၃.ပါးနီးဒေါ(န်)ရ်အောရ်
တိုင် (မ်)ကိစ်ဆူးဖူးရိုက်ဇော့န်အောရ်ဘာဒေဒွိယ်နီယာရ်မာဇေးမာနူရှ်ဘိရှိသားကီအိုက်လို့။အီသာရာယေရှာဘီရှီ ဟောရာဘ်ဘောနီအိုက်လို့။ဘီရှီဟောရာဘ်ဘောနီးအိုက်(ရှ်)ဒေးယာနားအလ္လာဟ်သာလာယေဖူရာဒူနီယိုက်(ရ်)အိုရေဖါးနီးဘာန်ဒီယောရေ-ဖါးနီးဒေါ(န်)ရ်ဂေါ်ရီဒူနီယာရေးဘောရ်ဘာသ်ဒီဘောလ်လာနီယောသ် ဂေါ်ရီပေလိုက်ပေးလိုက်ယေ။
ကိန်သူအလ္လာဟ်သာလာယေ”နူဟ်”အာလိုက်ဟိစ်ဆာလာမ်လို(အိအ်)အလ္လာဟ်သာလာရာဇီအောယေအာရ်ပေါ်ဆောန်ဂေါရ်ဂျေ။အီဘာဒါဆောဟောရာဘ်မာနူးရှ်အောရ်အောလ်မာဇေး(ဘူ)သော်ရေအုဂ်ဂွါးဂေါမ်မာနူးရှ်။အလ္လာဟ်သာလာရေ”နူဟ်”နောဘီရေဒေါ(န်)ရ်ပါးနီးဘာန်အောရ်ဟောဘောရ်ဇာနိုက်ဒီလို့။အေးသာလ်လာဘော်လီ”နူဟ်”နော်ဘီရေဒေါန်(ရ်)နောအဲက်ခါးန်ဘာနိုက်ဘောလ်လာအောဒါရ်(ဟောကူမ်)ဒီယေ။
အလ္လာဟ်သာလာယေ”နူဟ်”နော်ဘီရေနော(ဂျာန်(ဆ်)ယာန်အောရေးလာမ်ဘာရှ်ရှာအဲက်ရှောဆ်ရှာလိဆ်မိတာ၊ပါသာရ်ဂျာသဲရှ်မီတာအာရ်အူ(န်)ဆောရ်လ်အောသ်သိန်ဖူးတ်ပါ(န်)ဆ်မိတာအူ(န်)ဆောလ်အောဖေါန်ဘာနိုက်ဘောလ်လာဟောယေ။နော်ဘီ”နူဟ်”ယေအေးဂျာ(န်)ဆ်(နော)ယာန်အောရေဂါစ်လို့(အိအ်)ယောရေဘောနိုက်ယောရေ၊တာလာရ်မာဇေးသိန်တာလာ၊ကာမာရာအောလ်၊ဒေါမ်ဒေါမာအဲက်ခါးန်အာရ်ဒေါရ်ဇာအဲက်ခါးန်လို့(အိအ်)ယောရေးဘာနိုက်ယေ။အေးဂျာ(န်)ဆ်(နော်)ယာန်အောရေးနော်ဘီ”နူဟ်”အာရ်အီဘားအာရ်အလ္လာဟ်သာလာအာရ်အိုရေးအီမာန်အို(က်)န်နေ့ဒေးအီးသာရာအာရ်ဖါးနီ(သ်)သာကေးဒေးဂျာနူဝါရ်အောလ်အာရ်မေရီ(တီ)သာကေးဒေးဂျာန်ဒါရ်အောလ်အောရေးသူလီလောယေ။
“နူဟ်”နောဘီယေအလ္လာဟ်သာလာရ်ဟောသာဖူးန်နေ။အီဘားအာရ်အီဘားရ်ဖူး(န်)ဝိုင်(က်)ဂျားသိန်ဇောန်ယေအလ္လာဟ်သာလာရ်ဟောကူမ်မော်ဇိန်နော(ဂျာ(န်)ဆ်)ဘာနိုက်ယေ။နော(ဂျာ(န်)ဆ်)ဘီရှီဒေါ(န်)ရ်ဒေးယာန်အောလ်လာဘော်လီးဘာနိုက်ဘောလ်လားဘောဆာရာဘောဆော့ရီးတိုင်(မ်)လိုက်(ဂ်)ဂေး။”နူဟ်”နောဘီယေပါးနီးဒေါ(န်)ရ်အို(အိအ်)ဘို့ဒေးပါးနီးဘာန်အောရ်ဟောဘောရ်ဇောန်ပေါသီဇာနိုက်ဒီယေးအာရ်အလ္လာဟ်သာလာရ်အိုရေအီမာန်ရာကီဘောလ်လားဟောယေးအာရ်မာနီဘောလ်လာဟောယေးကိန်သူအီသာရာဘဲဂ်ဂူနဲ့နောမာနေ(ဘိရှ်ရှာရှ်)နောဂေါရေ။
အလ္လာသာလာရေနောဘီ”နူဟ်”ရ်ဂေါရ်အောလာအာရ်ဂျာနူဝါရ်အောလ်ဘေရှားဘိရှီလ်လာဟာနာကူလာဖေါန်ဇောမာဂေါရ်ဂျေ။တိုင်(မ်)အော့ယေဒေးဝေါက်သောသ်အလ္လာဟ်သာလာရေနော်ဘီ”နူဟ်”အာရ်အအိဘာရ်ဘိုအောလ်အာရ်ဂေါရ်ဝေါ်လာအောလ်အောရေးအလ္လာဟ်သာလာရ်အိုရေးဘိရှ်ရှာစ်ဂေါ်ရောယာအောလ်အောရေးနောရ်အိုရေးသူလီလို့။
အလ္လာဟ်သာလာရေပေါရ်သီဂျာနူဝါရ်အောရ်မီယာလီအာရ်မောဒ်ဒါအုဂ်ဂွါးရ်ဒေါရေးပါးနီးဒေါန်(ရ်)အောဒ်ဒေးဝေါက်သောသ်ဘာဆီပါးရေးပေါန်နောဘီ”နူဟ်”ယေနောရ်အိုရေသူလီးလော့ယေ။အလ္လာဟ်သာလာရေဂျာနူဝါရ်ဒေါလ်လာဘောဒေါလ်လားရ်ဘူသောရ်သူမောဒ်ဒါးဟာ(န်)သ်သွားမိယာလီဟာ(န်)သွားရေ”အေဘာဒေါသ်”ဂေါရိဘာရ်ဝေါက်သောသ်အဲဆ်သာမာလ်ဂေါ်ရီးဘောလ်လာဘော့ရီးဒီယေ။အုန်ဘုဂ်ဂုံန်နောရ်အိုရေပေါ(န်)ရှ်ရှေ့ဒေးဝေါက်သောသ်အလ္လာဟ်သာလာရေနောရ်ဒေါရ်ဝေါဇာဘောန်ဂေါ်ရီဘောရ်လ်လာဟောယေ။
သာရ်ပေါ်ရေအောဇီရာနီဇေရ်ဒီယောရေလာဂါသာရ်ဆာလိရှ်ဒိန်ဟာ(န်)ဆာဟာ(န်)ဆီရိုက်(သ်)ဒိန်ဇောရ်ဒီယာရှုရုအို(အော့)အိအ်လို။မောရီ(တီ)အိရ်ဘူသော်ရ်သူပါးနီးအောလ်နေလီအိုက်လို။အို(န်)ဆောလ်မူရာအောလ်အာရ်ဒူနီယာသ်အာဆေးဒေးရှိစ်ဘိဂ်ဂိန်းပါးနီးသ်ဒူဖီးဂိယို(ယိယ်)။
နောရ်အိုရေအာဆေးဒေးမာနူရှ်အောလ်အာရ်ဂျာနူဝါရ်အောလ်ဘာဒေဘာကီကုလ်အောသ်(ဖေါ့)နာသ်သားကေးဒေးဂျာနူဝါရ်ဘိဂ်ဂု့န်မောရီဂီယို(ယိယ်)၊ကိန်သူအလ္လာဟ်အိုရေအိမာန်အိုင်(က်)နဲ့ဒေးဘူရာ(မာယာ)ဖူဝါ(အုဂ်)ဂွါရေးမူမာသိုက်လောဘောရ်လာဖေါ်ရိုက်ဂီယို(ယိယ်)ကိန်သူဘူရာ(မာယာ)ဖူဝါအိဘာရေအေလ္လာဟ်သာလာရေဘာဆိုအ်ယေ။ နောပါးနီးရ်အိုရေဒါဟာဇာရ်အာရ်ဘူသောရေအာဆေးဒေးမာနူရှ်အောလ်အာရ်ဂျာနူဝါရ်အောလ်အောရေးဘာဆိုက်ရိုက်ကီလို။
ဇောရ်ပေါရ်ဆားဒီယေးဒေးဝေါက်သောသ်နောယာန်ပါးနီးရ်မှာဇေးပါ(န်)ဆ်မိုက်(ရှ်)ဘိုက်ဘိုက်သားကီးလ်၊အေးဝေါက်သောသ်ပါးနီးလာမီဇာရ်ရှုရုအို(အိအ်)အော့လို့။အေဒ်ဒီန်နော(ဂျာ)န်)ဆ်)ယာန်မူရာအုဂ်ဂွါးရ်ဘုလ်လိးရ်အိုရေဇိုက်ယောရေဇီရိုက်ယာယေ။မောဂေါရ်ဒူနီယာပါးနီးရ်မှာဇေးဒုဖ်ပါးအိုက်(ရှ်)ရှိးလ်။သိန်မားရှ်ဘာဒေမူရာရ်မာသား(တုလ်လာ)အောရေဒါဟာဇာရ်ရှုရူအို(အိ)အ်လို့။
ဆာလိရှ်ဒိန်ဖူရိုက်ယေဒေအေးဒိန်နောဘီ”နူဟ်”ယေ”ဟို(ယိယ်)သောရ်အုဂ်ဂွါရေးဒိဖိရိုက်(တ်)ယောရေပေါနားမေတိ(ရိ)သူဝါဘာယေ။”ဟို”(ယိယ်)သောရေးပေါနားမေတိ(ရိ)သူဝိုက်ဘောလ်လားဘောလီဘိုးသ်ဘားရ်အာဇားဂို(အဲရ်)ဂျေကိန်သူဝိုက်နောပါး။
ယားရ်ဘာဒေ့းနောဘီ”နူဟ်”ယေအာရ်အုဂ်ဂွါးဖိုက်(စ်)အောရေးဖါနားမေတ(ရီ)အူရိုက်ဘောလ်လားဒီပေရိုက်(တ်)ယေကိန်သူသူဝိုက်က်နောပါးရော့န်အောရ်ဇော်ရီယာ”နူဟ်”ရ်ဟာ(န်)ဆေးပီရီးအိုက်ဂီယို(ယိယ်)။အဲရှားသ်သာဘာဒေအာရ်အုဂ်ဂွါးဖိုက်(စ်)အေားရေးဒီပေရိုက်ယေဒေဝေါက်သောသ်တုန်(သ်)လော(လို)ယိယ်ယောရေးကဲရ်အဲက်ခါးန်ဟောန်၊ရီယောရေအိုက်ဂီယို(ယိယ်)ပါးနီအောလ်လာမီဇာရ်ဇော်ရီယာဂါစ်အောလ်အာရ်အဲက်ဘာရ်ဒေါ(န်)ရ်(အို)ယိယ်အိုက်ယေဲရ်။
“နူဟ်”နောဘီယေအာရ်အဲက်ရှာသ်ားတောရ်အောန်အောရ်ဘာဒေဖိုက်(စ်)အာရ်အုဂ်ဂွါးရေသေဆေးရာဘာရ်ဒီပေရိုက်(တ်)လို့။အောဟောန်ပါးနီးအောလ်ဖူးဝိုက်ဇောန်အောရ်ဇော်ရီယာဖိုက်(စ်)အောလ်ဇီရိုက်ဘောရ်ဇာဂါပိုက်ယေးဒေးယာန်အောလ်လားဘော်လီးအာရ်အဲက်ဘာရ်အုလ်ဒါဝါပဲဆ်နော့အိုက်ယေ။
ဒွိ(ယိယ်)မိုက်(ရှ်)ဘာဒေအလ္လာဟ်သာလာယေ”နူဟ်”နောဘီရေအာရ်အီဘားရ်ဖီဆားလီ၊အီမာန်အော်လာအောလ်၊အာရ်ဂေါရ်ဝေါ်လာအောလ်အာရ်ဂျာနူဝါရ်အောလ်ဘုဂ်ဂေါန်အော်ရေးနော(ကိရှ်သီ)ဂျာ(န်)ဆ်အောရ်သူမို”လာမို”က်ယော့ရေးနော်ဆောလ်ဘာရီဘောရ်အောဒါရ်(ဟောကူမ်)ဒီယောရေးအာရ်ဖူဝို(င်)အောလ်၊နာသီအောလ်ဘေရှားဘီရှီဘီယိုက်ယော့ရေးဒူနီယိုက်ဖူရာဇိုးက်(စ်)ဟော့ယေ။အေးဝေါက်သောသ်”နူဟ်”နောဘီအာရ်အီဘာရ်ပိဆားလီအီမာန်အော်လာဂေါရ်လာအောလ်အောရေးကိရှ်သီးရ်(နောရ်)သူလာမီအိုက်လို။
နောဘီ”နူဟ်”ကိရှ်သီသ်သူလာမီအိုက်ယေဲရ်ဒေးဝေါက်သောသ်အလ္လာဟ်သာလာရေး”မာနီဘောရ်-အေဘာဒေါသ်”ဂေါ်ရီဘောရ်ဇာဂါအဲက်ခါးန်အောရေးအေအာဒေါသ်-ဂါး”အီးဆာဖ်ဖါးဆီးရာဂေါ်ရီရာကီးယောရေး”ဟာလာလ်”ဂျာနူဝါရ်အောလ်အေရေအလ္လာဟ်(ရ်)ရာဆ်သားရ်လားဒိပေးလိုက်ယေ။အလ္လာဟ်သာလာယေနောဘီ”နူဟ်ရ်အောဘာဒေါသ်(ရ်)အိုရေရာဇီအော့ယောရေးအာရ်အီးဘားရ်ဖိဆာလီးအီမာန်အောလာဂေါရ်ဝေါ်လာအောရေးဘောရ်ကောသ်အာသာဂေါရ်လို။
အလ္လာဟ်သာလာယေ”အိုင်(က်)အေဒူနီယာရေးမာနူးရှ်အောလ်အောရ်ဂူနာ(ရ်)ဇော်ရီယာဘောဒ်ဒူဝါနောဒီယုမ်။ပါးနီးဘာန်ဒီယောရေးယိုဒူနီယာရေးဘောရ်ဘာသ်နောဒီယုမ်။ကီယောလ်လာဘောလီးဟော(ဟို)ယိယ်လေးမာနူးရှ်အောလေးဟောဆူးရီဂေါရ်လေးယိုအလ္လာဟ်သာလာရ်ဘောန်ဒါဒေယာန်အောလ်လာဘော့လီဟို(ယိယ်)ယေ။
ယားရ်ဘာဒေအလ္လာဟ်သာလာယေအီဘားရ်ဝါဒါမောဇိန်ဒေါ့နူးအဲက်ခါးန်အောရေးဘာနိုက်လို့။အာဆ်မောန်အောရ်အိုရေဒေါ့နူးဒါဟာဇားဒေးဝေါက်သောသ်အလ္လာဟ်သာလာအာရ်ဘန္ဒဟ်အောလ်အေအလ္လာဟ်သာလာရ်သာလာရ်ဝါဒါရေးဖိရီးဖိရီးဖော်နောသ်ဂေါ်ရီးဘို။
A Bible story from: Genesis 6-8