19. Baporofita

Go jwa bogologolong mo ritsong ja Baiseraela, Morimo ye e ba romelela baporofita. Baporofita ye be uzwa melaetsa go jwa Morimong be be be jwela baqtho melaetsa ya Morimo.

Elija ye e le moporofita gka nako ya ha Ahab e le kgoshi kgolo ya bogoshi jwa Iseraela. Ahab ye e le moqtho yo o pelo e mashwe yo ye e rotoeja baqtho go obamela moringwana o bijwa Baale. Elija a raya Ahab are, "Ha ngkagke ga na pula le ha e le monya mo lehatsheng la Iseraela go hithela ke rebola jwalong". Shelo she sha kgopisa Ahab heri thyatya.

Morimo a jwela Elija gore a ye go iphira molapong wo o mo shekgweng gka gore Ahab ye e bata go mbolaya. Rinnyane ye ri mo nerela nama le boroqtho mosho mongwe le mongwe le malatjiboya mangwe le mangwe. Mashwele a ga Ahab ye be bata Elija, mbe ba sha mbone. Leuba ye le le mashwe mo eleng gore le molapo le ona wa helela o kgala.

Jyaanong Elija a ya lehatseng la baagisanyi. Ye go na le mosari wa moshwagari le ngwane wa mantjana mo lehatsheng le leyong yo rijyo jabo ye rile hautshana le go hela gka ntata ya leuba. Mbe ba thogkomela Elija. Morimo wa ba thogkomela gore kane yabo ya bopi jwa borothyo le lebotole la magura be shegka ja hela. Ye be na le rijyo nako yothe ya leuba, Elija a rula nabo ringwaganyana.

Mojwa ga ringwaga je rithyaro le shephatyo, Morimo a laela Elija go boela bogoshing jwa Iseraela go ya go bola le Ahab gka gore ye da go romela pula gatshi. Ha Ahab e bona Elija e goroga ke ha e mo raya e re, ''Too weni yowoong mhong, moqtho yo o letshwenyo!'' Elija a mo hetyola '' to weni moqtho yo o letshwenyo! Ya wa latha Yahweh, Morimo wa boammaruri, wa bo o obamela Baal. Jyanong doga wa go nere baqtho ba Iseraela o ba nere Thyabeng ya Karamele.

Baqtho bothe ba bogoshi jwa Iseraela, go balelwa le baporofita ba le makgolo mane le mashome a matlhano ba ga Baal, ba da Thabeng ya Karamele. Elijah a bola le batqho a ba raya are, ''Le da go jwelela le hetyola maikutso eno lebagka le le gkahe? Ha e ele gore Yahweh ke Morimo, mo rihele, ha Baal e le Morimo mo rihele!"

Jyaanong Elija a raya baporofita ba ga Baal a re, ''bolaya powa le e baakanyeje go e riha shethabelo, mbe le she gka la tshuba molelo. Le nna ke da go riha jwalong. Morimo yo o araba gka molelo too Morimo wa boammaaruri." Jyaanong baperesita ba ga Baal ba baakanya shethabelo mbe ba shegka ba tshuba molelo.

Baporofita ba ga Baal ba rapela Baal ba re, ''He uzwe, Baal!'' Ba kwa jwalong shekgau shothe be rapela le go gowa, le go ichega gka mehagka, mbe ba she gka ba bona karabo.

Ya ya re laitji le rwa, Elija a simolola go baakanyeja Morimo shethabelo, a laela baqtho gore ba chele ripija ri le leshome le boberi maze ha gorimo ga shethabelo go hithela nama, rikgong le mabu go rukuloga aletara bi olobe tota.

Go jwa mhong Elija a rapela, ''Yahweh, Morimo wa ga Aberahama, Isake le Jakobe, he supegeje hombe gore o Morimo wa Iseraele le gore ka mothanka wago. Nkaraba gore baqtho mba ba ze gore wa Morimo wa boammaaruri.''

A na mhong, molelo wa wa go jwa legorimong wa hesa nama, rikgong, majwe, mabu le maze uwa ye e rukuloshile aletara. Ha baqtho ba bona she, ba wela hatshe bare, ''Yahweh ke Morimo! Yahweh ke Morimo!''

Go jwa mhong Elija a re, "Le shegka la letelela mongwe wa baporofita ba ga Baal go halola!'' Baqtho ba chwara baporofite baga Baale ba be be ba ntsha mhong ba a go ba bolaya.

Go jwang mhong Elija a raya Kgoshi Ahab a re, ''Boyela toropong hombe jwa, gka gore pula e dayo." A na mhong lewapi la hihala, mbe pula ye e biima ya na. Yahweh a emisa leuba a ba a supa ha ele Morimo wa boammaaruri.

Mojwa ga nako ya ga Elija, Morimo a thopha monona e bijwa Elisha go riha moporofita wagwe. Morimo a riha metholo e le mentsi gka Elisha. Mongwe wa metholo wa rihegalela Naamane, molauri wa baba, yo ye ena le bolwetsi jo bo mashwe jwa ledalo. A uzwalela Elisha a be e ya go kopa Elisha gore a mo horise. Elisha a raya Naamane gore a tibe ga supa mo nogkeng ya Jorotane.

La ntha Naaman ye ya a kgotjwa a sha bate go riha jwalong gko yo go labega e le boeleele. Go jwa mhong a hetyola mogopolo wa gwe a be e tiba ga supa mo nogkeng ya Jorotane. Ha e jwa la bohelo, ke ha ledalo la gwe na la hola gothelele! Morimo na wa mo horisa.

Morimo wa romela baporofita mba bantsi mba bangwe gatshi. Bothe ba jwela baqtho go emisa go obamela merimo ya risetwa le go simolola go supa tshiamo le kutswezoborogko go mba ba ngwe. Baporofita ba thagisa baqtho gore ha ba sha emise go riha bosula le go simolola go uzwa Morimo, Morimo o da go ba athola e ba bona molatyo, le go ba othaya.

Bontsi jwa nako, baqtho ya ba sha uzwe Morimo. Nako je ringwe ye ba sha tshole baporofita shente nako ebile be ba bolaya. Nako nngwe, moporofita Jeremia a lathelwa mo sheribeng she ha shena maze a leshwa gore a shwele mo tyeng. A wela mo tyakyeng ye e idatshe ga sheriba, mbe kgoshi ya mo uzweza borogko a be e laola malatya a gwe gore ba ntshe Jeremia mo sheribeng a ise a shwa.

Baporofita ba jwelela ba bola gka Morimo le ntswa baqtho ye be ba thoile. Ye be thagisa baqtho gore Morimo o da go ba nyeleja ha ba sha ikwathae. Gatshi ye be gagkolola baqtho gka cholohejo ya gore Mesia wa Morimo yo deeda.

Polelo ya Baebele go jwa mo go 1 Rikgoshi 16-18; 2 Rikgoshi 5; Jeremiah 38.