၃၇.အီဆာယေးလာဇရုရေးမော်ရီဂီယိုယိယ်ဒေးအဲန်ဝါဖ်စ်ဇိန်ဒါ

လာဇရုဟိုယိယ်အုဂ်ဂွါးမာနူးရှ်အိုက်(ရှ်)ရှိလ်အီးသားရ်သူမောရ်ယာမ်”အာရ်”မာသာ”ဟိုယိယ်မာသာဒေးဒူဝါးဘိုယိန်အိုက်ရှ်ရှိလ်။ အီးသားရားဒါဆေးအီဆာနော်ဘီရ်လိုးယိယ်ဘိရှိခေါ်းဘီဒုစ်သောအောလ်အိုက်ရှ်ရှိလ်။အဲက်ဒိန်အီဆာနော်ဘီရေးမာနူးရှ်အဲက်ဇောန်အေးလာဇရုဘီရှိဘီယာရာမ်အိုယိယ်ဒေးယာန်အိုက်ယော့ရေးဟိုးယိယ်ယေး။နော်ဘီအီဆာယေးအဲန်ဒိုလ်လာဖူးနီယော့ရေးဘာဒေး”အေဘီယာရာမ်လိုးယိယ်လာဇရုသ်မော်ရာဖေါ်ရီးဘိုးဒေးဘီယာရာမ်နောယာန်အဲက်ကေဒါဘီယာရာမ်ဇီယာရ်အောရ်အလ္လာဟ်သာလာရ်ကူဒူရောတ်ဘိရှိဒါဟားဇိုက်ဘိုးဟိုးယိယ်-ဟိုးယိယ်ယေး။

နော်ဘီအီဆာယေးလာဇရုရေးဘိရှိမူဟာဘ်ဘောသ်ဂိုယိရ်သိုး။ လေးကိန်(င်)အီးဘားဇေရေးအိုက်(ရှ်)ရှိလ်ဒွိယွိယ်ဒိန်အေးရေး(ထ်)အိုက်ရှ်ရှိလ်။အေးဒွိယွိယ်ဒိန်ဘာဒေးနော်ဘီအီဆာယေးအီးဘားရ်ဆွာဟာဘာအောလ်အော်ရေးယဟူးဒါးအောလ်အောရ်ဇော်ဗိန်၊အေလာကာရ်)အူဇုဝါဖဲစ်ဇော်ဟိုယိယ်ဟော်ကူမ်ဒီယေးဒေးဝေါက်သောသ်ဆွာဟာဘာအောလ်အေးကိစ်ဆူးအာဂေအေးအေလာကာရ်မာနူးရှ်အောလ်အေးသူ(န်)ဝါး(န်)ရေးမိုက်(ရ်)သိုးဆိုက်(လ်)ဒေးနောနဲ့”ဟိုးယိယ်ဝါဖဲစ်ဟိုးယိယ်ယေး။အေးဝေါက်သောသ်နော်ဘီအီဆာယေး”အာ(န်)ရာရ်ဖူဝိုင်(န်)အိုင်(န်)ဂျ်ဂျားဒူစ်သောလာဇရုဂုမ်ဇိုက်သိုက်(ခ်)ကေး။ အာ(န်)ရ်သူအီဘားရေးဇိုက်ယော့ရေးဂုမ်အောရ်သူသူလားဖေါ်ရီဘိုဟိုးယိယ်ဝါဖဲစ်ဂျူဝါဖ်(ဘ်)ဒီယေး။

အီဆာနော်ဘီရ်ဆွာဟာအောလ်အေဟိုယိယ်ယေး”အုစ်သာသ်”ဇော်ဒီလာဇရုဂုမ်ဇိုက်သိုက်(ခ်)ကေးဒေးယာန်ဆောယီးအိုးယိယ်လေးအီသေးဝါဖဲစ်အာရာမ်အိုးယိယ်အိုက်ဘိုး”ဟိုးယိယ်အိုင်(န်)ဒူဆာရာ(အာရ်အဲက်)ဘာရ်ဒေါန်ဟာဆ်-ဆူးဝါလ်ဂိုယိရ်ဂျီး။ ယာရ်ဘာဒေးအီဆာယေးအီးသားရာရေး”လာဇရုမော်ရီဂီယိုးယိယ်၊အိုင်(န်)အေးဇာဂါသ်နော်သားကောန်အောရ်ဇော်ရီယားအိုင်(န်)ကူရှီအိုးယိယ်အီး။ သိုးယိယ်သူ(န်)ဝါး(န်)ရားအာ(န်)ရ်အိုရေယေကိန်(င်)ဘိရှ်ရှာရှ်စ်ဂေါ့်ရီးဘားဒေးဟိုးယိယ်ဟောယေး။

အီဆာနော်ဘီယေးလာဖရုရ်ဝေါ်သောန်(အိုးယိယ်)ဒေးဇာဂါသ်ဖိုအဲန်(ရှ်)ရှေ့ဒေးဝေါက်သောသ်လာဇရုမော်ရီဂီယိုးယိယ်။အီာဆာရ်လိုးယိယ်ဒေါ်လာအိုးယိယ်ဘောရ်လားနေလီအိုက်ယော့ရေး”နော်ဘီဆာဟဲဗ်-အော်နေဇော်ဒီအေဇာဂါသ်သားကီးသာအာ(န်)ရ်ဘိုက်နော်မော်ရီသိုး။ မော်ဂေါ်ရ်အလ္လာဟ်သာလာယေးသူ(န်)ဝါးရေးသွိယိန်မာဂေါ်ဒေး(ဆူးဝါလ်)ဒေါရ်လာစ်)ဂေါ်ရောဒေးအိန်အော်ရေးဒီဘိုးဒေးယာန်အိုင်(န်)ဘိရှ်ရှာရှ်(စ်)ယေကိန်(င်)ဂေါ်ရီးဟိုးယိယ်ဒေါရ်ဟာဆ်ဂိုယိရ်ဂျေး။

နော်ဘီအီဆာယေး”အိုင်(န်)အိဇ်ဇောသ်အောရ်ဆာ(န်)သေးဘာဆီ(ဟိုက်ယေ)သေးသားကောန်၊အာရ်ဝါဖဲစ်ဟဲစ်မောသ်လိုးယိယ်အိုက်ဖါရောန်အိုယိယ်ဒေးအီးဘားအိုင်(န်)(ကိန်-င်)သူ့ယာန်ကီယာမောသ်အောရ်ဇော်ရီယာ။ အာ(န်)၇်(အလ္လာဟ်သာလာရေးအာရ်အီးဘားရ်ဇော်ဝေါက်သောရ်အေးနော်ဘီအောလ်အော်ရေးဘိရှ်ရှရှ်စ်ဂေါ်ရီးဘိုး၊အာရ်အော်ဟောန်အာ(န်)ဇော်ဘာနာ-ဝေါက်သောသ်အလ္လာဟ်ဟောက်ကူမ်လိုယိယ်)အာ(န်)ရေးယေကိန်(င်)ဘိရှ်ရှာရှ်စ်ဂေါ်ရီးလေးဟောနော့ဝေါက်သောသ်နော်မော်ရီဘား။သွိယွိန်အေဟော်သားရေးယေကိန်(င်)ဘိရှာရှ်စ်ဂေါ်ရောစ်နဲ”ဟိုးယိယ်ဝါဖဲစ်ဟိုးယိယ်ယေး။အေးဝေါက်သောသ်”မာသာ”ယေဝါကီးဆော့ယီးသွိယွိန်အီဆား”အလ်မစ္စဟ်”အာရ်အလ္လာဟ်သာလာရ်ဗန္ဒဟ်အာရ်နော်ဘီဒေးယာန်အော်ရေးယေကိန်(င်)ဘိရှ်ရှာရှစ်ဂေါ်ရီးဟိုယိယ်ဝါဖဲစ်ဂျူဝါဖဲ(ဘ်)ဒီယေး။

ယာရ်ဘာဒေးမောရ်ယာမ်အိုက်ယော့ရေးအီဆာရ်ဖေါအောသ်အူ(န်)အိသ်ဖေါ်ရီ”အော်နေဇော်ဒီအေဇာဂါသ်သားကီးသားအာ(န်)ရ်ဘိုင်(က်)နော်မော်ရီသိုးဟိုယိယ်ဟိုးယိယ်ယေး။အီဆာနော်ဘီယေးအီးသားရာရေးသူ(န်)ဝါးရားလာဇရုရ်လာချ်ဟောန်ဇာဂါသ်ရိုက်ခေါ့်”ဟိုယိယ်ဖူဆာရ်ဂိုယိရ်ဂျေး။အီးသားရာအီဆာနော်ဘီရေး”ကော်ဘောရ်အောရ်ဘူးသော်ရေးဂေါ်လိုက်ဒီရိုက်(ခ်)ကီ။အိုက်ယော့ရေးဆောနာဟိုယိယ်-ဟိုယိယ်ယေး။ယာရ်ဘာဒေးအီဆာနော်ဘီယိုးဟာ(န်)ဒီလိုး။

ကော်ဘောဟောဒေးအီးဘားအုဂ်ဂွါးဂါး(န်)ရားဇီဘာရ်ဒေါရ်ဝါဇာရေးဖါသ်သောရ်အူဇူအိုက်(ရှ်)ရှေ့ဒေးဝေါက်သောသ်အိုအိန်နော်မာနူးရှ်အောလ်အေး”အိုဖါသ်သောရ်အော်ရေးလာရီပေးလိုက်ယေး”ဟိုယိယ်ဟောယေး။မော်ဂေါရ်”မာသာ”ယေးအီသေးမောရ်ဂျေးဒေးဆိုက်(ရ်)ဒိန်ဟာဆားဟာ(န်)ဆီးအိုးယိယ်ယေးဒေးယာန်အောရ်ဇော်ရီယာဖေါ(န်)ဆာဘိုက်(ရှ်)အူရီ(ထီ)ဘိုးဖေါရ်လားဟိုယိယ်ဟောယေး။

အီဆာနော်ဘီယေး”အာ(န်)အိုရေးယေကိန်-င်ဘိရှ်ရှာစ်ရာကီးလေးအလ္လာဟ်သာလာရ်ကူဒူရောသ်အာရ်ဆာရ်ဆာ(န်)သေးအာ(န်)ရ်မူဂျ်ဇာရေးဒေကီးဘားဟိုးယိယ်အိုင်(န်)ဟိုးယိယ်ရိုက်(ခ်)ကီးနော်နဲ့”ဟိုယိယ်ဟောယေးအေးဝေါက်သောသ်အီးသားရာဖါးသ်သောရ်အော်ရေၕးကေးလီးယော့ရေးလာရီပေးလိုက်ယေး။

ယာရ်ဘာဒေးအီဆာနော်ဘီယေးအာစ်မောန်မောန်အောရ်အူဇူဆိုက်ယေး(ဒဲက်ကေး)ဘာဒေးအလ္လာဟ်သာလာရ်သူ့နော်ဘီယေးဒေါရ်ဟာစ်အောလ်အော်ရေးဖူနီယော့ရေးကူရှီအိုယိယ်ယေး။နော်ဘီရ်ဟော်သားအောလ်အော်ရေးအလ္လာဟ်သာလာဟာမီရှားဖူနေဒေးယာန်ဇာနီ။နော်ဘီရေးအလ္လာဟ်သာလာရေဒီပေးရိုက်(က်)ယေးဒေးယာန်အော်ရေးယိုးအေဇာဂါသ်အာဆေးဒေးအီးသားရာဇာနေဖေါ့န်အာရ်ဟိုယိယ်ဖါးရေဖေါ့န်အဲန်ဒိုလ်လာဟိုးယိယ်ယေးဟိုယိယ်”ဟိုယိယ်ဒေး”လာဇရုနေလီအိုက်”ဟိုယိယ်ဒေါ(န်)ဂေါ်ရီအာဘစ်ဒီမာသိုက်ယေး။

အေးဝေါက်သောသ်လာဇရုကော်ဘောရ်အောရ်သူကော်ဖေါန်လိုယိယ်နေလီအိုက်(ရှ်)ရှေ့။အီဆာနော်ဘီယေးအီးသားရေးး”အေးကော်ဖေါန်အောလ်အော်ရေးကူလီပေးလာ”ဟိုယိယ်ယေး။ယဟူးဒီဇာသီအောလ်ဘေရှားဘီရှီမာနူးရှ်အောလ်အီးသားရေးဒေကီးယော့ရေးအေးသာရ်ဂျူဘ်ဘီရ်မူဂျဇာဝါကီယာရ်ဇော်ရီယာအီဆာရ်အိုရေယေကိန်(င်)ဘိရှ်ရှာရှ်(စ်)ဂိုယိရ်ဂျေး။

လေးကိန်ယဟူးဒီးဒေါရ်မောရ်မူရောဘ်ဘီအောလ်အေးအီဆာရ်လိုယိယ်ဟာဆော်ရောသ်ဂိုယိရ်သိုးယာန်ဘာဒေယိုးအီဆာရေးအာရ်လာဇရုရေးယိုးမာရီပေးလိုက်ဘောရ်ဘာလားမောရှ်ဝါရားဘာဖါနာဂိုယိရ်သိုး။

A Bible story from: John 11:1-46