7. Morimo o shegohaja Jyakobe

Go goleng ga bantjana, Jyakobe ye e ratya go rula gaya, Isau ena e ratya go zoma. Ribeka ye yaatile Jyakobe, ha Isake ye yaatile Isau.

Nako nngwe, Isau a goroga ejwa lezomong, ena le tala, Isau a raya Jyakobe a re, "Tsweetswee nnaya rityo ringwe je o ri rileshilego." Jyakobe a hetyola a re, "Nnaya pele richegohajo jago ja go rula leitibolo." Isau a be e naya Jyakobe chwaneno yagwe ya go rula leitibolo. Jyaanong Jyakobe a be e mo naya rijyo.

Isake o bata go shegohaja Isau. Pele ga e riha jwalo, Ribeka le Jyakobe ba be bi motsietsa gka go ityihisa henke Jyakobe ke Isau. Isake ye ele moguri mbe asha thole e bona. Jyakobe a apere sheaparo shaga Isau le ledalo la puri ma tyamong lemo bogong.

Jyakobe a ya go Isake amo raya are, "Toonna nna Isau. Na ke dha gore o nchegohaje." Isake a moapapa a uzwa moriri wa puri mbe a ncha monko wa sheparo, a akanya gore ke Isau mbe amo shegoja.

Isau a ila Jyakobe gka lebagka la gore Jyakobe iya tshola chwaneno ya go rula maityibolo le chegohajo yagwe. A rulaganya go bolaya Jyakobe ala ise wabo a thogkahala.

Ribeka a uzwaleja lenaneo laga Isau. Ena le Isake ebe be romela Jyakobe datshe go ya go rula gosele le mashitja agwe.

Jyakobe a rula le mashitja aga Ribeka ringwaga je rintsi. Mo lebagkeng leleyong a ngwala mbe a belega bantjana bale leshome le boberi le mosezana ale moyongwe. Morimo amo gumisa heri qthatya.

Mojwa ga ringwaga je ri mashome maberi Jyakobe asi gobo Kanana, Jyakobe a boela gkayo e chwere loba lagwe, malatya le leruo lagwe lothe.

Jyakobe ye e santse e choshile ere gongwe Isau wa santse e bata go mbolaya. A iseja Isau leruo lele ntsi ele mpho. Malatya uwa ye e isa leruo ba raya Isau bare, "Lelatya lago, Jyakobe, o go naya leruo le. Udayo gka bonakwana.

Mbe Isau a be e sei na a ichwarela Jyakobe, ye bi ityumelei go bonana gatshi. Jyakobe a be e rula gka kagiso mo Kanana. Isake a be e thogkahala, mbe Jyakobe le Isau ba mohira. Cholohejo ya kgolagano ya Morimo yeye tshepisijwe Aborahamo jyaanong ya be e hityisiwa gojwa go Isake goya go Jyakobe.

Polelo ya baebele go jwa go go Genesisi 25:27-33:20