24. Jyohane o kolobetsa Jyeso
Jyohane, morwa waga Sekarea le Elisabete, a gola a rula moporofita. A rula mo nageng, a jya lemepe la naja le kgope, mbe a apara biaparo ze bi rihilwe gka moriri wa kammela.
Baqtho bale bantsi ba jwela nageng ga go reeja Jyohane. Aba rerela, a re, "Ekothaye, gka gore bogoshi jwa Morimo bo hautshana!"
Ha baqtho ba uzwa molaetsa waga Jyohane, bontsi jwabo ba ikothaela gojwa maleong abo, mbe Jyohane aba kolobetsa. Bontsi jwa baetyeleri pele bari tyumeri le bona bada go kolobetswa ke Jyohane, mbe ba shegka ba ikothaela bebe zabo kana go be ipolela.
Jyohane a raya baityeleri pele bare tyumeri, "Lena rinoga ja bothole jobo bogale! Ikothae le hekyole maitsholo ene. Shethare sengwe le sengwe she hase ntshe maungo uwa a siamego sheda kgaolwa mbe she tolopelwe mo lelong." Jyohane a rihagaja she moporofita iya she bola, "Bona, ke roma morongwa pele gago, yooda baakanya tsela yago".
Bangwe baba Juta ba boja Jyohane gore nna to ene Messiah. Jyohane a araba, "Hake Messiah, mbe go nale mongwe yo da gka mojwa game. O mogolo mo ebile ha kena qthatya yago bohonona rikgolo ja bomphechane bagwe".
Laachi lele latyelaga, Jyeso ada go kolobetswa ke Jyohane. Ha Jyohane a mbona, a re, "Bona! Mmaya ke kwana ya Morimo ye da tshola maleo a lehatshe."
Jyohane areya Jyeso, "Hake legkane gogo kolobetsa. Weni too chwaneng go nkolobetsa." Mbe Jyeso a re, "O chwanei go nkolobetsa, gka gore ke shelo sheshe siamego gore she rihwe." Jyaanong Jyohane amo kolobetsa, leha Jyeso aise a leuhe.
Yare Jyeso ajwa gkaite ga maze ala a kolobetswa, Moya wa Morimo wa bonagala gka popego ya lephoi mbe wa putunushela mo goye. Gka nako ya teng, Lezwe la Morimo la bola gojwa legorimong, lere. "O Morwaagke yoke mo ratyago, mbe ke ityumei qthatya gkao."
Morimo abe ya jwela Jyohane, "Moya oo boitshepo oda putunuga obo o rula moongweng yoo oda mo kolobetsa. Moqtho yo wong ke Morwa wa Morimo." Go nale morimo ole moyengwe. Mbe yare Jyohane a kolobetsa Jyeso, a uzwa Morimo Rara a bola, a bona Morimo-Morwa, yo eleng Jyeso, mbe a bona Moya oo Boitshepo.
Polelo ya baebele gojwa: Mathaeyo 3; Mareko 1:9-11; Luke 3: 1-23