12. Go kgola

Baiseraela ye be ityumeleye go jwa mo Egepeto. Ye ba sha thole e le malatya, ye be kgolela lehatsheng la Tshepiso. Baigepeto ba naya Baiseraele shengwe le shengwe she ye be she bata, gauta le selefera le bilo ze bingwe se bi bothogkwa tota. Batqho mba bangwe ye be rumela Morimong mbe ya re Baiseraela be jwa mo Egepeto ba doga nabo.

Morimo a ba etyelela pele gka leru le le tyelele ha go le shekgau, mbe gka bosigo ye le hetyoga gkalo ya molelo. Morimo ye e na nabo nako jothe e bile e ba kakanyeja tsela mo leetyong la bo. Sha bo ye e le go mo sala gka mo jwa heri.

Mo jwa ga nako ye khutshwane, kgoshi Pharaoh le baqtho ba gwe ba hetyola mogopolo ba bata gore Baiseraela ba rihe malatya a bo gatshi. Morimo a riha gore Pharaoh a rihe thogo e thyatya gore batqtho ba te ba bone gore to ena Morimo wa boammaaruri e na nongwe, le go thaloganya gore ke Morimo, o nonohile thyatya go hetja Pharaoh le meringwana yagwe.

Pharaoh le mashwele agwe ba leleka Baiseraela be bata go ba riha malatya gatshi. Ha Baiseraela be bona Baegepeto be goroga, ba lemoga gore ba hagari ga mashwele a ga Pharaoh le Lewate le le Tari. Ba tjenwa ke lechogo ba ikuela bare "Ye he jwela shing Egepeto? Hombe he dile go shwa!"

Moshe a jwela Baiseraela gore "She weihe! Morimo o da go le lwela o le sireletsa hombe." Morimo wa laela Moshe are "Jwela baqtho ba shekelele Lewateng le le Tari"

Morimo wa baya leru le le tyona ha gari ga Baisereala le Baegepeto gore Baegepeto ba she bone Baiseraela.

Morimo wa laela Moshe go tsholeja gobogo gagwe go kgaoganya maze. Morimo wa riha gore pheho e ise maze lebogong la kele le le le jyago, mbe tsela ya jwa hagari ga lewate.

Baiseraela ba shekela ha gari ga lewate le le mokwakweng ba le ha gari ga maze.

Morimo wa ntsha leru le le tyona gore Baegepeto ba bone Baiseraela be halola. Baegepeto ba ithophela go ba leleka.

Baegepeto ba latyisa Baiseraela mo tseleng ye e ralala lewate, Morimo wa riha gore Baegepeto ba tjenwe ke lechogo mbe rikara jabo ja thyema. Ba gowa bare, "Raoga" Morimo o lwela Baiseraela!"

Ya re Baiserale a la ba goroga ntheng ye nngwe ya lewate shente, Morimo wa raya Moshe go tsholeja lebogo lagwe gatshi. Moshe a obamela, maze a boela maemong a wo mbe a kurumeja Baegepeto, mashwele othe a Egepeto a nwela.

Ha Baiserale be bona gore Baegepeto na ba shwa, ba tshepa Morimo e bile ba rumela gore Moshe ke Moporofiti wa Morimo.

Baiseraela ba ityumela gka gore Morimo ye wa ba golola mo loshong le bo kgobeng! Ba simolola go rihela Morimo be gololeshegile. Baiseraela ba epela ripina ja go ipelela kgololeshego ya bo le go galaleja Morimo gka gore yaa ba golola mo bokgobeng jwa Egepeto.

Morimo a laela Baiseraela go ipelela Paseka ngwaga le ngwaga go gagkoloshelwa gore Morimo ya wa ba ha phenyo kgathanong le Baegepeto a ba golola bo kgobeng. Ba ipela gka go bolaya ekwana ye ha ena selabe, gka borothyo jo ha bo na shibiriso.

Polelo ya Baebele go ja mo go Ekesodo 12 tjemana 33; le 15 tjemana 21