22. Pelego yaga Jyohane

Mo nakong ye e hikileyo, Morimo abe ya bola le baqtho bagwe gka baengele le baporofiti. Mbe ringwaga jeri makgolo ale mane ja hekja a sha bole nabo.Gka potako Moengele eda ka molaetsa ojwa Morimong goya go moperesiteng wa motsohe a bijwa Sakarea. Sakarea le mosari wagwe Elisabete, ye ele baqtho mba ba nale bomorimo, mbe yasha te a rihana le baqtywana.

Moengele a raya Sakareya, ''Mosari wago oda rulana le motywana wa mantjana. Oda go mbija Jyohane. O da go dajwa gka moya wo boitshepo, e bile oda go bankanyeja baqtho Mesiya! Sakareya a hetyola, "Nna le mosari wame he batsohe gogka rulana le baqthwana! Ke gkaze jwang gore she shegka rihagala? ''

Moengele a hetyola Sakareya, "Yeke rumilwe ke Morimo go nere mohogko uwa molemo uwa. Ka gore haise o ntyumela, ha ona go kgona go bola go hithela moqthwana a belegwa. Heri ana mhoo, Sakareya a shegka a kgona go bola. Keha moengele a siya Sakareya. Mojwa ga she, Sakareya a boyela gaya mbe mosari wagwe a icholohela.

Ha Elisabete ale rikgweri riqthaqtaro a imile, ka ponyo ya leiro moengele yo gatshi a iponaja leshitjeng la ga Elisabete, yo ya bijwa Marea. Ya ise a thakanene rigkobo e bile a le mobeelejwe gore ada go ngwalwa ke monona a bijwa Jyosehe. Moengele a re, "o da go rula moimana obo o belega moqthwana wa mantjana. O da go mbija Jyeso. E da be ele morwa Morimo wa magorimo ebe oda busa goya goileng.''

Mareya a hetyola, ''She shegka rula jwang, ke sha thakanele rigkobo? Moengelele a hetyola, Moya o o boitshepo ode da mo gowo, le nonoho ya Morimo eda go apara. Ghjaanong moqtywana o da be ale boitshepo, morwa Morimo.'' Mareya a rumela a bo a amoshela she moengele naa she bola.

GKa bojogko mojwa ga moengele o bola le Mareya, a doga a ekela Elisabete. Gka bojogko Elisabete a uzwa go rumeja gaga Mareya , Ngwana waga Elisabete a tola mokeng gagwe. Basari ba ityumele mmogo gka she Morimo nawa she ba rihela. Mojwa ga gore Marea a ekele Elisabete rikgweri jeri tyaro , Mareya a boyela gaya.

Mojwa ga gore Elisabete a belege ngwane wa mantjana, Sakarea le Elisabete ba bija moqthwana Jyohane, jwagka moengele ya a laurile.Mbe Morimo wa laola gore Sakareya a bole gatshi. Sakareya a re,'' Galaleja Morimo, ka gore na gagkoloshelwa baqtho bagwe! ''Weni, ngwanagka, oda go bijwa Moporofite wa Morimo wa magorimo-rimo yo o da go jwela baqtho gkaho bagka amoshelwa go ichwarelwa ga bibi zabo."

Polelo ya Baebele gojwa go: Luke 1