26. Jyeso o simolola Boriheri

Mojwa ga go henya rityegko ja ga Satane, Jyeso a boya a le mo tyatyeng ya Moya wo o Boitshepo e ya kgaolong ya Galaleya ye ye e rula mo goyo. Jyeso ye e shepela gongwe le gongwe e rutja. Mongwe le mongwe ye mbola bonte.

Jyeso a ya toropong ya Nasareta gko nkile a rula gkayo bonxung jwa gwe. Mo latjing la Sabata, a ya lehelong la kobamela. Ba mo naya mokwalo wa moporofiti Isaeya gore a bale mo go wo. Jyeso a bula mokwalo le go balela baqtho bo nthaya bongwe jwa wo.

Jyeso a bala a re, ''Morimo o nneile Moya ya go rera rigkang je re siamego bathogking, gkololeshego mo go mba ba gapiwe,le go botseja bihogu pono, le go golola mba ba mo gkakyelelong. Ye ke ngwaga ya tshiamelo Morimong.''

Jyeso a rula hatshe. Mongwe le mongwe a mo labelela a le hautshana. Ye be eze molaetsa wa tyemana ye ya sha jwa go e bala e bola gka Messia. Jesu a re, '' Mahogko u wa la be ke a le balela a rihagalago jwa.'' Baqtho bothe ba makala. ''Ba ipoja gore yo ha se ngwana wa ga Josefa wa mahantjana?''

Jyeso a be ere, ''ke nnete gore ha gona moporofiti yo o amogeleshegayo mo toropong ya igobo. Gka nako ya ha ga moporofiti Elija, ye gole bashwagari ba le bantsi mo Iseraela. Ye ya re pula e sha ne mo ringwageng je ri thyaro le shephatyo, Morimo wa shegka wa roma Elija go thyusa moshwagari go jwa Isaraele, mbe a tyusa moshwagari go jwa chabeng e sele.''

Jyeso a jwelela a re, '' Gka nako ya ga moporofita Elisha, ye go le baqtho ba le bantsi mo Isaraele gka bolwetsi jwa ledalo. Mbe Elisha a shegka a horisa mongwe wa bo. A horisa bolwetsi jwa ledalo la ga Naaman, molaori wa baba ba Isaraele.'' Baqtho mba ye be rerije Jyeso ye e le Bajuta. Ha be uzwa e bola jwalong, ke ha ala ba mo shagkalela.

Baqtho ba Nasaretha ba goshela Jyeso gkaite ga lehelo la kobamelo ba mo nere hautshana le letshitshi la thaba go mo lathela mo gkeng gore ba mbolaye. Mbe Jyeso a ralala boiriiring jwa baqtho a jwa mo toropong ya Naseretha.

Jyeso a jwe a ralala kgaolong ya Galaleya, bontsi jwa da go ye. Ba nere baqtho gka bontsi mba ye be khwa kana bigwele, le mba ye ba sha bone, mba ye ba sha shepela, ba sha uzwe, ka na go bola, mbe Jyeso a ba horisa.

Bontsi jwa baqtho mba ye be nale matimone ye be neriwa go Jyeso. Ha Jyeso e ntsha tyaelo , matimome a jwa mo baqthong, ba gowa gkapetsa gkapetsa ba re. ''O ngwana wa Morimo!'' Bontsi jwa baqtho ye be hakgamee ba ba ba obamela Morimo.

Jyeso a thopha banona bale leshome le boberi mba a be e ba bija baaposetoloyi ba gwe. Baaposetoloyi ba shepela le Jyeso le go ithyuthya mo go ye.

Polelo ya Baebele go jwa go Mathaio wa 4:12-25; Mareko 1:14-15,35-39; 3:13-21; Luke 4:14-30, 38-44