၁၈.ပေါရောစ်အို(ယိတ်)ယေးဒေးဒဲရှ်( 0r )အဲက်ကားန်အာလောခ်ဒဲရှ်
ဒါဝူဒ်ရာဇာယေဆာလိရှ်ဘောဆောရ်ဟောကူမောသ်ဂေါရီးဘာဒေအီးဘားမောရီဂီယိုယိယ်ဒေထိုင်(မ်)အောသ်”အီးဘားရ်ဖူဝါဆောလ်မာန်”အေအစ္စရေး(လ်)အောရေရှုရုဂေါရီးဟောကူမောသ်ဂိုယိရ်လိုး။အလ္လာဟ်သာလာယေ”ဆောလ်မာန်အောရ်အာဇ်ဇူရ်ဟောန်နာန်အီးဘားရ်သူးဟောန်ဒေါလ်လာဂေါရီးဒီယာဖေါရီးဘိုးဖူဆားရ်လိုယိယ်ယေး။ဆောလ်မာန်အေအလ္လာဟ်သာလာရေးအာ(န်)ရေးအာကောလ်၊ဒေမာဂ်ဘေဲရ်အောဖေါန်ဂေါရီးဒေါဟိုယိယ်ဟောယေး။ယာန်အောရ်ဇောရီယာအလ္လာဟ်သာလာကူရှီအိုယိယ်ယော့ရေး”ဆောလ်မာန်”အောရေးဒူနီယိုက်(ရ်)အိုရေအာကောလ်၊ဒေမာဂ်ဂေါမ်အောလာအောဖေါန်ဘာနိုက်ဒီယေး။”နော်ဘီဆောလ်မာန်”အေးဘိရှိရှိရှ်(စ်)အောလ်အောရေးဖေါရီး(ရှိကီးယော့ရေးဘိရှိအေလောမ်ဟောကျမောသ်ဂေါရောယာအဲက်ဇောန်အိုယိယ်အိုက်ရှ်ရှေ့။အလ္လာဟ်သာလာယေ”ဆောလ်မာန်နော်ဘီရေးဘိရှိအောဖူရာနီသူဝါ(န်)ရေဂါရ်ဂေါရီးဒီယေး။
“နော်ဘီဆောလ်မာန်”အေအစ္စရေး(လ်)အောသ်ဘာဖ်ဒါဝူဒ်နော်ဘီရ်ဘူဒ်ဒီးအောလ်လိုယိယ်အီးဘားယေးဒေါလာဂေါရ်ဂျီးလ်ဒေးမာလ်ဆားမာနာအောလ်အောရေးအဲစ်သာမာလ်ဂေါရီး”မစ္စဂျီဒ်”ဘာနိုက်(ဘိုင်(န်)ဒေး။အလ္လာဟ်သာလာယေမာနူးရှ်အောလ်အေးအေဘာဒေါသ်ဂေါရီးဘောရှ်ရှောသ်ဒေါလာအိုယိယ်သိုးဒေး”ဘာရှား”ရ်ဘောဒေလာ(သ်)အေး”မစ္စဂျီဒ်”အောသ်အေဘာဒေါသ်ဂေါရ်သိုး။အလ္လာဟ်သာလာအေးမစ္စဂျီဒ်အောသ်အိုက်ယော့ရေးအေရေဘူးသောသာကီယောရေးအီးညားရ်လန္ဒအောလ်လိုယိယ်အီဘားသဲဇ်အိုယိယ်ဇိုက်သိုယိယ်။
မောဂေါရ်”နော်ဘီဆောလ်မာ”အေးအိုအိန်နောဒဲရှ်အောရ်မာယာဖူဝိုင်(န်)အောလ်အောရေးဖေါဆောန်ဂေါရောန်အောရ်ဇော်ရီယားအီးဘားယေး”အဲက်ဟာဇားရ်”ဘေရှားဘီရှိအေးမာယာဖူဝိုင်(န်)အောလ်အိုးအိုအိန်နောဒဲရှ်အောရ်၊အီးသားရာအေဘာဒေါသ်ဂေါရေးဒေး”ဘူးသ်-ဂျိန်-အောလ်အောရ်ရှော်ကောလ်အောရေးအီးသားရာအဲက်ကူဖူ(န်)ဝါ(န်)သီသာကေဒေးယာန်အောရေးဘာဟာနာဘိုဘာနိုက်အေဘာဒေါသ်ဂေါရ်သိုး။’နော်ဘီဆောလ်မာန်”ဘူရာအိုယိယ်အိုက်ရှ်ရှေဒေးဝေါက်သောသ်အိုင်(န်)အေးဆောလ်မာန်အောရ်မောသ်အောရ်ဖိုက်ဆာလာဂိုယိရ်လာဖ်သိုယိယ်အီးဘားယေးအိန်(ဂျင်(န်)အောလ်အောရေးအီးဘားရ်မောသ်အောရ်ရှောမ်မောန်ဒေကိစ်ဆူးနောဟော့။ဇေဝေါက်သောသ်အာဆ်သေအဆ်သေအီးဘားရ်လာထီ(ရီး)ဟာဖီယော့ရေးအီးဘားနီဆေးသ်ဒူလီးဖေါရ်ဂျေးအီးသားရာ(ဂျင်(န်)အောလေးယာန်ဆာဖ်ဂေါရီးဒေးက်ကေးအာရ်ဂိုက်(ဖ်)အောရေးဇာနီသိုးအာဇဖ်ဖေါရီနောသာကီသိုး။
အလ္လာဟ်သာလာယေးအေးမာမောလာအောလ်အောရ်ဇောရီယာ”နော်ဘီဆောလ်မာန်လိုယိယ်ဂုရှ်ရှားအိုယိယ်ရေးအစ္စရေး(လ်)အောရေးဒွိယွိဘာက်ဂေါရီးဟောဆူးရီးဟောယေး။”နော်ဘီဆောလ်မာန်”မောရီဘာဒေအဲက်ဒိုလ်လာဂေါရီးဟောဆူးရီးဒီယေး။
“နော်ဘီဆောလ်မာန်”မောရီဘာဒေအီးဘားရ်ဖူဝါရောဗိန်(င်)ရာဇာဘောနီယော့ရေးအစ္စရေး(လ်)အောသ်အာဆေးဒေးမာနူးရှ်အောလ်အေးအီးဘားရေးရာဇာဘာနိုက်ဘောလ်လားဇောမာအောယေး။အီးသားရာ”နော်ဘီဆောလ်မာန်”အောရ်ဇောမာ(သ်)”ထဲက်(စ်)အောလ်ဘီရှိလိုယိယ်ယေး။အာရ်ဟာမ်အိုးဘိရှိဂေါ”ရိုက်”ယေးဟိုယိယ်ရောဗိန်(င်)အောရေးဟောရေးအီးသားရာရေးဟာမ်အောလ်ဟောမ်ဂေါရီးဂေရိုက်ဘောလ်လာဒေါရ်ဟာဆ်ဂေါရ်ဂျေး။
ရောဗိန်(င်)ယေသူ(န်)ဝါးရာအာန်(ရ်ဘာဖ်”နော်ဘီဆောလ်မာန်”အေးသူ(န်)ဝါးရာရေးဟာမ်ဘိရှိဂေါရိုက်ယေးဟောယော့။မောဂေါရ်အိုင်(န်)အီးဘား(ရ်)သွားရိုးဘိရှိဂေါရိုက်ယုမ်။အိုင်(န်)အီးဘားရ်သွားရိုးသူ(န်)ဝါးရာရ်လားဘိရှိဟောရာဖ်မောဆီယောသ်ဘောနီယုံမ်ဘိရှိဂုရှ်းရှားဂေါရီးဟောယေး။
အီးဘားယေးအဲန်ဒိုလ်ဟောယေးဒေးဖူန်နေဲဒေးဝေါက်သောသ်ဘဲရှ်မာနူးရှ်အောလ်အေးအီးသားရ်လိုယိယ်ဘောဂါဝေါသ်ဂေါရ်အောန်ဇောရီယာဒေါရှ်ရှားမာနူးရှ်အောလ်အောရ်ဇာသ်အီးသာရ်သူဒူရေးဇောန်အောရ်ဇောရီယာဒူဝါမာန်ရှောရ်ဇာသ်သာရ်ဟာ(န်)ဆေးဘာဆီအိုက်(ရှ်)ရှိလ်။(ဘာကီ)အိုက်(ရှ်)ရှိလ်ဒေးဒူနူးဝါးယိုးအီးသားရာရေးအီးသားရာယာန်အဲက်ကားန်ဂျု(ဒုဒ)ယဟူးဒီအောလ်အောရ်ဒဲရှ်ဟိုယိယ်ဇာနီသိုး။
ဘာကီဇာသီအောလ်အေးရောဗိန်(င်)ဟိုယိယ်မာသာဒေးမာနူးရှ်အဲက်ဇောန်အောရေးရာဇာဘာနိုက်လိုး။အေးဇာသီအောလ်ဒါဆေး”အူသ်သောရ်”ဒါကောရ်သူ”သားကီးယောအီးသားရာရေးအီးသားရာယာန်အောရေးအစ္စရေး(လ်)ဒဲရှ်ယိယ်သိုး။
ရောဖိန်(င်)အေးအလ္လာဟ်သာလာရ်လိုယိယ်အုလ်ဒါဂေါရီးဘေရှားဘီရှိမာနူးရှ်အောလ်လိုယ်ယိုးဟောဆူးရီးဂေါရ်ဂျေး။အီးသားယေးအီးဘားရ်မာနူးရှ်အောလ်အောရေးအေဘာဒေါသ်ဂေါရီးဘောလ်လားရှောကောလ်(ဘူးသ်)ဒူဝါးဒီရိုက်ကေးဒေးယာန်အောလ်လားအီးသားရာရ်အလ္လာဟ်သာလာရ်အေဘာဒေါသ်ဂေါရီးဘောလ်လာ”ဂျေရူဆာလာမ်”အောသ်အာဆေးဒေးဘိုက်တွလ်မုက္ကဒစ်အောသ်ဇာဘောန်ဂေါရီးပေးလိုက်ယေ။
ဂျု(ယဟူးဒီ)ရ်ဒဲရှ်အာရ်အစ္စရေး(လ်)အောလ်အောရ်ဘာရှ်ရှားသာရာအာဖေါစ်အောသ်ဒူရှ်မောနိုက်ဒူရှ်မောနီအောယော့ရေးအီးသားရာအဲက်ဇောန်လိုယိယ်အဲက်ဇောန်မာရာမာရီဒေး။
အစ္စရေး(လ်)အောရ်နော်ယာဒဲရှ်အောသ်ရာဇာဘူဂ်ဂုံ(န်)ဂေါမ်နောအာရိုးဘောဒ်ကာရ်အိုယိယ်ဂီယိုယိယ်။အေးရာဇာအောလ်အေးယိုးရာဇာအိုယိယ်သိုးမောနောဟောဒေးအီးသားရာရေးအစ္စရေး(လ်)ဇာသီအောလ်အောရ်မာရေ။
ရာဇာဘုဂ်ဂုံအာရ်အစ္စရေး(လ်)အောသ်အာဆေးဒေးမာနူးရှ်အောျလ်ဘူဂ်ဂုံအေးဘူးသ်(နော်ကော်လီ)ရှောကောလ်အောလ်အောရေးအေဘာဒေါသ်ဂေါရ်ရ်။အီးသားရာအဲန်ဒိုလ်လာဂေါရေး(ဒ်)ဝေါက်သောသ်ဟောရာဖ်မာယာဖူဝိုင်(န်)အောလ်လိုယိယ်ယော့ရေးယိုဂုံ(မ်)ဇာအာရိုးအီးသားရာရ်”ဘူးသ်”အောလ်အိုရေးယိုးမာဇေးမီယာလေ့ဖူဝိုင်(န်)အောလ်အောရေးယိုး”ဖူဇေ”အေဘာဒေါသ်ဂေါရေး။
ဂျု(ယုဒ)ရ်ရာဇာအောလ်အလ္လာဟ်သာလာရ်ဘန္ဒ(ဟဲဒ်မောဒ်)ဂေါရောယာ၊ကိစ်ဆူးရာဇာအောလ်ဂေါမ်ဂေါရီဟောကူမောသ်ဂိုယိရ်သိုး၊ဘဲရှ်ဘာက်ရာဇာအောလ်ဒါဆေးဟောရောဖ်။အီးသားရာဒါဆေးဟောရာဖ်ဂေါရီးဟောကူမောသ်ဂေါရီး”ရှောကောလ်-ဘူးသ်”အောလ်အောရေးယိုးအေဘာဒေါသ်ဂေါရ်သိုး။ ကိစ်ဆူးရာဇာအောလ်အေး”ဘာနာဝေါထီ-အလ္လာ”အောလ်အောရေး၊ဖူဝိုင်(န်)အောလ်အော ရေးယိုး အေဘာဒေါသ်ဂေါရ်သိုး။ဂျု(ယုဒ)ရ်အလ္လာဟ်သာလာရ်အုလ်ဒါဂေါရီး(ဘာနာဝေါထီ-ရှောကောလ်-ဘူးသ်_)အောလ်အောရေးအေဘာဒေါသ်ဂိုယိရ်သိုး။
A Bible story from: 1 Kings 1-6; 11-12