Morimo o bologka Jyosehe leba loba lagwe

Mojwa ga ringwagangwaga, ha Jyakobe ele monnamogolo, a roma ngwane yoo mo ratyayo, Jyosehe, ga go thola bo mogolowe mba ya ba thogkomei leruo.

Bo mogolowe ba ga Jyosehe ba mo ila gka gore sejwe wabo ya mo ratyile qthatya le gore Jyosehe yaya a lora gore oda riha molaori wabo. Ha Jyosehe eda go bo mogolowe, bamo riha mochwarwa ebe bemo regkiseza mba iya ba regka baqtho goya goba riha makgoba.

Pele ga bazalwa le Jyosehe be boela gaya, ba kgagola sheaparo yagwe mbe bae tjinya maaring a puri. Ebe be kakanyeja sejwe wabo sheaparo gore a te a akanye gore phologolo na ya bolaya Jyosehe. Jyakobe a hutsahala qthatya.

Baregka makgoba ba isa Jyosehe Egepoto. Egepoto iye ale mogtona, e le lehatshe le le nonohilego le bapile le nogka ya Nile. Baregka makgoba ba hetya ba rekgiseja GJosehe mongwe wa bagumi yo ya ale mo pusong wa thwathwa. Gjosehe a rihela monyi wagwe shente, mbe Morimo a sogohaja Jyosehe.

Moga monyi wagwe a legka go lala le Jyosehe, mbe Jyosehe a gana go leohela morimo gka tsela ye. Mosari a galeha abe e paqkeleja Jyosehe gore a chwarwe a isiwe toronkong. Le mo toronkong, Jyosehe, a jwelela a rula boikanyego mo Rimong, mbe Morimo amo shegohaja.

Mojwa ga ringwaga rele riberi, Jyosehe abe a santse ale mo torokong, le ha ye a sena molaqto. Bosigo bongwe, Faro, yo Baegepeto ye be mbija kgoshi yabo, a lora rityoro rele riberi je ye ri mo kgoreletsa qthatya. Ha gona mongwe wa bagagkolori bagwe mba iye be kgona gomo jwela thaloso ya rityoro.

Morimo a be na naya Jyosehe bokgoni jwa go ranola rityoro, Faro abija Jyosehe go jwa toronkong. Jyosehe a mo ranola rityoro jagwe are, " Morimo o dile go romela ringwaga rile supa ja qthobo ye tyona, ri salwa mojwa ke ringwaga rile supa ja leuba."

Faro a ityumela gka Jyosehe mbe a mo thoma gore e rihe ena yoo mo latyela gka maemo le rithyatya mo Egepoto othe.

Jyosehe a raya baqtho gore ba beye rijyo rile rintsi gka nako ya ringwaga je ri supa ja thyobo ye molemo. Mbe Jyosehe a regkiseja baqtho rijyo ha ringwaga je ri supa ja leuba na je da gore ba jye go ba legkane.

Leuba ye lese mashwe heri mo Egepeto, mbe le Kanana gko Jyakobe le loba lagwe ye bi rula gkayo.

Mbe Jyakobe a roma bo ngwane mba batyona Egepeto go ya go regka rijyo. Bo mozalwa le Jyosehe ye ba sha lemoge Jyosehe ha be eme ha pele gagwe be regka rijyo. Mbe Jyosehe a ba lemoga.

Ala a legka bazalwa nae go gka bona gore ya ba hetyoga, Jyosehe aba raya are,"toonna mozalwa lenye, Jyosehe! Le shegka la choga. Iye lere la riha bosula ha le ngthegkisa ke le le lekgoba, mbe Morimo a rihisa bosula bomolemo. Nto leda go rula mo Egepeto gore ke kgone go leha le maloba eno.¨

Ha bazalwa le Jyosehe be boyela gaya ba go jwela ise wabo, Jyakobe, gore Jyosehe osha chelayo, a be e igtumei heri qthatya.

Leha Jyakobe ye e ele motsohe, a kgolela Egepete le le ba lagwe lothe, mbe ba rula gkayo bothe. Pele ga Jyakobe e shwa, a segohaja mongwe le mongwe wa bo ngwane ba bantjana.

Cholohejo ya kgolagana ye Morimo ye e neile Aborehamo ya ja hegkisejwa go Isake, lego Jyakobe, e be go ya go barwa ba ga Jyakobe mba ba leshome le boberi le maloba abo. Bodolo jo bo leshome le boberi jwa barwa jwa be bo riha richaba je ri leshome le boberi ja Iseraele.

Polelo go jwa mo lekwalong la ga Genesis:kgaolo ya bo 37-50