50. YEESU NO WITTOYE
1 Gada ilaa ko waɗi duuɓi duubu ɗiɗi (2000) gutiiɗi. Yimɓe nder duniiyaaru nani habaru belɗum dow Yeesu Almasiihu, Igilisiiyaaji mbaɗi ga ɓesdaago. Yeesu waɗi Alkawal no wittoyey e timmoode duniiya. O mbittoyay tawo, ammaa o yottiney Alkawal ma'ako.
2 Yoo en ɗon ndeena so'oyaki Yeesu, Allah suɓi siryanaago en foofango ceniingo teddiney ngo ɗum. Ene'en ma e haani nga'ajiine hala Laamu Allah. Ko Yeesu wonno e Lesdi o wi'i : << Fukara'en am nga'ajiiney habaru belɗum ɗum Laamu Allah nder duniiyaaru fuu, nden timmode wara.
3 Legnji ɗuuɗɗi ɗi nanay habaru Yeesu ta'o. baah ko mo so'o e Asama, Yeesu wi'i masiihinko'en nga'ajiiney yimɓe ɓee meeɗayi nango habaru am. O wi'i: << njahe mbaɗe fukara'en kootooye nder legnji! >> Geese mbenndi gam tagnjeego.
4 Yeesu wi'i kadima: << Kuuwoowo mburata mo huwanta. Yimɓe rimɓe nder duniiyaaru ndu'u, nganyaama. Ɗum wanyey on ɗum torra on ɗum wara on gam am. Nder duniiyaaru ndu'u on torrooto, ammaa tiiɗe gam mi jalaake seyɗan, Laamotooɗo duniiyaaru ndu'u. To on ngondi e am faa timmoode, nden kam Allah no hisney on! >>
5 Yeesu wadni fukara'en mu'um balndol o wi'i ɓe ko waranta yimɓe e timmode duniiyaaru. Say o wi'i : << Neɗɗo goɗɗo awii awdi mbodndi. Nde hooti , nder jemma say gaanyo ma'ako wari awi awdi jeene ndi wooɗa nder ngesaa ma'ako, dilli. >>
6 Nde aawdi ndi mawni, say huwooɓe ma'ako mbi'i : << Jawmiiraawo aawdi mbodndi aawuno ɗa nder ngesaa ma'a, e gam ɗume waɗi jeene nde mbooɗo mbaggi nder ma'aka ? Neɗɗo on tonti wi'i ɗum ganyo am waɗi ɗum. >>
7 Huwooɓe tonti Jawmiiraawo maɓɓe mbi'i mo : << Min ɗofeey jeene nden nde mbooɗa na ? Jawmiiraawo on wi'i ɓe na non to on mbaɗi non on ɗofeey fa'e bodde, ammaa ndente naa ɗum ɓenndi nden sinooɗon jeene ɗe mbooɗa ngulonɗe. Ammaa ngadde Alkamaari e Rummbu am. >>
8 Fakara'en annditay dow ɗume o mbolwi say ɓe nyaami, Yeesu dow balndol ngol , Yeesu wi'i ɓe : << Neɗɗo aawɗo aawdi mbooɗo um Almasiihu. Ngesaa ɗum duniiyaaru. Aawdi mbooɗi um nuɗɗinɓe, kam ɓe ngoni yimɓe Laamu Allah. >>
9 Jeene nde mbooɗa ɗum yimɓe Seyɗan. Ganyo aawɗo jeene ɗum Seyɗan, nyannde tayki ɗum Darngal , huwooɓe boo ɗum mallaa'iika'en Allah.
10 << Sarel timmode duniiyaaru waran malaa'iika'en no kawritey yimɓe latiiɓe ɓe Seyɗa, Malaa'iika'en no pereyɓe nder yiite luggunge, yimɓe ɓen no mboye nyernjindiira nyiinge; ɓe torroto torra ɗuuɗka. Ammaa yimɓe dowtantoɓe Yeesu no ɗelkitooto ba Nange nder Laamu Allah Baabiraawo
11 Yeesu wi'i kadima no wittoye dow Lesdi baako duniiyaaru timma. O wittiye ba non no o lilliri. Banye feere wi'i o heɓey Ɓunndu hesru. O wararoye dow duule. To Yeesu so'oyake koomoye nuɗɗinɗo maayɗo fintey o fottey e Yeesu dow Asama.
12 Nden nuɗɗinɓe foofey ɓe njeŋey dow Asama ɓe kawritey e fintuɓe ɓen. Ɓe njooɗodoto e Yeesu. Ɓaawaɗon Yeesu no wondey e lenyol mu'um. Ɓe njooɗodoto faa abada.
13 Yeesu waɗi alkawa no hokkeye koomoye nuɗɗinɗon ɗum Jiifol jaalorgal. Ɓe Laamodoto e ma'ako nder Laamu Allah kootoye e faa abada. Ɓe laatooto nder njamu ŋgongawu.
14 Ammaa Allah no hiitoto koomoye mo nuɗɗinay Yeesu. O baɗeteeɗon nder yiite. Ɓe mboye ɓe nyernjindira nyiinje. Ɓe njooɗoto nder bone faa abada. Ɗum yiite nge nyifaata, jilɗi ngoorata nyamgo ɓe faa abada.
15 To Yeesu so'oyake no halke Seyɗan e Laamu mu'um fuu. O yooley Seyɗan nder Lahhira. Ɗon Seyɗan e kooɓeye suɓɓe tokkugo ɗum na ɗowtanaago Allah wuulete faa abada.
16 Gam Aadamu e Hawwa ɗowtanaaki Allah kanjum waaɗi ɓe ngaddi hakke nder duniiyaaru, gam ma'ajum Allah na'ali ndu o siryi o mbonneye duniiyaaru ndun. Ammaa wakkasi warey ndum Allah tagaata Asama kesa e Lesdi kesri ndum latoto boɗɗum.
17 Yeesu e lenyol mu'um njooɗodoto dow lesdi kesri, ɓe Laamoto faa abada. O moytey gonɗi jiite maɓɓe, ton wala torro ko hunjere. Ndum wala bojji, ko nyaw, ko mayde. Waala kalluɗun kooɗume. Yeesu no Laamoto Laamu ngu gooŋga e jam. O wondey e lenyol ma'ako faa abada.
TAARIHA KA'A ITTAAMA NDER DEFTERE MATTA 24 : 14 ; 28: 18; YUHANNA 15: 20 ; 16 : 33 ;WAHAAYU YUHANNA 2: 10 ; MATTA : 13 : 24-30, 36- 42; TESSALONIIKI'EN : 4 : 13 ; 5 : 11; YAAKUBA 1: 12; MATTA 22: 13 ; WAHAAYU YUHANNA 2O : 1- 21- 22 : 21