Zangnaiqnawq A Ngai Lau Pu Saw A Kawng

Nikhaiq cu Zisuq a zung kawi Pite cu a va sei ei, "Ka wnau pakhaiqkhaiq naq ka cung paw lawq suanawq a tui hai salawq vawi khazawiq i ka ngaithiam hai? Vawi sary nawq tam am mamo ka ngaithiam hai?" lemawq a haw. Zisuq naq, "Vawi sary lawng sa veq, a vawi sawmsary vawi sary na ngaithiam hai," lemawq a lei. Amu kawng law hanawq kaani naq a cuicui mawq ngaithiam vau a si nawq kawng khaw a hau dw pu a si. Cakhau mawq Zisuq naq a thui ei a wm pu biphung khaw a swm hai.

"Vancung pennawq cu, amu a saw le a riantuan nawq cazin khaw cuan a twm pu siangpahang pakhaiq hawi a lo. Amu a sawpu pakhaiq cu tangkaw talen thawnghru khaw a bawipu a zung law laibu a ngai." (Talen thawnghru cu a nun sung a hlo pu tangkaw nawqmawq a tam am.)

"A sawpu canaq a laibu a bintei khaw a sam khau lau cu lawq a sawpu le a insungkhua a bintei mawq saw law zua si hai sawq lemawq a le."

"Sawpu cu a bawipu a hmai lawq a khwmq a by ei a nua, 'Pa ngaithiam kau law ka ca baiq pu a bintei mawq ka ca sam kau lai,' lemawq a nua. Khatyq nawq siangpahangpu naq a sawpu khaw a zangnaiq ei a laibu cu sam ty lau vau mawq ngaithiam awq a sei sawq."

"A si nu mawq milaipu cu a bawipu a zung law mawq a sei thang ei, amu a zung ei laibu a cawmtei a ngai pu a zung kawi a va sei hno. A hawipu a zung kawi a phawq tyq khanawq a hawipu cu a rawng mawq a dy ei, 'Na pa baiq pu khaw pa sam thw ni,' lemawq a haw san."

"A hawi sawpu canaq, 'Pa ngaithiam sung kau,' lemawq a khwmq by awq a nua. A si nu mawq ngaithiam dw lau mawq a hawipu cu a baiq pu a peiq khau hlan sung thawng a thawq."

"Midang aa hawi saw le naq amu kha ruantei a hwmq tyq nawq aa ai aa puang ngaitei ei aa bawipu a zung kawi va sei hai awq aa va swm."

"Amu camawq siangpahangpu naq a ngaithiam pu a sawpu cu a au sawq hai ei, 'Saw thulau, na pa nua cu lawq na laibu ka ca ngaithiam thw. Na cungpaw ei zangnaiqnawq ka ca ngai hu mapaw, na saw hawi a cungpaw law zawng na ngai rawq vau a si cu,' lemawq a le ei, siangpahangpu cu a thin a haw tawiq cu lawq, 'Laibu a bintei a pa sam khau hlan sung thawng sung law khwm uq,' lemawq a le hai."

Cacu lawq Zisuq naq, "Vancung ei a wm pu ka Po naq naa thinlung tawqtawq mawq naa w naa nau pakhaiqkhaiq khaw na ngaithiam lau hai a si cawmacu Bawipu Pathian naq naani zawng cahu camawq a ca ngaithiam rawq va hai."

Matai 18:21-35 law mawq a tia mi biphung