၂၁.အလ္လာဟ်သာလယေအီဆာအလ်မစ္စဟ်ရေးဒီယေးဒေးဝါဒါ

အလ္လာဟ်သာလာယေဒူနီယာရေးဘာနာရ်ဒေဝေါက်သောသ်”သောင်ဗာ”သိူဗာရ်ရှုရုအိုယိယ်ဘောရ်ထိုင်(မ်)အောသ်အီဆာရေးဒီပေးရိုက်(ထ်)ဘိုးဟိုယိယ်အာဂေဘာရီဒေဲးက်ကီးလ်။အီးဘာယေးအာဒမ်အာရ်ဟားဝါသာရာယိုးအဲန် ဒိုလ်လာဂေါ်ရီးဘိုးဟိုယိယ်ဝါဒါဒီယေး။အီးဘာယေးဟာဝါရ်နော်ဆောလ်အောလ်အေးဟာဖ်အောရ်မာသာရေအူ(န်)ရီဘိုးဒေးဟောန်အောရ်ဇောရီယာရွှိုက်တာန်အေးဟားဝါရေးဘာရိုက်ဘောရ်လာဘော့လီးဟာဖ်အုဂ်ဂွါးဘာနိုက်လေးယိုးအလ္လာဟ်သာလာယေးအာလ်မစ္စဟ်ယေးရွှိုက်တာန်အောရေးကေလီးယာရ်ဆာဖ်ဂေါ်ရီးပေးလိုက်ဘို။

အလ္လာဟ်သာလာယေးဒူနီယာသ်အာဆေးဒေးမာနူးရှ်အောလ်ဘူဂ်ဂုံန်အောရေးရာဟ်မောသ်-ဘောရ်ကောသ်ဒီဘိုးဟိုယိယ်အီဗြာဟိမ်နော်ဘီရေးဝါဒါရေးဖိုက်(လ်)လေး။အလ်မစ္စဟ်ယေးဒူနီယာသ်အာဆေးဒေးအလ္လာဟ်သာလာရ်ဗန္ဒမာနူးရှ်အောလ်အော်ရေးဂုနာဟ်(ရ်)သူးဘာဆီဘောရ်ရာသာဒါဟိုက်ဘိုး။

အလ္လာဟ်သာလာမူဆာနော်ဘီရ်ဒိူယိလ်နော်ဘီအဲက်ဇောန်ဆာမ်စ်မာရ်သူးဒီပေးရိုက်(ထ်)ဘိုးဟိုယိယ်မူဆာနော်ဘီရေးဝါဒါဒိယေး။အဲန်ဒိူလ်လာဝါဒါဒီယေးဒေးအေလောမ်ဒါရ်အီးဘားအိုယိလ်အလ်မစ္စဟ်။အဲန်ဒိူလ်လာမော်ဇိန်အလ္လာဟ်သာလာယေးအလ်မစ္စဟ်ရေးဒီပေးရိုက်(ထ်)ဘိုးဟိုယိယ်ဝါဒါဂေါရ်ဂျေး။

အလ္လာဟ်သာယေနော်ဘီဒါဝူဒ်(ရာဇာရ်)အာနေဝါလာနော်ဆောလ်အောရ်ဘူသောရ်သူးစအဲက်ဇောန်အလ်မစ္စဟ်အိုယိယ်အိုက်ဘိုး။ဘီဘားဒါဆေးအလ္လာဟ်သာလာရ်ဘန္ဒဟ်အိန်ဆာန်အောလ်အောရ်အိုရေဇာအဲက်ဇောန်အီဆိုက်(ဖ်)ဖါးဟာမီရှားဟောကူးမောသ်ဂေါ်ရီးဘိုး။

အဲက်ဒိန်နိုယာဝါဒါအဲက်ကားန်ဂေါ်ရီးဘိုးဟိုယိယ်အလ္လာဟ်သာလာယေအာဂုံန်ဂေါနော်ယာဆေလောမ်ဒါရ်ယေရမိန်အောရေးဟောယေး။အေးနိုယာဝါဒါးဆေးဆီနာမူရာသ်ဂေါရ်ဂျီးလ်ဒေးဖူရာန်ဝါဒါရ်လိုယိယ်အဲက်ကူဒိုလ်လာနော။အီဘားယေးမာနူးရှ်အောလ်လိုယိယ်ဒိုယိယ်ဝါဒါဂေါ်ရေးဒေးဝေါက်သောသ်အလ္လာဟ်သာလာယေဘန္ဒဟ်(အိန်ဆာန်)အောလ်အေးဇာနီဖါရေးဖေါန်ဂိုယိရ်သိုး။ ဘန္ဒဟ်အောလ်အေယိုးအလ္လာဟ်သာလာရေးအာဒေါရ်မူဟာဘ်ဘောသ်ဂေါ်ရီးအီဘားရ်ဟော်ကူမ်အာဟ်ကာမ်ရှရီယတ်အော်ရေးယိုးမာနီဘိုး။အဲန်ဒိုလ်လာမော်ဇိန်အလ္လာဟ်သာလာရ်ဟော်ကူမ်အာဟ်ကာမ်ရှရီယတ်အောလ်အော်ရေးဒိလ်အောသ်ဂါ(န်)သီးရာကေးဒေးအဲန်ဒိုလ်လာအိုယိယ်အိုက်ဘိုး။အီးသားရားဒါဆေးအလ္လာဟ်သာလာရ်လိုယိယ်သာလ်လူက်အော်လာအိုယိယ်အိုက်ယောရေး၊အလ္လာဟ်သာလာရေးအီးသားရာရ်ဂုနာဟ်ဟာသးအောလ်အော်ရေးယိုးမာဖ်ဂေါရီးဒီဘိုး။အလ်မစ္စဟ်ဒါဆေးအီးသားရာရ်လိုယိယ်အလ္လာဟ်သာလာရ်အီရှားရာမော်ဇိန်နိုယာဝါဒါရေးအဲန်ဒိုလ်လားဂေါ်ရီးဘိုးဟောယေး။

အလ္လာဟ်သာလာရ်နော်ဘီအောလ်အေးယိုးအလ်မစ္စဟ်ဒါဆေးဒိန်ဒေါရ်မောရ်ဒေါန်(ရ်)မာနူးရှ်အိုး၊နော်ဘီယိုးအာရ်ရာဇာယိုးအိုယိယ်အိုက်ဘိုးဟောယေး။နော်ဘီမာနီအလ္လာဟ်သာလာရ်ဟော်ကူမ်အာစ်ကာမ်အောလ်အောရေးမာနူးရှ်အောလ်အောရ်ဟာ(န်)ဆေးဝါဖဲစ်ဟိုယိယ်ဒါဟားဒေးအီးဘား။အလ္လာဟ်သာလာယေဒီဖေ(ရိုက်-ထ်)ဘိုးဟိုယိယ်ဟောယေးဒေးအလ်မစ္စဟ်ဒါဆေးဂုနာဟ်ဟာသားဆားရားနော်ဘီအဲက်ဇောန်အိုယိယ်အိုက်ဘိုး။အဲန်ဒိုလ်လာဟိုယိယ်ဒေါဟောန်မော်ဇိန်အလ်မစ္စဟ်ဒါဆေးဆောယီးဘူဇောယားဇာနောယာ၊မာနူးရှ်အောလ်အေးရိုယိုးအေးအလ္လာဟ်သာလာရ်ဟော်ကူမ်အာဟ်ကာမ်အောလ်အော‌ရေးဖူရာဖူရီမူကောမ်မဲလ်ဘာဖေဘူဇိုက်ဇာနောယာအိုယိယ်ဘိုး။

အစ္စရေး(လ်)အောရ်ဒိန်အောရ်ဒေါ(န်)ရ်မူရောဘ်ဘီအောလ်အေးအီးသားရာအလ္လာဟ်သာလာရ်ဘန္ဒဟ်ဒေးယာန်အောလ်လားဘောလီးလာဂါသာရ်အလ္လာဟ်သာလာရ်အေဘာဒေါသ်အောလ်ဂေါရဲရ်။အဲန်ဒိုလ်လာအေဘာဒေါသ်အောလ်ဒါဆေးအလ္လာဟ်သာလာယေမာနူးရှ်အောလ်အော်ရေးဂုနာဟ်အာရ်ဟော်ဆူးရီးသ်နောဖေါရေဖေါန်ဂုနာဟ်အာရ်ဟော်ဆူးရီးရ်ဘောဒေလာသ်အေဘာဒေါသ်အောလ်ဂေါ်ရေးဒေး။ဘာဟ်(အိန်ဆာန်)ဆောလ်လားဒိန်ဒေါရ်မောရ်ဒေါ(န်)ရ်အောလ်အေး။အလ္လာဟ်သာလာရ်ဟာ(န်)ဆေးဒူအာအောလ်ဂေါ်ရေးအဲန်ဒိုလ်လားအလ်မစ္စဟ်ယေးဒိန်ဒေါရ်မောလ်လားအာရ်အလ္လာဟ်သာလာရ်လားဒေါန်(ရ်)ဟာလဲဆ်ကုရ်ဘာနီဒိုယာအဲက်ဇောန်အိုက်(ရှ်)ရှီးလ်အလ်မစ္စဟ်ဒါဆေးအလ္လာဟ်သာလာရ်ဘန္ဒဟ်အောလ်အောရ်ဂုနာဟ်အာရ်ဟော်ဆူးရီးအောလ်အော်ရေးဆာဖ်ဂေါ်ရီးဘိုးဒေးဒိန်ဒေါရ်မောရ်နော်ဘီအီဆိုက်(ဖ်)ဖါးအိုယိယ်အိုက်ဘိုး။အဲန်ဒိုလ်လာဟောန်မော်ဇိန်အီးဘာဒါဆေးဂုနာဟ်ဟားသားဆားရာအာရ်မူမောရ်ဇိန်ဒိဂီရ်ဝေါက်သောသ်အိုးလာဂါသာရ်ဇေဝေါက်သောရ်အေးဟော်ကူမ်မော်ဇိန်အေဘာဒေါသ်ဂေါ်ရားဖေါ်ရီဘိုးဒေးယာန်ဟိုယိယ်ဒါဟိုက်ယေး။အာရ်အဲန်ဒိုလ်လားအီးဘားအေးနီဇေဘာဇေယိုးဇော်ရုရောသ်မော်ဇိန်ကုရ်ဘာနီအောလ်ဒီယေး။

ဂုရှ်ထီးဇာသီအောလ်အော်ရေးဟော်ကူမောသ်ဂေါ်ရေးဒေးရာဇာအောလ်အောရ်မူရောဘ်ဘီအောလ်အေးအိုးကဲန်အေကဲန်အေးဟော်ဆူးရီးအောလ်ဂိုယိရ်သိုး။ဒါဝူဒ်နော်ဘီယေးအစ္စရေး(လ်)အောရေးရာစ်သီရီဂိုယိရ်ဂျေး။မော်ဂေါရ်ဒါဝူဒ်နော်ဘီရ်နော်ဆောလ်အလ်မစ္စဟ်ယေးဖူရာဒူနီယာရေးဟာမီရှားဟော်ကူမောသ်ဂေါ်ရီးဘိုး။အီးဘားယေးဟာမီရှားအူဇူ၊ဆော့ယီ၊ဟောစ်အိန်ဆာဖ်လိုယိယ်ဟော်ကူမောသ်ဂေါရီးဘို။

အလ္လာဟ်သာလာရ်အာဂုံ(န်)ဂေါ်နော်ယာအေလောမ်ဒါရ်အောလ်အေးအာရ်အိုအိန်နော်ဟာလောသ်အောလ်အော်ရေးယိုးဟိုယိယ်ဒါဟိုက်ယေး။မေဆာလ်အီဆိုက်(ဖ်)ဖါးဟိုယိယ်လေးမာလီခိယေးအလ်မစ္စဟ်အိုက်ဘောရ်အာဂေါရ်သူာအာရ်အုဂ်ဂွါးအေလောမ်ဒါရ်ဖိုယိယ်ဒါအိုယိယ်ဘိုး။အေးအေလောမ်ဒါရ်အီးဘားဘီရှိဟာဇောရ်အိုယိယ်ဘိုးဟိုယိယ်ယေး။ယာရ်ဘားဒေးအာဂေါရ်အေလောမ်ဒါရ်ဟေရှာယယေးအလ်မစ္စဟ်ဒါဆေးအာဘီယာသားဘူမာယာဖူဝါရ်သူအိုယိယ်အိုက်ဘို(ဘီယိုက်ဘိုး)ဟိုယိယ်ဟောန်အောရ်ဘာဒေးအာဂုံ(န်)ဂေါ်နော်ယာအေလောမ်ဒါရ်မိက္ခာယိုးအလ်မစ္စဟ်ဒါဆေးဗက်လင်ရှောရ်အောသ်အိုယိယ်ဘိုးဟိုယိယ်ဟောယေး။

အာဂုံဂေါ်နောယာအေလောမ်ဒါရ်ဟေရှာယယေးအလ်မစ္စဟ်ဒါဆေးဂါလိလဲဒိစ်တိစ်အောသ်သားကီးဘိုးဘိရှိအောရှာန်သီအောဒေးအီးသားရားရေးဘုစ်ဒီဘိုးအီးဘားယေးဇီယောလ်အောရ်ဟော်ဒီအောလ်အော်ရေးအေရီးဒီဘိုး၊အာရိုက်(မ်)မာအောလ်အာရ်နားဖါး(န်)ဂ်အောလ်၊ဘောလ်ရှောက်သီဆားရာမာနူးရှ်အောလ်အော်ရေးယိုးဇာရာဖူရာဂေါ်ရီးဘိုးဟိုယိယ်ယေး။

အာဂုံန်ဂေါ်နော်ယာအေလောမ်ဒါရ်ဟေရှာယယေးမာနူးရှ်အောလ်အေးအလ်မစ္စဟ်ရေးဟိန်ရှားဂေါ်ရီဘိုး၊နောမာနီဘိုးဟိုယိယ်ဟောယေး။အာရ်အိုအိန်နောအေလောမ်ဒါရ်အေလ်အေ၊ယိုးအလ်မစ္စဟ်ရေးဖူဝါ(န်)ဂျားအောလ်အေဘေဝေါဖါးယီးဂေါ်ရီးဘိုးဟိုယိယ်ယေး၊အာဂုံန်ဂေါနော်ယာအေလောမ်ဒါရ်ဇာရီးယိုးအလ်မစ္စလ်ရ်လိုယိယ်ဒူစ်သော်အောလ်အေးအဲန်ဒိုလ်လားဂေါ်ရီးဘောလ်လားတိ(န်)ယာ(ဖူးရှား)သီရိရှ်ရွှားဖိုက်ဘိုးဟိုယိယ်အာဂေဘားရိးဟိုယိယ်ယေး။ကိန်ဆူးအာဂုံန်ဂေါ်နော်ယာအေလောမ်ဒေါရ်အောလ်အေးးယိုးမာနူးရှ်အေးအလ်မစ္စဟ်ရေးမာရီးယောရေးဟောရ်ဆူဝေါရ်(လေဘာစ်)ရ်အိုရေရှော်ရောသ်လာဂိုက်ဘိုးဟိုယိယ်ဟောယေး။

အာဂုံန်ဂေါ်နော်အလောမ်ဒါရ်အောလ်အေးအလ်မစ္စဟ်ရေးအလ္လာဟ်သာလာယေဟောန်ဒိုလ်လာဟဲဒ်မောဒ်အဲစ်သေမာလ်ဂေါ်ရီးလူကိုယော့ရေးဘာဆိုက်ဘိုးယိုးဟိုယိယ်ယေး။ဟေရှာယယေးမာနူးရှ်အေးအလ်မစ္စလ်ရေးဆဲဖ်ဒီဘိုသေရှာရိုက်ဘိုး၊ဟိန်ရှာဂေါ်ရီးဘိုးဟိုယိယ်အာဂေဘာရီဟောယေး။အီးသားရာဒါဆေးအလ်မစ္စဟ်(ရ်)ဟော်နော်ဟော်ဆူးရီးနော်ဂေါ်ရီဘာဒေယိုးဆဲလ်၊သီရ်အောလ်လိုယိယ်ယော့ရေးဂူသိုက်ဂူသိုက်ဒုက်အောလ်ဒီဘိုး၊အာရ်ဒုက်အောလ်ဖိုက်ဘိုဟိုယိယ်အာဂေဘာရီးဟောယေး။ ဟောန်ဒိုလ်လာဟဲဒဲမောဒ်အဲစ်သေမာလ်ဂေါရီးလူကိုက်ယော့ရေးဘာဆိုက်ဘိုးယိုးဟိုယိယ်ယေး။ဟေရှာယယေးမာနူးရှ်အေးအလ်မစ္စဟ်ရေးဆဲဖ်ဒီဘိုးသေရှာရိုက်ဘိုး၊ဟိန်ရှာဂေါ်ရီးဘိုးဟိုယိယ်။အာဂေဘာရီဟောယေး။အီးသာရာဒါဆေးအလ်မစ္စဟ်(ရ်)ဟော်နော်ဟော်ဆူးရီးနောဂေါ်ရိးဘာဒေယိုးဆဲလ်၊သီရ်အောလ်လိုယိယ်ယော့ရေးဂူသိုက်ဂူသိုက်ဒုက်အောလ်ဒီဘိုး၊အာရ်ဒုက်အောလ်ဖိုက်ဘိုယိုယိယ်အာဂေဘာရီးဟောယေး။

အလ်မစ္စဟ်ဒါဆေးဂုနာဟ်(ဟားသား)ဆားရာဖါစ်ဆားဖ်ဘောလီးအာဂုံန်ဂေါ်နော်ယာအေလောမ်ဒါရ်အောလ်အေးဟိုယိယ်ယေး။မော်ဂေါရ်အလ္လာဟ်သာလာယေဘာန္ဒဟ်အောလ်အောရ်ဂုနာဟ်(ဟားသား)ရ်ဟော်ဆူးရီးရ်ဇော်ရီယာရှာရ်သီးဇော်ရဒေဒေးယာန်အောလ်လားမော်ရာဖေါ်ရီဘိုးဟောယေး။အီးဘားမော်ရီဇောန်အောရ်ဘာဒေမာနူးရှ်အောလ်အေးအလ္လာဟ်သာလာရ်လိုယိယ်ရှဲလောန်ထောရ်အိုယိယ်ဘိုး။အေးသောလ်လာဘော့လီးအလ္လာဟ်သာလာရေဟဲခ်မောသ်အဲစ်သာမာလ်ဂေါ်ရီးအလ်မစ္စဟ်ရေးလူကိုက်ပေးလိုက်ဘိုးဟိုယိယ်အာဂေဘာရီဟောယေး။

အာဂုံန်ဂေါ်နော်ယာအေလောမ်ဒါရ်အောလ်အေးအလ္လာဟ်သာလာရေးအလ်မစ္စဟ်ရေးဝါဖဲစ်ဒီဖေးရိုက်(ထ်)ဘိုးဟိုယိယ်ဟောယေး။ယာန်မော်ဇိန်အီဆာနော်ဘီရေးဟဲခ်မောသ်မော်ဇေိန်လူကိုတ်ကောန်အာရ်ဝါဖဲစ်ဒီပေးရော(ထ်)န်အောရ်မာနီအိုအဲလ်ဒေးမာနူးရှ်အောလ်အဲသ်သေဖါခ်အောန်အောရ်အလ္လာဟ်သာလာရ်ဆော်ယီရာစ်သာမော်ဇိန်ဆော်လောန်အောရ်နိုယာဝါဒါဟိုယိယ်ဟိုယိယ်ယေး။

အလ္လာဟ်သာလာယေးအာဂုံန်ဂေါ်နောယာအေလောမ်ဒါရ်အောလ်အောရေးအလ်မစ္စဟ်ရ်ဟာလောသ်ဘေရှားဘီရှိရေးဟိုယိယ်ဒါဟာဘာယေး။မော်ဂေါရ်အလ်မစ္စဟ်ဒါဆေးအေးအေလောမ်ဒါရ်အောလ်အောရ်ဇော်မာနာသ်နူအိုက်ယေး။အဲန်ဒိုလ်လာအာဂုံန်ဂေါ်နော်ယာအေလောမ်ဒါရ်အောလ်အေးအာဂုံန်ဂေါ်နီဘာဒေးဆိုက်(ရ်)ရှောသ်ဘော်ဆောရ်အာန်ဒါစ်ဘာဒေဆောယီးဝေါက်သောသ်အလ္လာဟ်သာလာယေးအလ်မစ္စဟ်ရေးအေဒူနီယာသ်ဒီပေးရိုက်(ထ်)ယေး။

A Bible story from: Genesis 3; 12; Deuteronomy 18:15; 2 Samuel 7; Psalm 16; 22; 35; 69; 41; Isaiah 7:14; 9:1-7; 61; 53; 50:6; 59:16; Jeremiah 31; Daniel 7; Micah 5:2; Zechariah 11:12-13; Malachi 4:5