14. DUUƁI NDER LADDE

1 Allah heyni hokkugo Isra'ila'en umroje fuu ɗe ɓe ɗowtanto gam alkawal ngal o haɓɓi e maɓɓe. Nden o yahri ɓe to woɗɗi hayre Sina. Allah yiiɗi yahraɓe lesdi alkawal mbi'ete ɗi Kanaana. Allah ardi ɓe nder rulde e ɓe nji'a .

2 Allah wadni Ibrahima e Isyaku e Yakubu alkawal o hunaniiɓe o hokkey ɓe lesdi alkawal, kamɓe e ɓiɓɓe-ɓiɓɓeeji maɓɓe. Ammaa e wodi leŋnji ɗuuɗɗi njooɗi ton. Wi'ete ɓe Kanaaniya'en. kanaaniya'en teddinta Allah ɓe ɗowtantaako mo bo. Allaji fewre ɓe teddinta, areeji ɗuuɗɗi ɗi mbooɗa ɓe mbaɗata.

3 Allah wi'i Isra'iila'en : << ɓaawo garki mo'on e lesdi alkawal, ngoɗɗite Kanaaniya'en fuu. o on mbad narral e maɓɓe, to on teeteetir e maɓɓe. saŋkiite kooɗiye labbi maɓɓe. To on ndowtanaki yam on keynire ndowtanago labbi maɓɓe dow jaati am. >>

4 Sarel Isra'iila'en ngari keerol e lesdi kanaana, Muusa suɓi worɓe sappo e ɗiɗi nder lenyol Isra'iila. O tindiniɓe no ɓe hordata lesdi gam ɓe nji'a no ɗi wa'i. Ɓe koora ɓe daara Kanaani'en no semɓidɓe na ɓe semɓiɗa ?

5 Sappo e ɗiɗo ɗilli yahgo kanaana deedey balɗe sappanɗe nayi nden ɓaawo ɗon ɓe ngarti. Mbe mbi'i lenyol << Ndum lesdi ɗi barka, mboɗɗi e demal ! >> ,Ammaa sappo nder hooro ɓe sappo e ɗiɗo mbi'i : << Ci'e no semɓiɗɗe e yimɓe no jenɗeru'en! To en kippa keɓe ɓe njalooto en ɓe mbara'en ! >>

6 Ɗon e ɗon Kaleb e Yusuwa nder hooro ɓe mbi'i << Gooŋga yimɓe Kanaana no mawɓe e semɓidɓe ammaa gooŋga en mbawey jalaago ɓe ! Gam Allah no haɓaney en ! >>

7 Ammaa Isra'iila'en nanay haala Kaleb e Yosuwa. Ɓe kuŋnjani Muusa e Haruna ɓe mbi'i : << Gam ɗume ngadduɗon min nder inare hulniɗe ɗe'e ? Ndikkana min joɗa go Misra. To en naati Gariri, ɗi'i en mayey nder haɓre, enen e Rewɓe me'en e ɓiɓɓe me'en en laatooto waylooɓe kanaanaya'en. >> Nden lenyol yiiɗi suɓgo ardiiɗo feere gam soo'aɓe Misra.

8 Allah nani mone. O wari e leymaaru fottirde o wi'i : << Gam on ndowtanaaki yam, lenyol fuu no yiloto nder ladde. say Yosuwa e Kabeb tan, ammaa koomoye mo duuɓi sappanɗe ɗiɗi e dow maaye ndo ɓe nattata lesdi alkawal faa abada. >>

9 Nde yimɓe nani Allah mbi'i nihi, ɓe nganti wadgo hakke. Nden ɓe siryi hippago jooɗiɓe Kanaana. Muusa wi'ino ɓee to ɓe ɓadnon gam Allah wondata e maɓɓe ammaa ɓe nanay.

10 Allah walda e maɓɓe nder Habre nde ɓe mbaɗi, gam maajum Kanaaniya'en njaliɓe mbari ɓe ŋgoorey. Nden Isra'iila'en ngoori Kanaana. kowaɗi duɓɓi sappanɗe nayi yeeso, Isra'iila'en e njili nder ladde.

11Koowaɗi duɓɓi sappanɗe nayi lenyol Isra'ila'en njilori nder ladde, ammaa Allah humtani ɓe haje maɓɓe. O hokki ɓe nyamdu ibɗu dow wi'eteɗu << mannu >> O lildoyi ɓe Jelle ( Ndum solli ɗi darɗe seɗɗa) nder inare gam ɓe mbaraɗe ɓe nyama kusel. Nder wakkasi ndum Allah waɗi kennaje e paɗe maɓɓe nde'ata.

12 Allah waɗɗi faama ndiyam wurto e hayre e kayeefi gam o hokkaɓe ɓe njara. Ammaa ko gam no fuu, lenyol Isra'iila wanyi ndowtanago Allah e Muusa. ooɗey fuu Allah tabini monjere mu'um. Allah waɗi koo ndume koo wi'ino Taniiraɓe Ibrahima, e Isyaku e Yakubu.

13 Woɗɗe nyanɗere nde lenyol koli ndiyam, Allah wii Muusa:<< Wolwa hayre ndiyam wuurtoto >> Gam wolwaggo hayre ammaa Muusa fiiyi ɗee ɗe ɗiɗi e sawru. Gam non o teddinay Allah. Ndiyam nguurtiɗa hayre waɗɗi koomoye yari ammaa Allah tikka ni Muusa o wi'i mo: << gam a waɗi ndu'um a nattata lesdi alkawal. >>

14 Isra'iila'en njili nder ladde koowaɗi duɓɓi sappanɗe nayi e kooɓeye ɓe ndowtanaki Allah mayi. Nden Allah ndowi lenyol kadima ko mburi mbadako kerol lesdi alkawal. Nden Muusa lati nayeejo, o suɓi Yosuwa gam walla e ardo lenyol. Allah kadima wadni Muusa alkawal yanɗe go'o lildoye lenyol Annaboojo ba maako.

15 Nden Allah wi'i Muusa njengoi dow hoore hoseere gam nji'a lesdi alkawal Muusa yi'i lesdi alkawal ammaa Allah hokkay mo laawol natgo ndii. Muusa maayi Isra'iila'en mboyi mayde maako balɗe sappanɗe tati. Yosuwa lati ardiɗo keeso, o kuuwoowo boɗɗo gam o hooli Allah o ndawtani mo bo.

TAARAHA KA'A ITAAKA NDER DEFTERE GURTAAKI 16 -17 e LiMLE 10-14 ;20 27 e TAKKITAAKI TAWRETA 34