၂၅.အီဆာရေးရွှိုက်တာန်အေးဝေါစ်ဝါစာဂေါ်ရောန်
အီဆာယေးဂူဆောလ်ဂေါ်ရီးဘာဒေးအောဟောန်သောသ်ရာသူရီအလ္လာဟ်သာလာရ်ဝဟီရု”ယေးအီးဘားရေးအီဇီဘီဇီမူရာရ်ဘူးသော်ရေးမာသိုက်လိုယိယ်ဂီယိုယိယ်။အီဆာယေးအေးဇာဂါသ်ဆာလိရှ်ဒိန်သိုက်ကီးလ်။အေးဝေါက်သောသ်အီးဘားယေးရိုဇာယိုးရာကဲရ်ကိန်သူရွှိုက်တာန်အေးအီဆာရေးဂိနာဟ်ဂေါ်ရီးဘောရ်လားမော်မ်နာ(ဘောရ်(ထ်)ကိုက်)ဂေါ်ရီးဘောရ်လားအိုက်(ရှ်)ရှေ့။
ဖိုအဲလ်ရ်ရှုရုသ်ရွှိုက်တာန်အေးအီဆာရေး”သွိယိန်အလ္လာဟ်သာလာရ်နော်ဘီအိုယိယ်လေးအေရှိလ်အောရ်ဒေါ်လာအောလ်အော်ရေး”ရုထီ”ဘာနိုက်ယော့ရေးဟိုက်ပေးလောဟိုက်ယိယ်ဟောယေး။
မော်ဂေါရ်အီဆာယေးရွှိုက်တာန်အော်ရေး”မာနူရှ်အောလ်အော်ရေးဟာနာဖီးနားလိုယိယ်အိင်ဇောသ်ဇာ ဂိုယိယ်ဖေါန်ဂေါ်ရေးဒေးနောယိယ်၊အလ္လာဟ်သာလာယေးဟော်ကူဖ်ဒီရိုက်ကေးဒေးအာစ်မော်နီကီသာဖ်လိုယိယ်ယော့ရေးယိုးအိုဇ်ဇောသ်ဇာဂိုယိယ်ဖေါန်ဂေါ်ရီးနော်ဖေါးရီးဘိုးဟိုယိယ်အာစ်မော်နီကီသာဗ်အောသ်အိုက်(ရှ်)ရှေ့လေကားအာဆေး”ဟိုယိယ်ဟိုယိယ်ဒါဟိုက်ယေး။
ယာရ်ဘာဒေးရွှိုက်တာန်အေးအီဆာရေးအေဘာဒေါသ်ဟာနာရ်သူလိလိသ်မာသိုက်ယော့ရေး”သွိယိန်အလ္လာဟ်သာလာရ်နော်ဘီအိုယိယ်လေးမေထီ(ရ်)မာဇေးဖါးလ်မာရီးလာမော။ကီလောလ်လားဘော့လီဟိုယိယ်လေ့အလ္လာဟ်သာသာရ်ပေါရိချ်သာအောလ်အေးသူ(န်)ဝါး(ရ်)ထဲန်(ဂ်)အော်ရေးရှိလ်လိုယိယ်နော်ဗာဇောဖေါန်”ရုကီ”ဘိုးဟိုယိယ်လေကီးရိုက်ကေးဒေးယာန်ဟိုယိယ်ဟိုယိယ်ဒါဟိုက်ယေး။
မော်ဂေါရ်အီဆာယေးရွှိုက်တာန်အေးအာရိုက်ယေးဒေးမော်ဇိန်နော်ဂေါ်ရီးယော့ရေး”အလ္လာဟ်သာလာသူ(န်)ဝါးရာရ်ဂီရောစ်ဒေးယာန်အောရ်လာအလ္လာဟ်သာလာရေး”ထဲစ်”နော်ဂေါရ်ဂျော့”ဟိုယိယ်မာနူးရှ်အောလ်အော်ရေးဟော်ကူမ်ဒီယေးဟိုယိယ်-ဟိုယိယ်ဒါဟိုက်ယေး။
ယာရ်ဘာဒေးရွှိုက်တာန်အေးဒူနီယိုက်(သ်)အာဆေးဒေးဒဲချ်အောလ်ဘိဂ်ဂိန်အောရေးအီဆာရေးဒါဟိုက်ယေး။ ရွှိုက်တာန်အေးအီဆာရေးအေးဒဲချ်အောလ်ဟောန်ဒိုလ်လာဘောလ်အော်လာအာရ်သူဝါန်ဂေါရ်အိုးဒါဟိုက်ယေး။ရွှိုက်တာန်အေးအီဆာရေး”သွိယိန်အာ(န်)ရေးအေဘာဒေါသ်(စဂျီဒ္ဒဟ်)ဂိုယိရ်လေ့အိန်ဘိဂ်ဂိန်သူ(န်)ဝါးရေးအိုင်(န်)ဒီယုံမ်”ဟိုယိယ်ယေး။
အီဆာယေး”ရွှိုက်တာန်အာ(န်)ရ်သူဒူရေးဇာဂိုယိယ်၊သောရ်အလ္လာဟ်(ရ်)အေဘာဒေါသ်အော်ရေးဂေါ်ရဖေါ်ရီးဘိုးဒေး။အလ္လာဟ်သာလာရ်”သာရိဖ်”ဂေါရ်၊အလ္လာဟ်သာလာရ်အာစ်မော်နီကီသာဖ်အောသ်မာနူးရှ်အောလ်အော်ရေးဟော်ကူမ်ဒီယေးဟိုယိယ်ဟောယေး။
ရွှိုက်တာန်အေးအီဆာရေးဘောရ်(ထ်)ကိုက်မောမ်နိုက်နောဖါးရောန်အောရ်ဇော်ရီယာဒူရေးနေလီဂီယိုယိယ်။ယာရ်ဘာဒေးပေါရိချ်သာအောလ်အိုက်ယော့ရေးအီဆာရေးဟဲဒ်မောဒ်ဂိုယိရ်ဂျေး။
A Bible story from: Matthew 4:1-11; Mark 1:12-13; Luke 4:1-13