17. Kgolagano ya Morimo le Dafite.

Saulo ye e le kgoshi kgolo ya ntha ya Iseraela. Ye a le mo tyelele, e bile a le monte jwa a gka baqtho ye be bata. Ringwaga ja ntha ja bogoshi jwa ga Saulo ye e siame. Go jwa mhong a simolola go riya moqtho yo o pelo e mashwe a sha obamele Morimo, jaanong Morimo wa thopa mongwe gore laitji lengwe a tshole bogoshi mo go ye.

Morimo wa thopha monana wa Moiseraela yo ye e bijwa Dafite go re a te a rihe kgoshi mojwa ga ga Saulo. Dafite ye e le molisi go tholega toropong ya Bethelehema. Ye ye yare mo rinakong je ri harologanyego e santse e lesize riku ja ga ise a bolaya tjau le bera je ye ri bata go jya riku ja ga ise. Dafite ye e le moqtho yo o bonolo e bile e tshepa le go obamela Morimo.

Dafite a riha leshwele le moetjeleri pele yo o nonohileyo. He Dafite e santse a le monxuana, ye ya a lwa le mokaloba wa monona e bijwa Goleata. Goleata ye e le leshole le ya la ikatyisa, e nonohile e goleye gorimo rikgatyo ri le ri tyaro. Morimo wa thwyisa Dafite go bolaya Goleata le go sireletsa Iseraela. Go jwa mhong, Dafite a thyisa Iseraela go henya ritywa kgathanong le baba ba bo bale ntsi, she sha riha gore baqtho ba mboke.

Saulo a guheshela gkaho baqtho ye be ratja Dafite gka ho. Saulo a legka gantsi go bolaya Dafite, mbe Dafite a mo iphirela. Ya re latji lengwe, Saulo a bata Dafite gore a te a mbolaye. Saulo a tjena mo legageng le Dafite ye e mo iphireye mo golo, mbe Saulo a she gka a mbona. Dafite ya a le hautshana le Saulo mo e leng gore ye e gka kgona go mbolaya. Go na le go mbolaya a kgaola shebatja mo sheaparong sha gwe go mo kekenyeja gore ha a thogke go mbolaya gore a tshole bogoshi mo goye.

Phelejong, Saolo a shwa go le etyweng, mbe Dafite a rihwa kgosi ya Iseraela. Ye e le kgosi ye e siameyo, e bile baqto be mo ratja. Morimo wa segohaja Dafite wa riha gore a atege. Dafite a lwa ritywa re le rintsi mbe Morimo wa mo tywisa go henya baba ba Iseraela. Dafite a gapa Iseraela a be e mo riha mose mogolo wa Iseraela. Ye ya re gka nako ya ga puso ya ga Dafite , Iseraela a guma a ba a nonoha thyatya.

Dafite ye e bata go joga Tempele ho Maiseraela ya ba gka rapela Morimo le go mo naya rineo mo go yo. Mo ringwageng ri chwara makgolo uwa mane, baqtho ye be rapelela le go ntsha rineo mo Tenteng ya Phutyego ye Moshe ye e joshile.

Morimo wa romela moporofeti Nathan go iseza Dafite molaetsa o o reng, "Gka gore o moqtho wa eqtwa, ha o gkagke wa ntjhoshela Tempele e. Ngwano o da go e joga. Mbe ke da go go shegohaja heri thyatya. Mongwe wa rikokomane ja go o da go riha kgoshi ya baqtho ba me go ya go ileng!" Messiah too ena kokomane ya ga Dafite ye e gka riha kgosi ya baqtho goya go ileng. Messiah to ena heri yo ya thotjwa ke Morimo go sireletsa baqtho ba lehatshe mo shebeng.

Ha Dafite a la a uzwa mahogko uwa, a ityumela a leboga Morimo le go o galaleja gka gore Morimo ye ya wa sholoheja Dafite tota le richejohajo je ringwe re ntshi. Dafite ye a sha ze gore Morimo wa da go riha gaja leng bilo ze. Heri jwa agka ye go helela go rihega, Ba iseraela ba chwanenwa ke go ema lebagka le le tylele pele ga Messiah, go legkana le ringwaga jeri sheketje.

Dafite a busa gka moya o monte le gka boikanyego ringwaga je rintsi, mbe Morimo wa mo shegohaja. Ga bo go rihala gore ha e shekelela phelejong ya bochelo jwa gwe a leohela Morimo heri thyatya.

Laitji lengwe, ha mashwele a ga Dafite a siho mogaya be ile ityweng, a laba gkaite ga itu ya gwe mbe a bona mosari yo monte e ithapa. E bijwa Bathsheba.

Go nale go laba go sele, Dafite a roma mongwe go ya go mo monerela. A lala naye a be e mbotseza gagwe. Mojwa ga lebagka le le khutshwane Bathsheba a romelela Dafite molaetsa e mo jwela go re wa moimana.

Monona wa ga Bathsheba, ye e bijwa Uriah, ye e le mongwe wa mashwele a ga Dafite uwa a boikanyego. Dafite a botsa Uriah go jwa etyweng a bo e mo jwela gore a ye go lala le mogagwe. Mbe Uriah a gana go ya go lala le mogagwe ha mashwele uwa mangwe ba santse ba le etyweng. Dafite a botseza Uriah etyweng a be e raya mogolwane wa mashwele gore a mo emise ho mashwele a baba ye ba le bogale hoho gore ba mboleye.

Mojwa ga gore Uriah ala a bolewa, Dafite a ngwala Bathseba. Mojwa, a beleshela David moqtwana wa mantjena. Morimo wa tjeneshela she David la she riha, Mojwa ga tyihagalo Morimo wa romela moporofeti Nathan go jwela Dafite gka ho shebe sha gwe she leng boshethogo gka ho. Dafite a ipona phoso mbe Morimo wa mo ichwarela. Go hithelela bochelo jwa gwe, Dafite a obamela le go sala rityaelo ja Morimo, le mabagkeng o wa a thyatya.

Morimo wa othaya Dafite gka go riha gore ngwana wabo a thogkahale. Go jwa mhong ga rihagala gore go rihe ritywa mo lobeng la ga Dafite bochelo jwa gwe jothe, le rithyatya ja gwe ja hogkojega. Le ntswa Dafite ye ya a leohela Morimo, Morimo a shegka a thanoshela tshepiso ya wo. Mojwa ga mhong, Dafite le Bathseba ba belega moqthwana yo mongwe, ba mbija Solomon.

Polelo ya Baebele go jwa go Samuele wa ntha tjemana ya bo10: 15- 19; 24 31; Samuele wa boberi tjemana 5; 7; 11-12