Morimo o tshepisa Mesiya

Go jwa mo tshimologong tota, Morimo a rulaganya go romela Mesiya. Cholohejo ya ntha ya Mesiya ye da go Adamo le Efa. Morimo a sholoheja ha modolo wa ga Efa a da go belegwa yo da sila thogo ya noga.Noga ye ye itseetsa Efa ye e le Saatane .Cholohejo ye raya gore Mesiya o da henya Satane mma go heleyego.

Morimo a sholoheja Aborahama gore gkae bithopa zothe za batjho za lehatshe be da go bona tshegohajo. Tshegohajo ye e da rihagajwa ha Mesiya a le a de mo nakong ye dayo. O da go riha gore go kgonahale gore baqtho go jwa mo bithopeng za batjho zothe mo lehatsheng gore bi bologkwe.

Morimo ya sholoheja Moshe gore mo nakong ye dayo o da gorisa moporofiti yo mongwe jwaagka Moshe. Ye yele cholohejo ye nngwe gka ga Mesaeya yo o de da mo nakong ye dayo.

Morimo ya sholoheja kgoshi Dafita gore mongwe wa bodolo jwagwe o da busa e le kgoshi mo batjhong ba Morimo go ya go ileng. Shee she raya gore Mesiya a da bo e le mongwe wa bodolo tota jwa ga Dafita.

Gka moporofita Jeremaeya, Morimo a sholoheja gore o da riha kgolagano ye tsha, mbe e sha chwane le kgolagano ye Morimo ye ya a e riha le Isiraela Sanai. Mo kgolaganong ye tsha, Morimo o da kwala molao yagwe mo ripelong ja batjho, batjho ba da ze Morimo gka bo bona, e da be le batjho bagwe, mbe Morimo o da ichwarela maleo abo. Mesiya o da simolola kgolagano yetsha.

Baporofita ba Morimo le bona yaa bare Mesiya yo e da be e le moporofita, moperisita, le kgoshi. Moporofita ke motjho yo uzwa mahogko a Morimo a bo a bola mahogko a Morimo mo batjhong. Mesiya yo Morimo ya sholoheja go mo romela e da bo e le moprofita yo ha ana riphoso.

Baperisita ba Isiraela ba rihela Morimo bithabelo mo boemong jwa batjho e le tshutyiso ya kothao ya bibe zabo. Baperisita le bona ba rapela Morimo bathong bagwe. Mesiya e da bo ele Moperisita yo siameyo yo mogolo yo o da ikhitsa e le sherabelo she ha shena riphoso mo Morimong.

Kgoshi ke motjho yo o busa mo bogoshing le go athola batjho. Mesiya a da bo ele kgoshi ye ha e riphoso yo o da go rula mo toroneng ya ga segolwe Dafita. Yo o da go busa mo lehatsheng lothe go ya goileng, mbe gka rinako jothe o da bo a athola gka boammaaruri mbe a riha ritshwetso je ri siamego.

Baporofita ba Morimo ye ba akanyeja bilo bingwe gka bontsi gka Mesiya.Moporofita Malaki ye ya a bolela pele gore Moporofita mogolo o de da pele ga Mesiya e da.Moporofita Isaeya ya porofita gore Mesiya o da belegwa mo mosaring yo ha ise a amane le monona. Moporofita Mika are o da go beleshelwa mo toropong ya Bethelehema.

Moporofita Isaeya are Mesiya o da chelela mo Galaleya, a gomotsa mba ya ba phatoga ripelo,a bola kgololeshego mo bachwareng le kgololo magolegweng. A akanyeja ha Mesiya a da go horisa batjho le mba ha ba kgone go uzwa, go bona, go bola, le go shekela.

Moporofita Isaeya a porofita gatshi gore Mesiya o da go ilwa go sena lebagka le go ganwa. Baporofita mba bangwe ba bolela pele gore mba ya ba bolaya Mesaeya ba da go chaela biaparo zagwe madaese le tsala yagwe e da mo ogkga. Moporofita Sakaria a akanyeja ha tsala yagwe ena a da go ruwelwa mari a ri selehera je ri mashome mararo e le tjuelo ya go ogka Meseaya.

Baporofita ba bola gatshi gkaho Mesaeya o da shwa gkaho.Isaeya a porofita gore baqtho ba dile go mochwela matjhe, ba mokgooba, le go ngatya Mesaeya. Ba da mo phunya mbe o da go shwa mo tshokolong ye kgolo le gka borogko jo boqtona. Le ha a ise a rihe shengwe she she phoso.

Baporofita bare Mesaya o da ba a sena riphoso, a sena boleo. Oda go shwela go amoshela kwathao ya bibe za batjho mba bangwe. Mbe kothao yagwe e da go nere kagiso hagare ga Morimo le batjho .Gka lebagka le , ye le go ratya ga Morimo go bogisa Mesaeya.

Baporofita ba bolela pele gore Mesaeya o da shwa le gore Morimo o da mo zosa mo bashwing. Gka lesho la Mesaeya le tsogo yagwe, Morimo o da bo na hethilela qthulaganyo yagwe ya go bologka baleohi le go simolola kgolagano ye tsha.

Morimo a shenolela Baporofita bilo ze bintsi gkga Meseaya, mbe Mesaeya ha ise a de gka rinako ja Baporofita bangwe mboo. Go hetyisa ringwaga je ri hetya makgolo mane mojwa ga sheporofito sha bohelo ala sha newa,gka nako ya teng tota, Morimo o da romela Mesaeya mo lehatsheng.

Polelo ya Baebele gojwa go: Genesis 3:15; 12:1-3; Diteronomi 18:15; 2 Samoele 7; Isaeya 59:16; Daniele 7; Malaki 4:5; Isaeya 7:14; Mika 5:2; Isaeya 9:1-7; 35:3-5; 61; 53; Paselema 22:18; 35:19; 69:4; 41:9; Sakarea 11:12-133; Isaeya 50:6; Paselema 16:10-11