Kgarakgatshego mo nageng

Mojwa ga gore Morimo a jwele Baiseraela molao o iya bata bao obamela ele bontha jwa kgolagano yagwe nabo, bajwa ha thabeng ya Senai. Morimo a simolola goba ekelela pele goya lehatsheng la chelohejo, le gatshi iye le bijwa Kanana. Pilara ya Leru yaba ekyelelela pele goya Kanana mbe baa le sala gkamojwa.

Morimo iyeye wa sholeheja Aborehamo, Isake, le Jyakobe gore oda naa lehatshe la cholohejo ri kokomane jabo, mbe jyaanong iye gosei go nale bithopha za baqtho ze bi ntsi mba iye ba sei ba rula gkayo. Iye ba bijwa Bakanana. Bakanana iye ba sha rapele kana go obamela Morimo . Iye ba rapela merimo esele gatshi be riha bilo zebi ntsi ze bi boleo.

Morimo a jwela BaIseraele, "Le chwaneng go ntsha Bakanana bothe mo lehatsheng la chelohelo. Le shegka la riha kagiso nabo ebile le shegka laba ngwala. Le chwanei la nyeleja gothelele merimo yabo yothe ya risetwa. Ha lesha nkobamele, ledaa rapela merimo yabo yari setwa boemong jwame."

Ha ba Iseraele ba goroga molelwaneng wa Kanana, Moshe a thopha banona bale leshome le boberi, ale mongwe mo letsong lengwe le lengwe la Iseraele. Aba naya rityaelo go dogo baa go tshola ritholwa gore ba baone gore lehatse yele nje jwang. Iye ba chwanei ke go tshola Bakanana ritholwa goze gore ye bale qthatya kana baa bokowa

Banona mba ba leshome le boberi ba shekela ba ralala Kanana malatji ale mashome ale mane abe be boya. Ba jwela baqtho, "Lehatshe le nonohilego heri thyatya le bijyalo bibi ntsi!" Mbe ba tshola ritholwa mba ba leshome bare, "Ritoropo re nonohile qthatya le baqtho ba teng ke mekaloba! Hangka ha ba thasela, ruri bagka he henya baba bahe bolaya!"

Gka bonako Kalebo le Joshua, batshola ritholwa mba ba bari, bare, "Go boaamaruri gore baqtho ba Kanana baba kyelele ebile ba nonohilego, mbe tota he hegka ba henya! Morimo odaa he lwela!"

Mbe baqtho ba shegka ba reeja Kalebo le Joshua. Ba shakgalela Moshe le Arone bare, "Iye lehe nerela shing mo lehelong lele mashwemashwe le? Nkabe ye ya ha rula Egepoto gona le gore heda go bolewa mo etyweng le basari le baqthwana becho ba rihwa makgoba." Baqtho ba bata go thopha moekyeleri yo o pharologanyo goba botseza Egepeto.

Morimo iye a shakgei thuyatya abe eda tengteng ya bokopaano. Morimo are, "Gka gore iyala ntsogoloshela, baqtho bothe badaa chwanenwa ke go kgarakgatshega mo nageng. Gkaite gaga Joshua le Kalebo, mongwe le mongwe yoo ringwaga ri mashome maberi kana motyona odaa shwela gkayo gatshi ha nkake a tjena lehatsheng la chelohejo."

Ha baqtho bi uzwa she, ba ikopa maichwarelo gore ebe naba leuha. Ba tshola be betsa jabo ebe ba doga ga go thasela baqtho bai Kanana. Moshe aba thagisa gore ba shegka ba doga gkagore Morimo iye sina nabo, mbe ba shegka bamo reeja.

Morimo ha ya ya doga nabo mo ityweng ye, jyaanong ba henywa mbe bontsi jwabo jwa bolewa. Baiseraela ba hetyoga gojwa Kanana mbe ba kgarakgatshega mo nageng ringwaga rele mashome ale mane.

Ringwaga jeri mashome mane ha baqtho ba baiseraele be kgarakgatshega mo nageng, Morimo aba thogkomela. Aba naya boroqtho gojwa legorimong, bo bijwa "manna." A romela le bigopa ja rinnyane (mma ele rinyane jeri mbele oha gari) mo kampeng yabo gore ba rule le nama goe jya. Mo nakong yeyong yothe, Morimo a riha biaparo zabo le biragko gore be segka za onana.

Morimo gka motholo aba naya maze gojwa mo lejwee. Mbe leha go rihagala bilo ze zothe, baqtho ba Iseraela ba ngongorega baba ba garumelela Morimo le Moshe. Leha go nje jwalo, Morimo a jwelela ale boikanyego mo cholohejong yagwe go Aborehamo, Isaka le Jyakobe.

Nako ye nngwe ha baqtho ba sena maze, Morimo a jwela Moshe, "bola le lijwe, mbe maze adaa jwa mo golo." Mbe Moshe a shegka a tota Morimo ha pele ga baqtho bothe gka go ngakya lejwe gaberi gka thyobane gonale go bola nalo. Maze ajwa mo lijweng gore mongwe le mongwe a nwe, mbe Morimo a shagkalela Moshe a re, "Hankita o tjena lehatsheng la cholohejo."

Haala ba iseraele ba kgarakgatshega mo nageng ringwaga rele moshome mane, bothe mba iye ba zosoloshela Morimo iyeeye ba shwa. Mbe Morimo a etyelela baqtho pele goya qthoko ga lehatshe la cholohejo gatshi. Moshe jyaanong keha ale motsohe qthatya, Morimo a thopha Joshua go moqthwisa go etyelela baqtho pele. Morimo a sholoheja Moshe gore edaare laatji lengwe, odaa romela moporofita yo mongwe yo o chwana le Moshe.

Morimo a jwela Moshe go pagama ha gorimo ga thaba gore ate a kgone go bona lehatshe la cholohejo. Moshe a bona lehatshe la chelohejo mbe Morimo a shegka amo leta go tjena gkayo. Mbe Moshe a shwa, mbe ba Iseraela ba hutsahala malatji ale mashome ale mararo. Joshua a riha moetyeleripele wabo yo motsha. Joshua iye ele moetyeleri pele yoo siameyo gka gore iya tshepile lego obamela Morimo.

Polelo ya baebele gojwa: Exodase 16-17; Ripalo 10-14; 20; 27; Riteronimi 34