15. Lehatshe la cholohejo

Mojwa ga lobagka ya be ele nako ya gore Baiseraela ba tjena Kanana, lehelo la cholohejo. Joshua a romela bakeleki ba le baberi pele toropong ya Kanana ya Jeriko ye ye joshilwe gka lekotswana le lethyatya. Mo toropong ya teng ye go rula sheagka she bijwa Rahab she ye ya sha hira bakeleki gka go ba thyusa gore ba jwe. Ye e riha jwalo gka ye e tshepha Morimo. Ba sholoheja go sireleja Rahab le ba loba lagwe ha Baiseraela be thasela Jeriko.

Baiseraela ye be chwanee ke go kgabaganya nogka ya Jorotane gore ba tjene lehatsheng la cholohejo. Morimo wa jwela Joshua a re, ''A baperisiti ba tjene pele.'' Ha baperesiti be simolola go tjena mo nogkeng ya Jorotane, maze a motsweri a ema go gutyama gore Baiseraela ba kgone go kgabaganyeja ntha yengwe ye go omelee gkayo.

Mojwa ga baqtho ba sena go tola nogka ya Jorotane, Morimo wa jwela Joshua gkaho a gka thasela toropo ye nonohileng ya Jeriko gkaho. Baqtho ba obamela Morimo. Gkaho Morimo ye e ba jwee gkaho, mashwele le baperesiti ba rikologa toropo ya Jeriko ga mo gongwe mo latjing lebagka la malatjing ale boratyaro.

Molatjing la bosupa, Baiseraela ba rukologa toropo ga supa. Ha be ntse be rukuloga toropo la bohelo, ke ha mashwele be gowa ntse baperisiti be leja ri torompeta jabo.

Ke ha makotswana uwa a rukuloshile Jeriko ke ha riwa! Baiseraela ba shena shengwe le shengwe mo toropong jwagka Morimo ye o ba jwee. Ke ha be sireleja Rahab le ba loba lagwe, mba ye ya ba rula bangwe ba Baiseraela. Ha baqtho bangwe mba ye be rula Kanana be uzwa gore Baiseraela na Ba shena Jeriko, ba choga bere Baiseraela badile go ba thasela le bona.

Morimo wa laola Baiseraela gore ba shegka ba riha kagiso le baqtho ba Kanana. Mbe shegopa shengwe sha baqtho ba Kanana, ba bija Bagibeon, ba agkeja Joshua ba re ba jwa datshe le lehatshe la Kanana. Ke ha be kopa Joshua go riha kagiso nabo. Joshua le Baiseraela ba shegka ba boja Morimo gore Bagibeon ba jwa gkaye. Joshua a riha kagiso nabo.

Baiseraela ba riha bogale ha be lemoga gore Bagibeon ya ba ba tsietsa, mbe ba jwelela gka kagiso ye ye be e rumalanye nabo gka gore he ele tsholohejo yabo Morimong. Mojwanyana ga shebagka, rikgoshi ja shethopha sha baqtho mba ba mo Kanana, le Baamorite, ba uzwa gore Bagibeone ye ba riha kagiso le Baiseraela, ba be kopanya mashwele abo go riha she shwele she le mo shwengwe go thasela Gibeon. Bagibeone ba romela molaetsa go Joshua be kopa thyuso.

Ke ha Joshua e kgobokanya mashwele a Baiseraele ba be be rukolaga bosigo jothe go hithelela Magibeoneng. Maphakeleng ke ha be choganyeja mashwela a Amorite ba be be ba thasela.

Morimo wa lwela Baiseraela latji le leyong. A riha gore Baamorite ba tsietsege abe e romela shehagko she she tyona go bolaya Baamorite bale bantsi.

Morimo wa riha gore latji le rule golo gole mo gongwe mo lewaping gore Baiseraele ba rihale le nako ya go henya Baamorite. Molatjing le le yong, Morimo wa henyeja thyatya Baiseraela.

Mojwa ga Morimo a sena go henya mashwele, bontsi jwa baqtho bangwe ba Kanana ba ikgobokanya go thasela Baiseraela. Joshua le Baiseraela ba ba thasela le go ba nyeleja.

Mojwa ga etywa ye, Morimo wa naya morahe mongwe le mongwe wa Baiseraela shekgethye sha lehatshe la cholohejo. Ke ha Morimo e naya Iseraela yothe kagiso.

Ha Joshua ala a ogarihala, abe e bija baqtho bothe ba Iseraela. Go jwa ho Joshua a be e gagkolola baqtho gka boikarabelo jwa go obamela kgolagano ye Morimo o e rihile Sinai le Baiseraela. Baqtho ba sholoheja go rula boikanyego Moorimong le go latyela melao yagwe.

Polelo ya Baebelele go jwa go Joshua 1-24