1. Nako ya Lobopo

She ke gkaho tshimilogo ya sengwe le sengwe ye e rihala gkaho. Morimo ya a riha lebopo le shengwe le shengwe malatjing a le borakyaro. Mojwa ga Morimo a la a bopa lehatshe ga bo go le lehihi gole le ikhu, mbe go sena she she botjwe. Mbe Moya wa Morimo yo o le ha go gorimo ga maze.

Go jwang mhong Morimo wa re '' a go rihe leseri" mbe la rihala, a bona leseri a bo e le bija "shekgau" A le harolola le lehihi mbe a bija lehihi a re ''bosigo''. Morimo ye ye a bopa leseri mo laatjing la ntha la lobopo.

Mo laatjing la boberi la lobopo, Morimo a bola mbe a bopa loapi ha go rimo ga lehatshe. A riha loapi a harologanya maze o wa a igorimo le maze u wa a idatshe.

Mo laatjing la boraro, Morimo a bola mbe a harologanya maze le lehatshe le le omeleyego. A bija ho go omeleyego ''lehatshe'' mbe a bija maze ''mawate'' Morimo a bona gore ze ye a bi bopa bi siamego.

Go jwa mhong Morimo a re,a lehatshe le ntshe bithare le bimela ja mehuta yothe' Shelo she sha rihala. Morimo a bona gore ze ye a bi bopa bi siamego.

Mo laatjing la bone, Morimo a bola a be e riha laatji, kgweri le rinyeleri. Morimo yo o bi rihela go tshubela lehatshe go harologanya sekgau le bosigo, ripaka le ringwaga. Morimo a bona bilo ze ye a bi bopa bi siame.

Mo laitjing la botlhano, Morimo a bola mbe a riha shengwe she she tiba mmazeng le rinnyane jothe. Morimo wa laba bilo ze a bona bi siame, a ba a bi segohaja.

Mo laitjing la borakyaro, Morimo a re "a go rihale ripholoholo jothe mo lehatsheng ''mbe ga rihala heri jwalo jwaagka Morimo yo o laela. Ringwe ya bo e le ja mo gaya, je ringwe ri gogoba je ringwe e le ja lenaga. Morimo a bona gore ye go siame.

Go jwa mhong Morimo a re ''a he rihe baqtho mo sechwanong shecho. Ba da go laola mo lehatsheng le mo ripholoholong jothe."

Morimo a tshola mabu, a bopa mothyo gka o, mbe a hemela moya mo goye. A bija mokhyo a re Adam. Morimo a lema tshimo gore Adam a rule mo goyo, mbe a mbaya go e thogkomela.

Ha gari ga tshimo, Morimo a lema bithare ze bi hapheshilego bi le biberi- shethare sha bochelo, le sethare sha kitso ya molemo le busula. Morimo a jwela Adam gore o gka jya mo shethareng sengwe le sengwe gkaite ga shethare sha kitso ya molemo le bosula. Ha a gka a jya mo shethareng she, o da go shwa.

Morimo a re'' ha go siame gore monona a rule e na nongwe''.Ripholoholo jothe ha ri gkagke ja jwa bathywisi ba ga Adam.

Morimo a riha gore Adamo a khyulamele thyathya, a ntsha lengwe la rikgopo ja gwe wa riha mosari mbe a mo nere go Adamo.

Ha Adamo a bona mosari a re '' yo o chwana le no, a lebijo la gwe go riwa ''mosari'' gka gore o rihilwe go jwa moononeng.'' Too she monona o siya nnale le ise baa go riha shelo shele mo shongwe le mosari wagwe.

Morimo a riha monona le mosari mo sechwanong sha gwe a ba shegohaja, mbe a re ''do ga le ye go bebi baqthwana le bodolo jo bontsi bo dale mo lehatsheng' mme ya a re e bona bilo ze yaa bi riha a bona bi siame. Morimo a heja shengwe le shengwe gka laatji la boratyaro la lebopo.

Ha laatji la bosupa le goroga Morimo a heja kiho a ikyapolosha. Morimo a ikyapolosha mo go shengwe le shengwe sheye o she riha. A shegohaja laatji la bosupa, a le riha gore le shegohale. Gkagore mo laatjing le a ikyapolosha mo kihong yagwe. She ke gkaho Morimo ye a riha legorimo le lebopo le shengwe le shengwe mokyeng.

Polelo ya Baebele go simolola Genesisi wa ntha go ya go wa boberi