13. Kgolagano ya Morimo le Iseraele

Mojwa ga Morimo o etyelela Baiseraele ha gari ga lewate le letari, a ba etyelela pele ha gari ga shekgwa go ya thabeng ye e bijwa Sinai. Ye ye ele yona thaba ye Moshe ya bona shekgwa she tyutya gkayo. Baqtho ba thoma ri tante jabe dhatshe ga thaba.

Morimo a raya Moshe le bathyo ba Iseraele, "Ha le gka onkobamela la be la rihagaja kgolagano yame, le da go rula thwathwa mo gono, bogoshi jwa baperesita, le chaba ye e boitshepo."

Mo malatjing uwa mararo, mojwa ga baqtho a la ba ipaakanya mo shemoyeng, Morimo e da ha gorimo ga thaba ya Sinai gka morumo, legarima, bushi, le morumo o motyona wa torompeta. Moshe a rula ena heri go letelelwa go ya gorimo ga thaba.

Mbe Morimo a ba naya kgolagano a re, "Ke Yahweh, Morimo weno, yo ye e le bologka gojwa bo kgobeng mo Egepeto. Le shegka la rapela meringwana e sele"

"Le shegka la riha merimo ya risethwa mbe ebile le shegka la e rapela, gka gore nna, Yahweh, ke Morimo yo o leguha. Le shegka la rihisa lebijo lame gka tsela ya bothogka toto. Le netehaje go itshepisa laatji la Sabata. Gka mazwe uwa mangwe, riha rityiho jothe jeno mo malatjing uwa a maratyaro, gka gore laatji la bosupa ke laatji leno la go ikhutsha le go nkgagkoloshelwa.

"Tota iro le nogo. O shegka wa bolaya. O shegka wa riha boagka. Oshegka wa iba. O shegka wa agka. O shegka wa eletsa go tshola mosari wa moagisanyi wago, itu yagwe, kana shengwe she eleng shagwe."

Mbe Morimo a kwala melao ye e leshome mo majweng o wa maberi a be ya naya Moshe. Morimo a naya melao ye mengwe ye mentsi le rityaelo go salwa mojwa. Ha baqtho be obamela melao ye, Morimo a sholoheja go ba shegohaja le go ba babalela. Ha ba sha e obamele, Morimo o da ba othaya.

Morimo a be e naya Baiseraele thaloso ye e tjeneleiyo ya tante ye ye e bata be e riha. Ye e bijwa Tante ya Bokopano, mbe e na le ri kamore rile riberi, ri kgaoganyijwe ke garitini e tyona. Ye ele mopereseta mogolo heri yo ye e letelelwa go tjena mo kamoreng ye ele gka mojwa ga garitini, gka gore Morimo ye rula gkayo.

Mongwe le mongwe yo ye e tola molao wa Morimo ye a gka nere phologolo aletareng ha pele ga Tante ya Bokopano ele shethabelo Morimong. Mopereseta o dha be e bolaya pholoholo e be ye e hesa ha pele ga aletara. Mari a pholoholo ye ye ele shethabelo ye e kurumeja maleo a moqtho a be e riha moqtho yowong moitshepi mo marong a Morimo. Morimo a thopa mozalwa le Moshe, Arone, le bodolo jwa ga Arone go rula baperesiti bagwe.

Baqtho bothe ba ikana go obamela molao wa Morimo, go rapela Morimo heri, le go rula bathyo bagwe mba ba kgethyeshilego. Mbe gka nakwana a la ba ikana go obamela Morimo, ba leoha heri thyatya.

Maalatjing uwa mantsi, Moshe a be ale gorimo ga thaba ya Sinai e bola le Morimo. Bathyo ba lapisiwa ke go moletya gore a boye. Yjaanong ba nere gouta go Arone ba mokopa gore a ba rihela moringwana wa risetwa.

Arone a riha morimo wa risetwa wa gouta mo shechwanong sha namane. Bathyo ba simolola go rapela gka botjenwa moringwana wa risetwa e be ba o rihela shethabelo! Morimo a ba galehela heri thyatya gka lebagka la shebe shabo mbe a rulaganya go ba nyeleja. Mbe Moshe a ba rapelela, mbe Morimo a reeja qthapelo yagwe a shegka a ba nyeleja.

Ha Moshe o jwa gorimo ga thaba e be e bona morimo wa risetwa, ya galehile heri thyatya mbe a thyuma majwe uwa Morimo ye e kwalei melawana ye e leshome mo goyo.

Moshe a sila morimo wa risetwa go rula lerole, a lathela lerole la teng mo mazeng, a riha gore bathyo ba nwe maze a teng, Morimo a romela borogko mo gobo mbe bontsi jwabo jwa shwa.

Moshe a riha majwe uwa matsha a melao ye leshome go a baya mo boemong jwa uwa ya a qthuma. A pagama thaba gatshi a rapela Morimo gore a ichwarele baqtho. Morimo a reeja Moshe a be e ba ichwarela. Moshe a putunoga thaba e chwere melao ye e leshome e e kwalei mo majweng uwa matsha. Mbe Morimo a ntsha Baiseraele a ba etyelela pele go jwa Thabeng ya Sinai go ya Lehatsheng la Cholohejo.

Polelo mo Baebele gojwa go:Ekesodo 19-34