၂၂.ဟာဟ်ယာရေးဘီယောန်(အိုယိယ်ယေး)
ဂူဇော်ရီဂီယိုယိယ်ဒေးဇောမာနာသ်အီးဘားရ်ဇာသီအောလ်အေးအာရ်အဲက်ဘာရ်ဟိုယိယ်ဘောလ်လားအလ္လာဟ်သာလာယေးအာဂုံန်ဂေါ်နော်ယာအေလောမ်ဒါရ်အောလ်အောရ်ရှောမ်မောန်ဒေးအလ္လာဟ်သာလာရ်ဇူဘာန်အာစ်မော်နီကီသာဗါအောလ်အောသ်ဟိုယိယ်ယေး။ယာရ်ဘာဒေအီးဘားယေးနီဇာမ်အောရ်ဆာ(န်)ဆေးဆိုက်(ရ်)ရှောသ်ဘောဆောရ်ဖေါ့န်ဘန္ဒဟ်အောလ်အော်ရေးဟောနော့ဟော်သားနောဟော။ယာရ်ဘာဒေအလ္လာဟ်သာလာယေဇောခရီယဟောဒေးအာဂုံန်ဂေါ်နောယာအေလောမ်ဒါရ်အဲက်ဇောန်အောရ်ဟာ(န်)ဆေးဖေါ်ရီချ်သောအူဂ်ဂွါးဒီပေးရိုက်(ထ်)ယေး။ဇောခရီယအာရ်အီးဘာရ်ဘီဘီအဲလိဇဘက်(သ်)အေးအလ္လာဟ်သာလာရ်အိုရေအီမာန်အာနီဘိရှ်ရှာရှ်ဂေါ်ရီအေဘာဒေါသ်ဂေါ်ရော်ယာအောလ်အိုယိယ်အိုက်(ရှ်)ရှေ့။အီးသားဘိရှိဘူရားအိုယိယ်ယေးဒေးဝေါက်သောသ်အီးဘားဒါးဆေးဟောနောဝေါက်သောသ်ဖူဝိုင်(န်)နော့ဘီယာဒေးယာန်အောလ်လားအီးဘားအုဂ်ဂွါးဘာဇားအိုယိယ်အိုက်(ရှ်)ရှိလ်။
ပေါရိချ်သာယေးဇာခရီယရေး”သူ(န်)ဝါ(န်)ရ်ဘီဘီယေးဖူဝါဘီယိုက်ဘိုး။သွိယ်(န်)အီးဘားရေးယာဟ်ယာဟိုယိယ်နာမ်ရာကီးဘာ။အလ္လာဟ်သာလာယေးအီးဘားရ်ဟာ(န်)ဆေးအလ္လာဟ်သာလာရ်ရာဟ်မောသ်အာရ်နူရ်လိုယိယ်ဖူရိုက်သားကီးဘိုး။ယာဟ်ယာယေးဒါဆေးမာနူးရှ်အောလ်အော်ရေးအလ်မစ္စဟ်ရ်အိုရေးဘိရှ်ရှာရှ်ယေကိန်ဂေါ်ရီဘောလ်လာအဲန်သေဇာမ်ဂေါ်ရော်ယာဘော့်လီးဟိုယိယ်ယေး။ဇောခရီယယေး”အိုင်(န်)အာ(န်)ရ်ဘီဘီယေးဖူဝါဘီယိုက်ဘောရ်လားဘိရှိဘူရားအိုယိယ်ဂီအီးဂိုယိယ်းသွိယိန်ဒါဆေးအာ(န်)ရေးဟာဇေဘာဇေဟောယော့ဒေဟိုယိယ်အို(င်)န်ကဲန်ဂေါ်ရီးဇာနီဇာနီဖါရီးယုံမ်ဟိုယိယ်ဝါဖဲစ်ဟိုယိယ်ယေး။
အေးပေါရိချ်သာယေးဇော်ခရီယာနော်ဘီရေးသူ(န်)ဝါးရေးအေဂေါမ်ဟော်ဘောရ်းဂါန်ဟိုယိယ်ဘော့လ်လားအလ္လာဟ်သာလာယေးအာ(န်)ရေးဒီပေးရိုက်(ထ်)ယေးဒေး။ အိုယိယ်ဂီအီးဂိုယိယ်၊သွိယိန်ဒါဆေးအာ(န်)ရေးဟာဇေဘာဇေဟောယော့ဒေဟိုယိယ်အို(င်)န်ကဲန်ဂေါ်ရီးဇာနီဇာနီဖါရိးယုံမ်ဟိုယိယ်ဝါဖဲစ်ဟိုယိယ်ယေး။ သွိယိန်အာ(န်)ရေးဘိရှ်ရှာရှ်(စ်)နော်ဂေါ့ရော့ဒေါယာန်အောရ်လားဖူဝါဘီယိုက်ဘောရ်အာဂေါရ်သူဖေါရ်ဂျောန်(သ်)ဟော်သားဟိုယိယ်နော်ပါးရီးဘားဟိုယိယ်ဟောယေး။ကသိခ်ကားလားနော်ဘီဇောခရီယာဟိုယိယ်ဇူဘာန်ဘောန်အိုယိယ်ဂီးလ်ဂိုယိယ်။ယာရ်ဘာဒေးပေါ်ရိချ်သာဇောခရီယာရ်အဲန်ဘူးနေလီဂီယိုယိယ်။နော်လီဇော်စရီယာဂေါရ်အောသ်ဝါဖဲစ်ဇိုက်ဘားဒေးအီးဘားရ်ဘီဘီ(သ်)သူ့ရှောမ်အိုယိယ်ယေး။
အေးလိဇ်ဘဲသ်ရှောမ်ဆော့မာရှ်အိုယိယ်ယေးဒေးဝေါက်သောသ်အေးပေါရီချ်သာအေးအေးလိဇ်ဘဲသ်လိုယိယ်အေဂေနာလာဂေဒေးမောရ်ယာမ်အော်ရေးအာသိခ်ကားအိုက်(ရှ်)ရှေ့။အီးဘားဒါဆေးအုဂ်ဂွါးအာဘီယာသားဟိုရှ်ရှာအိုယိယ်ယောရေးယူဆူဖ်လိုယိယ်ဘီယာဂေါ်ရီးဘောလ်လားဇူရာဂါ(န်)သားယိုဂိုယိရ်ဂျေး။အေးပေါန်ရိချ်သာယေး”သွိယိန်ဒါဆေးရှောမ်အော်လာအိုယိယ်ယော့ရေးဖူဝါအုဂ်ဂွါးဘီယိုက်ဘား။သွိယိန်ဒါဆေးရှောမ်အောလ်လာအိုယိယ်ယော့ရေးအီဆာဟိုယိယ်နာမ်ဒီယာပေါ်ရီဘိုး။အီးဘားဒါဆေးအေးဖူဝါရေးအီဆာဟိုယိယ်နာမ်ဒီယာပေါ်ရီဘိုး။အီးဘားဒါဆေးအလ္လာဟ်သာလာရ်နော်ဘီအာရ်ဘန္ဒဟ်-အီးဘားယေးအလ္လာဟ်သာလာရ်ဘန္ဒဟ်အောလ်အော်ရေးဟာမီရှားဟော်ကူမောသ်ဂေါရီးဘိုးဟိုယိယ်ယေး။
မောရ်ယာမ်အေးအိုင်(န်)အုဂ်ဂွါးအာဘီယာသာဟိုရှ်ရှာဒေယာန်အောရ်လားဟိုယိန်ဒိုလ်လာဂေါ်ရီးရှောမ်အိုယိယ်ဘိုးအာရ်ဖူဝါဘီယိုက်ဘိုးဟိုယိယ်ဖူဆာရ်ဂိုယိရ်ဂျေး။အေဝေါက်သောသ်ပေါရိချ်သာယေး”အလ္လာဟ်သာလာယေး”ဝဟီ”အဲစ်သေမာလ်ဂေါ်ရီ-ဂေါ်ရီးဘိုးဟို-ယိယ်ယေး။အလ္လာဟ်သာလာယေးသူ(န်)ဝါရေးဂီရီးလိုယိယ်ဘို။အေးသာလ်ဘော့လီးသွိယိန်ဘီယိုက်ဘားဒေးဖါက်ဆာဖ်ဖူဝါဝါးအလ္လာဟ်သာလာရ်နော်ဘီဒေးယာန်အောရ်လားဒေါန်(ရ်)အိုယိယ်ဘိုးဟိုယိယ်ဝါဖဲစ်ဘူဇိုက်ဒီယေး။အေးဝေါက်သောသ်မောရ်ယာမ်အေးပေါရိချ်သာယေးဟိုယိယ်ယေးအိန်ဘိရှ်ရှာရှ်ဂိုယိရ်ဂျေး။
အဲန်ဒိုလ်လာအော့န်အောရ်ဘာဒေးဂျောလ်ဒီဝေါက်သောရ်ဘူးသော်ရေမောရ်ယာမ်အေးအေးလိဇ်ဘဲသ်အောရ်ဟာ(န်)ဆေးဇိုက်ယော့ရေးဘေရိုက်ယေး။မောရ်ယာမ်အေအီးဘားရ်လိုယိယ်ပိုက်(ရ်)သောဒေးဝေါက်သောသ်အေလိဇ်ဘဲသ်အောရ်ဖဲတ်ရောသ်အာဆေးဒေးဖူဝါဝါးလိုယိရ်ဂျေး။အေးမာယာဖူဝါဒူနူးဝါယေးအလ္လာဟ်သာလာယေးအီးသားရာရ်လိုယိယ်ဂိုယိရ်ဂျေးမာမေလာရ်အိုလေကူရှိအိုယိယ်ယေး။မောရ်ယာမ်အေဘေရိုက်ယော့ရေးဂေါ်ရောသ်ဝါဖဲစ်အိုက်ဂီယိုယိယ်။
အဲန်ဒိုလ်လာအိုယိယ်အိုက်ဘာဒေးအေးလိဇ်ဘဲသ်အေးအီးဘားရ်ဖူဝါရေးဘီယောန်အောရ်ဘာဒေဇောခရီယာအာရ်အေးလိဇ်ဘဲသ်အေးအီးသားရာရ်ဖူဝါရေးပေါရိချ်သာယေးဇဲန်ဒိုလ်လာအာရိုက်ယေးအဲန်ဒိုလ်လားနာမ်ဒီယေး။ ယာရ်ဘာဒေးအလ္လာဟ်သာလာယေဇောခရီယာရေးဟော်သားဝါဖဲစ်ဟိုယိယ်ပါးရေးဖေါန်ဂေါ်ရီးဒီယေး။ဇောခရီယာယေအလ္လာဟ်သာလာရေအီးဘားရ်ဘားရ်ဘန္ဒဟ်အောလ်အော်ရေးမော်ဒေါသ်ဂေါ်ရီးဘောရ်လာမော်နောသ်ဂေါ်ရီးရာဟ်မောသ်(ဘောရ်ကောသ်)ဒီယေး။အာ(န်)ဖူဝါအိုယိယ်လားဒေးသွိယိန်ဒါဆေးအလ္လာဟ်သာလာရ်အုဂ်ဂွါးနော်ယာအေလောမ်ဒါရ်အိုယိယ်အိုက်ဘား။သွိယိန်မာနူးရှ်အောလ်အောရ်လားအီးသားရာရ်”ဂုနာဟ်”အောလ်အော်ရေးမာဖ်အော်ဒေးရာစ်သာရေးယိုးဟိုယိယ်ဒါဟော့ယား”အိုယိယ်အိုက်ဘားဟိုယိယ်ဟောယေး။
A Bible story from: Luke 1