Jyeso ke Mesiya yo ya sholohejwa

Ha Morimo a riha Lehatshe, shengwe le shengwe ye she siame, Ye go sena shebe. Adamo le Efa ye ba ratjyana, ba ratjha le morimo. Ye go sena bolwetsi kana losho. ke gkaho morimo yo bata lehatshe le rula gkaho.

Satana a bola gka noga mo tshimong gore a kgone go raela Efa. Mbe ena le Adamo ba leohela Morimo. Gka gore ya baleoha, mongwe le mongwe mo lehatshatsheng oda khwa mbe mongwe le mongwe oda shwa.

Gka gore Adamo le Efa ya ba leoha, shengwe she she mashwe le go hetjya sha rihagala. Ba rula baba ba Morimo. Maruo a she, go jwa gka lebagka leleyong mongwe le mongwe a belegwa ana le tholego ya shebe mbe gatshi e le mmaba wa Morimo. Botsalano ha gari ga Morimo le batjho jwa kgaoganywa ke shebe. Mbe Morimo a rihana le qtjulaganyo ya go botseza botsalano.

Morimo a tshepisa gore mongwe wa bodolo jwa ga Efa oda go sila thogo ya ga Saatane, mbe Saatane oda go uzusa sherekhe shagwe borogko. She yeshe raya gore Saatane oda go bolaya Mesiya, mbe Morimo oda go mo zoseza bochelong gatshi, mbe ghjaanong mesiya o dago sila nonoho ya ga Saatane goya go ileng. Mojwa ga ringwaga jeri ntsi, Morimo a shenola ha Jyeso ele Mesiya.

Ha Morimo o shena lehatshe lothe ka morwalela, a ntsha shekepe she she da go haloja batyo mba ya ba rumela mo goye. Gka tselana ye e chwanayo, mongwe le mongwe ya chwanenwa ke go nyelejwa gka lebagka la bibe zabo, mbe Morimo wa ntsha Jyeso go bologka bothe mba ba rumela mo goye.

Ringwaga jeri makgolokgolo, baperesita ba jwelela ba ntsheza batyo birabelo Morimong go supa kothawo ye ye e chwanee bibe zabo. Mbe bithabelo ze biyong ye bi shikake bi ntshe bibe zabo. Jyeso ke Moperesite Mogolo . Go nale baperesite ba bangwe, ya ikhitsha e le ena sherabelo heri she shegka ntsha bibe zothe batyong mo lehatsheng. Jyeso ya ale Moperesita yo mogolo yo ha ana riphoso ka gore ya tshola kothawo ya shebe shengwe le shengwe she mongwe le mongwe ya she riha.

Morimo a jwela Aborahamo, "Baqtho bothe ba bithopha za lehatshe ba da go shegohala gkawo." Jyeso ye ele modolo waga Aborahamo. Baqtho bothe ba bithopha ba shegohei gkaye, gka gore mongwe le mongwe yo o rumela mo go Jyeso o bologkilwe gojwa mo shebeng, mbe o rula bodolo jwa ga Aborahamo jwa shemoya.

Ha Morimo e jwela Aborahamo go ntsha morawe, Isake, jwaagka sherabelo, Morimo a naya kwana sherabelong go na le morwawe, Isake. Hothe he chwanei go shwela maleo echo! Mbe Morimo a ntsha Jyeso, kwana ya Morimo, ele sherabelo go shwa mo boemong jothe.

Ha Morimo e romela borogko jwa bohelo mo Egepeto, a jwela loba lengwe le lengwe la Iseraele go bolaya kwana ye siameyo le go phatalaja mari ayo ha gorimo le ha setsheselong sha shetsolo. Ha Morimo e bona mari,a hetya matu abo mbe a shegka a bolaya barwa ba maitebolo. Moriho wo o bijwa Tolagano.

Jyeso ke Kwana yecho ya Tolagano. Ye e siame a sena shebe mbe ya bolawa gka nako ya moletyo wa Tolagano. Ha mongwe e rumela mo go Jyeso, mari a ga Jyeso a ruelela boleo jwa moqtho yowong, mbe kothawo ya Morimo e da go hetya moqtho yowong.

Morimo yaya a riha kgolagano le Baisiraele, mba iye ele baqtho bagwe mba oba ithophilwego. Mbe Morimo jyaanong a be naa riha kgolagano yetsha ye bulesheng mongwe le mongwe. Gka lebagka la kgolagano ye tsha ye, mongwe le mongwe gojwa bithopha za baqtho bagka riha bontha jwa baqtho ba Morimo gka go rumela mogo Jyeso.

Moshe iye ele moporofita yomo golo yo iya a bola lehogko la Morimo. Mbe Jyeso ke moporofita yoo mogolo go bothe. Ke Morimo, mbe shengwe le shengwe she iya a she riha aba a she bola iye ele rityiho le mahogko a Morimo. Tooshe Jyeso o bijwa Lehogko la Morimo.

Morimo iye wa sholeheja Dafite gore mongwe mori kokomaneng jagwe oda busa ele kgoshi gorimo ga baqtho ba Morimo gka bosinabokhutho. Gkagore Jyeso ke Morwa Morimo mbe ke Messia, too ene yo hapheshileyo wa kokomane yaga Dafita yo daa busa goya goileng.

Dafite iye ele kgoshi ya Esiraele, mbe Jyeso ena ke kgoshi ya lebopo lothe! Odeeda gatshi mbe o da busa bogoshi jwagwe gka tshiamo le kagiso, goya go ileng.

Polelo ya Baebele gogwa mogo: Genesisi 1-3, 6, 14, 22: Ekesodo 12, 20: 2 Samoele 7: Baheberwa 3:1-6, 4:14-5:10, 7:1-8:13, 9:11-10:18; Tshenolo 21