8. ALLAH HISNI YUUSUFU E WURO MU'UM

1 Duuɓi ɗuuɗi ɓaawo nde, Yakubu naywi o lili ɓiiɗɗo ma'ako jiɗaɗo Yusufu gam o yaha o yi'oya njamu mawniraaɓe ma'ako waynaɓe

2 Ɓiiɓɓe jiido'en Yuusufu giɗamo gam baaba maɓɓe ɓuri yidgo mo, kadima gam Yuusufu hoyɗi no laatoto mawdo maɓɓe gam maajum mawniraaɓe ma'ako, nangimo sorrimo to yimɓe sodoɓe wayloɓe

3Nde ɓiiɓɓe jiido'en Yuusufu ngari hootgo ɓe mbadni hennaare maako nji-njam mbe'a , ɓe ngaddaniɗe Baaba maɓɓe gam Yakubu nyuma takkere ladde nyaamii mo. Yakubu hunji ngorey

4 Yimɓe soodoɓe wayloɓe njohri mo Misra, Misra nɗum birniwol maggol, ngongol fara Maayo Nilu soodoɓe wayloɓe sorritii Yuusufu ba massuɗo to gomnaajo diskuɗo wakiilijo. usufu waɗi aykiwal ɓodgal e soɗɗo mo gam maajum Allah barkidini mo.

5 Debbo mawɗo maako wi'i mo o walda e mu'um. Ammaa Yusufu sali wi'i mi wadata hakke yeeso Allah am. Nde debbo nanika o mberni nden o fewani Yusufu, Yusufu yoola e kaso, ayki ma'ako boɗɗum Allah barkidinimo.

6 Ɓaawo duuɓi ɗiɗi Yusufu wala ko o waɗi, ammaa e mo nder kasso. jemmare wonɗe Laamiɗo Misra bi'etoɗo Firawna hoyɗi koyɗi ɗiɗi ndi ɓemɓi mo. Walaa koo nder waloɓe mo mbawɗo fassitiraŋgo mo koyɗi ma'ako.

7 Allah hokki Yusufu anndal gam o fassitira koyɗi Laamiiɗo. Fir'awna wurtini mo e fursina. Yusufu wi'i mo maana koyɗi ma'ako Yusufu wi'i Allah no waɗey duuɓi joweeɗiɗi, ɗi nyamduuji ɓaawo maaji goɗɗi joweeɗiɗi ɗi weelo ko dolo.

8 Firawna nani haala Yusufu fuu laatini mo neɗɗo mawɗo dow lesdi Misra, o wi'i mo dow jooɗorgal, Laamu tan ɓurdey mami .

9 Yusufu wi'i Yimɓe lesdi Mesra, momte gaweeje nder duuɓi joweeɗiɗi ɗi haaranɗe nde duuɓi joweeɗiɗi, ɗi weelo Ngari Yusufu maɓɓiti mbeeɓe sorrani yimɓe gam ɓe keɓa ko ɓe nyaami.

10 Dolo waɗi ngorey, naa e Misra tan ko toye faa e kanaana to ɓiɓɓe lenyol Yusufu ngoni

11 Yakubu lili ɓiɓɓe mu'um mawɓe e Misra gam mbe soɗonoya ɓe nyamdu. Mawniraabe Yusufu anndi tayi mo sarel ƁƊɓe sodata , ammaa kaŋko o annditi ɓe.

12 Ɓaawo Yuusufu jarribi ɓiɓɓe jiidi'on mu'um gam o rara ɓe ngaylake na? Yusufu wi'i ɓe :<< mi ɓii jiido mon on giiɗi waɗango yam halleeɗe nde soorru ndoya ba gaylowo, ammaa Allah wayliti nɗum mboɗɗum. Ngare njoɗe e Misra onnon e guure mo'on, mi humtaney on haaje onnon e guure.

13 Sarel ko ɓiɓɓe jiido'en Yusufu ngarti wuro, ɓe ɓi'i Baba maɓɓe Yakubu Yusufu e fofa,Yakubu naani belɗum.

14 Yakubu laati ɗottiijo nayeejo o yahi Misra gam jooɗago ton kaŋko e wuro maako fuu ko Yakubu maaya o barkiɗini ɓiiɓɓe mu'um fuu.

15 Alkawal ngal Allah haɓɓu no e Ibrahima, ngal latani Isyakue e Yakubu nden e ɓiiɓɓe Yakubu sappo e ɗiɗo e guure maɓɓe. Nder taaniraɓe ɓiiɓɓe Yakubu sappo e ɗiɗo ɗon le-nji Isra'iila sappo e ɗiɗo ɓaggi.

TAARIIHA DEFTERE FUDDOODE 37-50