesu wayliti rari Piyer.

8 Piyer dilli o mboyi mbojji nawɗi. E wakkaci ɗum Yahuuda gokkitirɗo Yeesu yi'i ardiiɓe yahuudu'en kiitaake Yeesu kiita wareego. Yahuuda warri e heewi monee o warti.

9 Nden Pilaatus wooni ardiiɗo Lesdi. O kuuwoowo e Roma. Ardiiɓe yahuudu'en ngaddani mo Yeesu. Gam ɓe njiiɗi Pilaatus hiito wara mo. Nden Pilaatus njaami Yeesu wi'i a Laamiiɗo yahuudu'en na?

10 Yeesu tonti a wi'i gooŋga, ammaa Laamu am na ɗum ɗo'o e Lesdi. To ɗum non no daa pukara'en am kaɓaaniino yam. Ammaa mi waari e Lesdi gam mi wi'i gooŋga dow Allah. Kooɓeye yidɓe gooŋga nanaaney yam. Pilaatus wi'i ɗume wooni gooŋga ?

11 Ɓaawo wolwidiidgo e Yeesu Pilaatus worti yahhi to jama'are wi'i ɓe : << Mi tawayi aybe e Gorko o'o fa ko waɗa o ware! >> Ammaa mawɓe yahuudu'en e jama'are kuu'i mbi'i << ngaafe mo >> Pilaatus tonti wi'i << O waɗayi goɗɗum kalluɗum >>Ammaa ɓe ɓesdi ku'igo e semmbe. Pilaatus wi'i e tataɓre o waɗayi ko halli.

12 Pilaatus huli to yimɓe puɗɗu hunjaŋgo mo, nden wori askar'en ngaafi Yeesu. Askar'en Roma piyi Yeesu nden ɓe ɓorni mo hennare Laamu e jiifol ji'e. Gam wusaago mo ɓe mbi'i ndaare Laamiiɗo yahuudu'en.

TARIIHA ITTAMA NDER DEFTERE MATTA 26: 57; 27: 26; MARKUS 14: 53 ; 15: 15; LUKA 22: 54; 23: 25 ;YUHANNA 18 : 12; 19: 16.