Thaicy A Vaw Tw Tausunnawq

Nikhaiq cu Bawi Zisuq naq tyhly a kam lawq mitampy khaw a cawnpiq hai. Cawnpiqnawq a ngai tw hai khaw a tam tawiq cu lawq Zisuq cu tylawng sung kawi kun awq a thw ei mitampy hai cu tykam law canawq aa dia hai.

Zisuq naq a cawnpiq mi hai cu, "Thaicy vaw vau mawq milaipu pakhaiq cu lau kawi a sei. Lau sung lawq thaicy khaw a vaw. A sio cu lamkam law aa tu hai ei pavu naq aa khy suang mang hai."

"Siokhaiq thaicy hai cu laiphy a cawmtei lawng a wm nawq lung a tam nawq hmun law aa tu hai. Laiphy a tam lau cu lawq a khau sawi hai ei ni a thaw cangku mawq a thary khaw a thwmqnawq kawi a phawq khau lau cu lawq aa caw thw hai."

"Siokhaiq thaicy hai cu hring a tam nawq sung law aa tu hai ei a khau awq a thang kau nu mawq hringnawq a zi thw cu lawq aa thai thai khau va hai."

"Siokhaiq thaicy cu laiphy a thaiqnawq law aa tu hai. Laiphy a thaiqnawq ei a tu pu thaicy hai cu a thang hai ei a leiq zakhaiq, a leiq sawmrwq, a leiq sawmthwm mawq a vawi hai. Amu a swm pu hai cu hniq khau hai sawq," lemawq a swm hai.

Amu tausunnawq cu a hnwzytw le naq hniq khau va hai. Cacu lawq Zisuq naq aa hni khau nawq vau mawq a swm hai. "Thaicy lemi cu Pathian a bi khaw a si. Lam paw lawq a tu lemi cu a ngai kau nu mawq a lung tiang lau pu hai khaw a hau dw. A zung ei a wm pu Pathian bi khaw Saitan naq a lawq piq thw hai."

"Lung a tamnawq paw ei a tu pu Pathian bi cu aa thai ei lunglawmtei mawq a lawq nu hai mawq rwhawnawq le hemnawq aa in tyq nawq in khau nawq ngai lau mawq aa lung aa dawng pu hai khaw a hau dw."

"Hring sung ei a tu pu thaicy hai cu a thai ei can sau a rau tyq khanawq ngairwmnawq le laiphy paw ei nuamnawq le khaw aa dw cu lawq Pathian khaw bitawq mawq aa dw khau lau pu hai khaw a hau dw pu hai a si. Cacu lawq Pathian bi khaw aa thai aa ngai nu mawq aa thai thai khau va hai."

"Laiphy thu lemi cu Pathian a bi khaw a ngai ei a zwm khau mawq a thaipaw tampy a sui sawq pu khaw a hau dw nawq cu a si."

__