45. FILIP E MAWƊO HUWOOƁE ITOOPIYA.

1 Go'oto nder ardiiɓe nuɗɗinɓe aranɓe, mo koomoye teddinta bi'eeteeɗo Etiyel. Ruuhu Ceniiɗo hokkii mo bawɗe e Hikma, Etiyel waaɗi kayeefiiji ɗuuɗɗi, yimɓe ɗuuɗɓe nuɗɗiini Yeesu nde nani ekkitiinol ma'ako.

2 Woɗɗe nyanndere nde Etiyel mbolwi haala Yeesu, woɓɓe yahuudu'en ɓe nuɗɗiinay ngari puɗɗi yeddugo Etiyel. Ɓe kuŋnji ŋgorey, say ɓe njahhi to mawɓe Diina yahuudu'en ɓe mbi'i : << Peewe ɗuuɗɗe dow Etiyel. Ɓe mbi'i : << Miin nani Etiyel e wi'a areeji kalluuɗi dow Muusa e Allah ! >> Nden mawɓe yahuudu'en naggi Etiyel njahri mo to Liimanjo mawɗo e woɓɓe ardiiɓe yahuudu'en, seedoɓe peewe ɗuuɗɓe ngari ɓe peewe dow Etiyel.

3 Liimanjo mawɗo njami Etiyel wi'i : << Ko worɓe ɓe'e mbi'a ata dow ma'a ɗum gooŋga na ? Etiyel fuɗɗi wi'igo Liimanjo on mawɗo areeji ɗuuɗɗi nder tonta mu'um. O wi'i : << Allah waaɗi areeji boɗɗi gam lenyol Israa'ilagaada wakkasi Ibraahima faa wargo wakkasi Yeesu, o hiimitiini ɓe kooɗeye fuu lenyol woori ɗowtanaago Allah. Etiyel ɓesdi wi'igo : << Onon on lenyol ngol ɗowtataako. On sali Ruuhu Ceniiɗo, ba maammiraaɓe mo'on kooɗeyefuu ɓe ɗowtaanaki Allah kadima ɓe mbari annabo'en. Ammaa onon on mbaɗi ko mburi ɗum hallugo on mbari Almasiihu.

4 Nde mawɓe Diina nani ɗum ɓe kuŋnji ŋgorey, ɓe sumɓi noppi maɓɓe ɓe kuu'i ɓe ndasi Etiyel yaasi ci'ire ɓe perdi mo kaaŋnje gam warago mo.

5 Nde Etiyel ɓadi maygo, say o huu'i o wi'i : << Yeesu jab Yoŋki am. >> Say o dissi o huu'i hu'aango towngo o wi'i : << Jawmiiraawo ya'afanaaɓe hakkeeji maɓɓe. >> Nden o maayi.

6 Nder balɗe ɗen yimɓe ɗuuɗɓe puɗɗi torrugo fukara'en Yeesu, say nuɗɗinɓe nyaari saɓɓiiti inaaje feere feere. Koo gam non ma e ɓe nga'ajiina habaru Yeesu to ɓe njaahi fuu.

7 Nder nuɗɗinɓe Yeesu go'oto bi'ete ɗo Filip nyaari e Urusaliima ba no nuɗɗinɓe reeta'en nyardi. O yahi e Lesdi Samaariya. O mbolwaani yimɓe dow Yeesu, ɗuuɗɓe nder maɓɓe bo nuɗɗini keeɓi kisndam. Woɗɗe nyandere Malaa'ikaajo Allah wari to Filip wi';i mo umma tokku Laawol ngol nder ladde. Filip ummi gam yahgo, e mo dow laawol say o yi'i goɗɗo e waɗɗi Puswa. Neɗɗo on no kuwoowo Mawɗɗo Itoopiya. Ruuhu ceniiɗo wi'i Filip yah mbolwan Gorko oo.

8 Say Filip yahhi e Puswa ngan. Say o nani Itoopiyaajo on e jagga Deftere Annabi Esaaya to wi'i : << E mo ɗowa ba Jawgel kirsoy tee ngel, o wii'ay koo ka ɓee ngala gooŋga, ɓe teddinay mo nden kadima ɓe mbari mo.

9 Filip njami Itoopiyaajo on wi'i : << A fahma ko njaggata na ? >> Itoopiyaajo on tonti wi'i :<< A a noy mbawrey mi fahmugo to waala pamtinɗo yam ? >> Say Itoopiyaajo on wi'i Filip useni war jooɗa mbuttudu am. Wi'i am dow moye Isaya mbindi, ɗu'um dow ma'ako na walla um dow goɗɗo feere ?

10 Filip waɗɗi Puswa. Nden o wi'i Itoopiyaajo on Isaaya ɗum dow Yeesu mbinndi ɗum. Kadima Filip mbolwaani mo habaru ɗuuɗɗum nder wolde Allah. Ba nihi o wi'iri Gorko oo habaru belɗum dow Yeesu.

11 Filip e Itoopiyaajo e njahha dow laawol. Say ɓe nji'i ndiyam Itoopiyaajo wi'i FIlip : << Raa ndiyam ko hadtammi waɗneego Baptisma? Nden o wi'i ɗoowanɗo mo darna Puswa.

12 Nden ɓe njippi ɓe natti ndiyam say Filip wanni mo Baptisma. Nde ɓe mburti ndiyam, Ruuhu Ceniiɗo hoonji Filip yahri mo wonde inaare. Filip tokki wi'i go yimɓe habaru Yeesu kootey fuu.

13 Itoopiyaajo tokki laawol mu'um hooti Wuuro mu'um. Mo nani belɗum anndugo Yeesu.

TAARIHA KA'A ITTAAMA NDER DEFTERE KUUƊE LILAAƁE 8 :