25. Satane o raela Jyeso

Heri a la Jyeso a kolobetswa, moya wo boitshepho wa mo goshela mo nageng, gko ya ya ityima rijyo malatji ale mashome mane le masigo a le mashome mane. Satane a da go Jyeso a mo raela go leoha.

Satane a raela Jyeso gka go mo raya ere, "ha o le morwa Morimo, hetyolela majwe uwa mo borothyong gore o jye!"

Jyeso a hetyola are, "go kwarilwe mo lehogkong la Morimo ga ruwa, "Baqtho ha ba thogke borothyo bo na jongwe go chela, mbe ba thogka lehogko lengwe le lengwe le Morimo o le bolayo!"

Satane a tshola Jyeso a mo isa shethoeng sha Tempele a mo raya are, "ha o le morwa Morimo, itathele hatshe, gka gore go kwarilwe go ruwa, "Morimo o dago laela baengele bagwe go go chwara gore lenoo lago le shegka la kgopiwa ke lijwe."

Mbe Jyeso a hetyola Satane gkago ntsha lekwalo. Are, "Mo lehogkong la Morimo, o laela baqtho bagwe, "o shegka wa legka Morena Morimo wago."

Satane a kakanyeja Jyeso magoshi othe a lehatshe le kgalalelo yawo are, "ke da go go naya bilo zothe ze ha o gka khubama hatshe wa nkobamela."

Jyeso a hetyola are, "Jwa mo gono, Satane! Mo lehogkong la Morimo o laela baqtho bagwe are, "O obamele heri Morena Morimo wago o bo o mo rihela e na nongwe."

Jyeso a shegka a ineela go hengwa ke Satane, Satane a mo lesha. Baengele ba da go rihela Jyeso.

Polelo ya Baebele go jwa go Mathaio 4:1-11; Mareko 1:12-13; Luke 4:1-13