18. Bogoshi jo bo kgaoganyego

Mojwa ga ringwaga je rintsi, Dafite a shwa, ngwane wa mantjana Solomone a simolola go busa Iseraele. Morimo a bola le Solomone a mboja she o she bata thyatya. Ha Solomone a la kopa bothale, Morimo a ityumela a ba a mo riha moqtho yo o bothale molehatsheng lothe. Solomone a ithyutya bilo bi le bintsi e le moathori yo bothale qthatya. Morimo wa mbaya mogomi yo motyona.

Mo Jerusalama, Solomone a joga Tempele ye ise Dafite ye ye e akanyeje a ba e kgobokanyeja bilo ja tjogo. Baqtho ba obamela Morimo ba mo ntsheza bithabelo mo Tempeleng go na le mo Tenteng ya phuthyego. Morimo e da mbe a ba a leho Tempeleng, a rula gkayo le baqtho bagwe.

Mbe Solomone a ratya basari ba bahatshe uwa mangwe. A shegka a obamela Morimo gka go ngwala basari mba bantsi, mba ba gka chwara sheketye! Bontsi jwa basari mba ye e le ba mahatshe a sele ba dile le meringwana ya bo ba jwelela be e obamela. Ha Solomone a sena go tsohala, a obamela meringwana ya bo bobo a ba a ba sala mojwa.

Morimo a shakgalela Solomon, jwaagka kothao ya go thogka go rula boikanyego ga ga Solomone, a tshepisa go kgaoganya chaba ya Iseraele gka magoshi ale maberi mojwa ga losho la ga Solomone.

Solomone a sena go shwa, ngwane wa mantjana, Rehoboam, a rula kgoshi. Rehoboam ye le shemata sha monona. Baqtho bothe ba chaba ya Israel ba kopana ba ruruhaja go mo baya kgoshi. Ba ngongoreshela go Rehoboam gore Solomone ya ba rihisa rikhiho je ri qthatya le go ruela lekgethyo le le ntsi.

Rehoboam a ba araba gka bomata, "Le tsholela gore tate Solomone ye le rihisa rikiho je ri boima, mbe ke da le berekisa qthatya go hetja jwagka ye e riha, ke be ke le othaya bothaswa go hetya jwaagka ye e riha."

Leshome la merahe ya chaba ya Iseraele ba baingaolela Rehoboam. Merahe ye meberi heri ba sala ba le boikanyego mo goye. Merahe ye meberi ye ya riha bogoshi jwa Juda.

Bangwe ba merahe ya chaba ya Iseraele ba le leshome mba ye bi ingaolela Rehoboam ba supa monona yo o bijwa Jeroboam go riha kgoshi yabo. Ba baya bogoshi jwabo mo bokone jwa lehatshe jwa bo bo bijwa bogoshi jwa Iseraele.

Jeroboam a ingaolela Morimo gka go riha gore baqtho ba leohe. A joga meringwana e le meberi gore baqtho bagwe ba e obamele go na le go obamela Morimo mo Tempeleng mo bogoshing jwa Juda.

Magoshi a Juda le Iseraele ba thoana be lwa nako jothe.

Mo bogoshing jo botsha jwa Iseraele, rikgoshi jothe ye ri le bosula. Bontsi jwa rikgoshi je ya ya ja boleiwa ke ba Iseraele mba bangwe mba ye be bata go riha rikgoshi mozeng wabo.

Rikgoshi jothe le bontsi jwa baqtho ba bogoshi jwa Iseraele ba obamela morimo wa risetywa. Kobamelo yabo ya boringwana e raya boagka nako je ringwe ele shethabele sha moqthwana.

Rikgoshi ja Juda ye le rikokomane ja ga David. Bangwe ba rikgoshi je ye le banona mba ba siamego mba ye be busa shente le go obamela Morimo. Mbe bontsi jwa rikgoshi ja Judah ye bedee cheno le bosula, be obamela meringwana. Bangwe ba rikgoshi ye be ntsha bana babo go rula bithabelo meiringwaneng ya risetywa. Bontsi jwa baqtho ba Juda ba ingaolela Morimo le bona ba obamela merimo e sele.

Polelo ya Baebele go jwa go 1 Rikgoshi 1-6; 11-12