10. MACIIBOOJI SAPPO

1 Allah anɗini Muusa e Haruna o sattiney hoore Firawna. Sarel ngel Muusa e Haruna jahi yeeso Firawna ɓe mbi'i mo ra ko Allah wi'i wor Isra'iila lenyol suɓaaɓe am ndilla ammaa o sali o ɓesdani ɓe kuuɗe saatuɗe.

2 Fir'awna tokki salago worgo Isra'iila'en ɗilla, nden Allah lildoyi mo masiiboji sappo kalluɗi dow misra'en. E masiiboji ɗin Allah holli Fir'awna kaŋko wooni jawmu bawɗe ko ɓuri bawɗe allaji Misra'en fuu.

3 Allah wayliti ndiyam Maayo Nilu laatini ɗam nji-njam gam ɗum Fir'awna woorey Isra'ila'en ɗilla.

4 Allah liloyi paaɓi nder lesdi Misra fuu. Fir'awna tori Muusa wortina paaɓi. Ammaa ɓaawo ɗon ɗe paaɓi fuu ɓati, Fir'awna semɓiɗini ɓernde mu'um o sali worgo Isra'iila'en ɓurto misra.

5Nden Allah lildi ɓe ŋatooji. Kadima Allah lildoye buwbi ɗuuɗɗi. Nden Fir'awna noddi Muusa e Haruna o wi'i ɓee to on ɓaɗi ŋatooji ɗali mi woorey Isra'iila'en ɓurto Misra. Nden Muusa tori Allah, Allah bo itti ŋatooji ɗi'in e Misra fuu, ammaa Fir'awna tiɗɗini ɓernde mu'um o hokkay Isra'iila'en wadgo no njiɗi.

6 Nden Allah waɗɗi nyaw wara mardiiji ɗi Misra'en ngeyi fuu. Ammaa ɓerɗe Fir'awna yoori o sali worgo Isra'iila'en ɗilla.

7 Ɓaawo ɗon Allah wi'i Muusa messu tooka dow yeeso Fir'awna. Nde Muusa messi ndooɗi, pu-nje nawɗe ɓaŋgi e dow ɓalli Misra'en, Ammaa ɗe ɓaɗaye e ɓiiɓɓe Isra'iila. Allah sattini ɓernde Fir'awna o woray ɓiiɓɓe Isra'iila ɗilli.

8 Ɓaawo maajum Allah waɗi malemalleje toɓɓa ɗe ɓonni koɗume ko Misra'en aawi fuu ɗe ɓari yimɓe bo wonɓe yaasi. Fir'awna noddi Muusa e Haruna o wi'i ɓe mi waɗi hakke on ɓawe dillugo. Nden Muusa tori Allah malemalleeje kelti.

9 Ammaa Fir'awna wooɗi hakke yoorini ɓernde mu'um kadima, gam o wooray Isra'iila'en ɗilla ba duniya waɗey ɓe no njiɗɗi.

10 Nden Allah waɗi sakkele ɗuuɗɗe nder Misra fuu gam baɓɓati ɗuɗɗi. Baɓɓati nyami kooɗume ko rema ko malemalleje mbonnay

11 Ɓaawoɗon Allah waɗi nibre mbalere balɗe tati,ngusamre ɗuuɗi e Misra'en mbaaway wurtaago e gure mu'um. Ammaa inare to ɓiiɓɓe Isra'iila ngoni e wodi jayngol

12 Ɓaawo masiibooji ɗi joweenayi, Fir'awna sali hokkugo fajooni Isra'iila'en hiina dillul. Kadima Fir'awna yiɗa nango Allah. Nden Allah siryi Masiibo ɓaawojum. Kajjum ɗum wayley ɓernde Fir'awna.

TAAHARI KA'A ITTAAMA NDER DEFTERE GUURTAAKI 5 -10