9. Morimo o bija Moshe

Mojwa ga Jyoseha a sena go shwa, mashitja agwe a rula Egepeto. Bona le badalo babo ba jwelela ba rula gkayo ringwaga je rintsintsi mbe bana le bagtjwana mba bantsi. Ya ba bijwa Baisaraela.

Mojwa ga re nwaga je ri makgolokgolo, ripalo ja baisaraela ke ha ja riha rityona qthatya. Baegepeto ke ha ba sha thole ba gagkoloshelwa Gyoseha le zothe je ya bi riha go baqthusa. Ba chaba Baisiraela gka gore ya ba le bantsi. Mbe Faro yo ya busa Egepeto gka nako yeyong a riha Baisaraela malatja a ba Egepeto.

Baegepeto ba pakeleja Baesiraela go joga rikago je rintsi mmogo le ritoropo jothe. Go bereka mo go hekeleego ga riha machelo abo boima, mbe Morimo a ba segohaja, mbe ba rihana le batjwana mba bantsi le go hetja.

Faro a lemoga ha Baisiraela ba na le batjwana mba bantsi, mbe a laola batjho bagwe go bolaya batjwana ba ba ntjana ba Maisaraela gka go ba lathela mo nogkgeng ya Nile.

Mosari mongwe wa Moisiraela a belega motjwana wa mantjana. Ena le mogagwe ba hira motjwana gkga lebagka le ye ba kgona gkgalo.

Ha bazari ba mantjana ba sha thole ba gka mohira, ba mo tjinya mo tataneng ye kalakala ha go rimo ga maze mo leragkgeng le le ha tjhogko ga nogka ya Nile gore ba mo haloje mo go bolaweng, kgalariye a labelela she she da go mo rihagalela.

Ngwana wa ga Faro wa mosezana a bona tatana mbe a ye okomela motjeng. Are a sena go bona motjwana, a mo tshola go rula ngwane. a hira mosari wa moisiraele go thogkomela motjwana a sha lemoge ha mosari e le nnale wa motjwana tota. Ha motjwana a sena go gola a sha thole a thogka moriso wa ga nnale, a mbotseza go ngwane wa ga Faro wa mosezana, yo a mbija lebijo a re Moshe.

Latji lengwe, ha Moshe a sena go gola, a bona mo Egepeto a ngatja Moisaraela wa lelatja, Moshe a legka go haloja mo Isaraela gkgaye.

Ha Moshe a akanya gore yo a gka bona, a bolaya mo Egepeto a bo a hira mbele wagwe. Mbe mongwe a bona she Moshe na she riha.

Ya re Faro a uzwa she Moshe na she riha, a legka go mbolaya. Moshe a raoga a jwa mo Egepeto a ipha naga ho o da be a babaleshegile mashweleng a ga Faro.

Moshe a rula morisa mo nageng ye ye idatshe le Egepeto. A ngwala mosari mo lehelong leleyong ba ba ba rihana le batjwana ba ba ntjana ba le baberi.

Latji lengwe ha Moshe a risize riku, a bona naga e kjugja, mbe naga e sha se. Moshe a shepelela hautshana gore a bone shente. A re a le le hautshana le naga ye tjutjayo ye, lezwe la Morimo la lare, 'Moshe, rola biragko zago. O eme mo lehelong le le boitshepo.'

Morimo a re , 'na ka bona go sokola ga batjho bame. Ke da go roma goo Faro go ntsha Baisaraela mo bolakeng jwabo Egepeto. Ke da ba naya lehatshe la Kanana, lehatshe le ya gka lesholoheja Aborehama, Isake le Jakobe.

Moshe a boja, 'jhaanong ha batjho ba gka bata go ze yoo ntjumileyo, ke ba ree ke reng?', Morimo a re, 'KE KENJE YOO NJEYO. Ba jwele, 'KE NNA o nqtjumile gonye', Ba jwele gatshi, Ke Yahweh, Morimo wa barimo beno, Aborahama, Isake le Gjakobe. ' Le ke lebijo lame goya ya goileng.'

Moshe ya choshile a sha bate go ya go Faro gka gore ya akanya gore ha a na go bola shente, mbe Morimo a roma mozala le Moshe, Arone, go moqthusa. Morimo a ba thagisa Moshe le Aronee' gore Faro o da bo ale rikgogka.

Polelo mo Baebele gojwa go: Ekesodo 1-4