၃၈.အီဆာဒူကားဖေါန်

အစ္စရေး(လ်)ဇာသီအောလ်အေးပါသိယာရ်ဒိန်အော်ရေးဖေါရ်သီဘောဆောရ်ဘာနာအာရ်ဂေါ်ရေး။အေပါသိယာရေးဘာနောန်အောရ်မာနီအိုယိလ်ဒေးအီးသားရာရ်ဘာဖ်၊ဒါဒါအောလ်အော်ရေးယာရ်အာဂေါ်ရ်ဂူဇော်ရီဂီယိယ်ဒေးရှောသ်အာရှောသ်အီဆာဂေအီဂျစ်(ဖ်)အောရ်ဂုလာမိရ်သူဘာဆီဘောရ်လားရာစ်သာဒါဟိုက်(လ်)ဒေးအလ္လာဟ်သာလာရ်ရှုကူရီယာအီဆိုက်(ဖ်)ဖါးဂေါ်ရေးဒေး။နော်ဘီအီဆာယေးမာနူးရှ်အောလ်အော်ရေးဘိုးယိယ်ယာန်ရှုရုဂေါ်ရီးသိန်ဘောဆော့ရ်အာနီက်ဘာဒေးအီးဘားယေးဂျေရုဆာလာမ်အောရ်ဆွာဟာဘာအောလ်အော်ရ်ဖူ(န်)ဝါး(န်)သီအေးပါသိယာရေအဲက်ကူဖွားန်သီးဂိုယိရ်ဂျီးလ်၊ အေးပါသီယာသ်အိုက်(ရှ်)ရှိလ်ဒေးအဲက်ဇောန်အေအီးဘားရေးမာရီဘိုးဒေးယာန်အော်ရေးအာဂေဘာရီးဟိုယ်ယေး။

အီဆာနော်ဘီရ်သူယဟူးဒါဖိုဟောဒေးဆွာဟာဘားအုဂ်ဂွါးအိုက်(ရ်)ရှိလ်။ယဟူးဒါးယေးအာရ်အိုယိန်နော်ဆွာဟာဘားအောလ်အောရ်ထိ(န်)ယာဖူရှားအောလ်ဇောမာရာကော်ယာအိုက်(ရှ်)ရှိလ်အာက်ဆောရ်(ဘဲရှ်ဟိစ်ဆား)အေးထိ(န်)ယာဖူရှားအောလ်အောရ်ဘူးသောရ်သူ့ထိ(န်)ဖူရှားအောလ်ဆူရ်ဂေါ်ရီးအဲစ်သေမာလ်ဂိုယိရ်သိုး။အီဆာအာရ်အီးဘးရ်ဖီဆားလီး(အုမ်မောသ်)အောလ်ဂျေရုဆာလာမ်အောသ်ဖိုအဲန်ရှေ့ဒေးဝေါက်သောသ်ယဟူးဒါး(ဂျူး)အီးသေးအစ္စရေး(လ်)အောရ်မူရောဘ်ဘီ(လီဒါရ်အောလ်ယိုယိယ်)ဇိုက်ယော့ရေးဒေါ်လာအိုးယိယ်သိုး။ယာရ်ဘာဒေအီဆာနော်ဘီရ်လိုယိယ်ဝါဒါဟေလာဖ်ဂေါ်ရီးအီးသားရာရ်သူထိ(န်)ယာဖူရှားအောလ်လိုယိယ်ယော့ရေးအီဆာနော်ဘီရေးဒါဟိုက်ဒီဘောရ်လားဟူဝါဟိုယိယ်ဂိုယိရ်လိုး။ယာရ်ဘာဒေးအီးသေးအစ္စရေး(လ်)အောရ်မူရောဘ်ဘီ(လီဒါရ်အောလ်)အေးအီဆာရေးအလ်မစ္စဟ်ဟိုယိယ်နော်ဂေါ်ဆီးဘာဒေးဂျနေမာရီသိုးမော်နေဟောရ်ဒေးယာန်အော်ရေးယိုးဇာနီးသိုး။

ဒေါရ်မောရ်ဒေါန်(ရ်)အုစ်သာသ်အောလ်အေးမူရောဘ်ဘီယာနာဂေါ်ရီးယော့ရေးအစ္စရေး(လ်)အောရ်လီဒါရ်-မူရောဘ်ဘီအောလ်အေးယဟူးဒါး(ဂျူး)ရေးဒီနာရ်သီရိရှ်ရွှာဒီယော့ရေးအာရိုက်လိုး။အေးမာလာအောလ်အော်ရေးအာဂေါရ်နော်ဘီအောလ်အောရ်ဟူဝါးမော်ဇိန်အိုယိယ်အိုက်လိုး။ယဟူးဒါး(ဂျူး)ယေးအေးမာလာယာန်အောရ်လာထိ(န်)ယာဖူရှား(ဖေရှော်ဂီ)ရေးကော်ဘူလ်ဂိုဂေါ်ရီ-ဂေါ်ဆီးလိုယိယ်ဘာဒေးနေလီအိုက်ဂီယိုးယိယ် ယာရ်ဘာဒေအီဆာနော်ဘီရေးဒေါ်ရီးဒီဘောရ်ဟော်နော်ဆာဂေါမ်-ဘာလာမိုကာလိုယိယ်ဆိုယိန်ဂေါ်ရီးလို့း။

အီဆာနော်ဘီရ်ဂျေရုဆာလာမ်အောသ်အာဆေးဒေးဆွာဟာဘာအောလ်အောရ်ဖွားန်သီးပါသိယာဂိုရီလိုး။ပါသိယာရ်ဒိန်အောရ်ဘီယာလောရ်ဟာနာရ်သ်နော်ဘီဆွာဟဲဘ်အေးရုထီအုဂ်ဂွါးလိုယိယ်ယော့ရေးဆီးရီယော့‌ရေး”အေရုထီလောအာရ်ဟော။အေရုထီဒါဆေးသူ(န်)ဝါး(န်)ရာဟာ(န်)ဆေးဒိန်ဖေါ့န်ဆေးးဖေါ့န်အာရ်ဒိန်လောသ်ဖိုက်ဘောရ်လာအိုင်(န်)ဒီယီးဒေးအာရ်ကုရ်ဘာနီ။သူ(န်)ဝါး(န်)ရားအာ(န်)ရေးဟာမီရှားယာသ်ဂေါ်ရီဂေါ်ရီအဲန်ဒိုလ်လာဆုန်နောသ်အီဆိုက်ဖားဂျာရီသားကီးဘောရ်လာဂေါ်ရီးဘား”ဟိုယိယ်ဟော်ကူမ်ဒီယေး။အဲန်ဒိုလ်လာမော်ဇိန်နော်ဘီဆွာဟဲဘ်အောရ်အိဇ်ဇောသ်ရှောမ်မာန်ဒိန်လောသ်ဖိုက်ဘောရ်လာအာရ်ဂျာန်မာလ်အောရ်ကုရ်ဘာနီအောလ်ဂေါ်ရီးဇိုက်ယုမ်ဒေးယာန်အော်ရေးအီးဘားယေးဟိုယိယ်ယေး။

ယာရ်ဘာဒေးအီဆာနော်ဘီယေးမိုဒူအဲက်ဂိုလိုယိရှ်ဒေါ်ရီးယော့ရေးဘာဒေးအေဒိုရေးဟော(ဖီယော)။အေမိုဒူဒါဆေးသူ(န်)ဝါးရာရ်ဂုနာဟ်-ဟားသားအောလ်အလ္လာဟ်သာလာမာဖ်ဂေါ်ရီးဒေဖေါ့န်အာ(န်)ရ်ဆုန်နောသ်အီးဆိုက်ဖ်ဖါးဂေါ်ရီးဘားဒေးဘာဒေအလ္လာဟ်သာလာရ်လိုယိယ်အဲက်ကားန်ဒိုယာဝါဒါယိုး။အာ(န်)ရ်မောနောသ်ဂေါ်ရာရ်ဖွာန့်သီးအဲန်ဒိုလ်လာဂိုယိရ်ဂျော”ဟိုယိယ်အီးဘားယေးဟိုယိယ်ယေး။

ယာရ်ဘာဒေးအီဆာနော်ဘီယေးအီးဘားရ်ဆွာဟာဘာအောလ်အော်ရေး”သူ(န်)ဝါးရာရ်ဘူးသောရေးအဲက်ဇောန်အာ(န်)ရ်လိုယိယ်ဝါဒါဟေလာဖ်ဂေါ်ရီ”ဒူကာဒီဘာဟိုယိယ်ဟိုယိယ်ယေးရာအီးဘားရ်ဆွာဟာဘာအောလ်ဘိရှိသာဂျုဘ်အိုယိယ်ဇိုက်ဘာဒေးအဲန်ဒိုလ်လာဟာမ်ဂေါ်ရီးဘိုးဒေးအီးဘားဟောန်နွဟိုယိယ်ဟောယေး။အီဆာနော်ဘီယေး”အိုင်(န်)အေရုထီရေးဒီယီးဒေးအီးသေးဝါဒါဟေလာဖ်ဂေါ်ရီဒူကာဒိူယာ”ဟိုယိယ်အီးဘားယေးဟိုးယိယ်ယေး။ယာရ်ဘာဒေးနော်ဘီဆွာဟဲဗ်အေးရုထီရေးယဟူးဒါး(ဂျူး)ရေးဒီပေးလိုက်ယေး။

ယဟူးဒါ(ဂျူး)ယေးရုထီရေးလိုယိယ်ဘားဒေးရွှိုက်တာန်အီးသားရ်ဘူးသောရေးဂေါ်လီးဂီယိုးယိယ်။ယာရ်ဘာဒေယဟူးဒါး(ဂျူး)နေလီဇိုက်ယော့ရေးအစ္စရေးလ်ဒေါ(န်)ရ်လီဒါရ်-မူရောဘ်ဘီအောလ်အော်ရေးအီဆာနော်ဘီရေးဒေါ်ရီဘာ(န်)ဒီးဖါရေးဖေါ့န်ဇိုက်ယော့ရေးမော်ဒေါသ်ဂိုယိရ်လိုး။အေးဝေါက်သောသ်ရိုက်(သ်)အောရ်နီရှိရ်ထိုင်(မ်)ဝေါက်သော့အိုက်(ရှ်)ရှိလ်။

ဘီယာလောရ်ဟာနာဟိုက်ဘာဒေးအီဆာအာရ်အီးဘာအာရ်အီးဘားရ်ဆွာဟာဘားအောလ်ဇိုက်သုံမ်မူရာရ်အိုရေအူထ်ထိုးယိယ်။အီဆာနော်ဘီယေးပါက်ကာလာမ်ကီသာမ်အောသ်”ဆောရောယာ-ဆောန်လောယာ”ရေးမိုက်(ရ်)ဖိထ်ဂေါ်ရောန်အောရ်ဇော်ရီယာဆောလ်အော်ဆာရ်ဟာရ်နာဟာရ်အိုယိယ်ဇိုက်ဘိုးယိယ်”ဟိုယိယ်လေကီးရိုက်ကေးမော်ဇိန်သူ(န်)ဝါ(န်)ရားအာ(န်)ရေးအာဂျ်ဂျားရိုက်သ်သာလောပေးလိုက်ဇိုက်ဘာဂိုယိယ်ဟိုးယိယ်အီးဘားယေးဟိုးယိယ်ယေး။

ပီထာရ်အေ”အောန်အော်ရေအိုအိန်နောဇောန်အေပေးလိုက်ဇိုက်လေးဂိုယိုးဆွာဟာအောလ်အေးပေးလိုက်နော်ဇိုက်ဘိုး”ဟိုယိယ်ဝါဖဲစ်ဟိုယိယ်ဒါဟားယေး။ယာရ်ဘာဒေးအီဆာနော်ဘီယေးပီထာရ်အော်ရေး”ရွှိူက်တာန်အေးသူ(န်)ဝါး(န်)ရာဘုဂ်ဂုံန်အော်ရေးနဲက်ကာရ်အာရ်ဇူအောလ်ဒါဟိုက်ဘိုး။မော်ဂေါ်ရ်သူ(န်)ဝါးရ်အိုရေအာဆေးဒေးယေကိန်ဘိရှ်ရှာရှ်စ်ဘောရ်ဘာဒ်နော်ဇာဖေါ့န်ဒူအာဂေါ်ရီးရ်။လေးကိန်(င်)အိုင်(ရ်)ဂျာရိုက်(သ်)သာကူရားဘာဂ်ဒီဘောရ်အာဂေအီးဘားယေးဟိုယိယ်ဘိုးကီယောလ်လာဘော့လီးဟိုယိယ်လေးသွိယွိန်အာ(န်)ရေးနော်ဆီနော။

ယာရ်ဘာဒေးပီထာရ်အေအီဆာရေး”ဆွာဟာဘား”အောလ်မော်ရာဖိုရီလေးယိုးသူ(န်)ဝါး(န်)ရေးဖိစ်နော်ဒီယုံမ်”ဟိုယိယ်ဝါဖဲစ်ဟိုယိယ်ယေး။အာရ်အိုယိန်နော်ဆွာဟာဘာအောလ်အေယိုးအဲန်ဒိုလ်လာဟိုယိယ်ယေး။

ယာရ်ဘာဒေအီဆာယေးအီဘားရ်ဆွာဟာဘားအောလ်အော်ရေး”Gethsemane-ဂေအိသ်(စ်)မိင်(န်)အေလာကာရ်အူဇူမာသိုက်လိုယိယ်ဇိုက်ရွှိုက်တာန်အောရ်ဘောထ်(ရ်)ကာနီမောမ်နိုက်သူဘာဆီဖါရေးဖေါန်ဒူအာဂိုယိရ်ဂျေး။ယာရ် ဘာဒေအီဆာနော်ဘီယိုးအလ္လာဟ်သာလာရ်ဟာ(န်)ဆေးဒူအာမာဂီဘောရ်လားအေကာလာနေလီဂီယိုးယိယ်။

ယာရ်ဘာဒေးအီဆာယေး”အိုအလ္လာဟ်ဇော်ဒီဖါရီလေ-အာရှာသာကီလေးရော်ဆူးလ်အော်ရေအေသောကော်လိဖ်ဖီအီသိုးနောရ်ဒေါ်။ဇော်ဒီမာနူးရှ်အောလ်အောလ်အောရ်ဂုနာဟ်မာဖ်အိုယိယ်ဘောရ်အာရ်အိုယိန်နောရာစ်သာ(သရီကာ)နော်သားကီးလေးအလ္လာဟ်သာလာရ်မောန်အောရ်အိစ်(ရှ်)(ရှားမော်ဇိန်ဂေါ်ရောဟိုးယိယ်သိန်ဘာရ်ဒူအာဂို ယိရ်ဂျီလ်။ ရော်ဆူးလ်အောရ်ဂါမ်အောရ်ဖူးထားရားအောလ်လိုအောရ်ဖူ(ထာ)ရ်ဒိူယိလ်ဖေါ်ရီဇာရ်ဂိုယိယ်၊အာရ်ဘိရှိအော်ရှာန်သီအိုယိယ်ဂီယိုးယိယ်။အလ္လာဟ်သာလာယေအီဆာရော်ဆူးလ်အော်ရေးသော်စောလ်လီဒီဘောရ်လားဖေါ်ရိချ်သာအောလ်ဒီပေးရိုက်(ထ်)ယေး။

အီဆာရော်ဆူးလ်အေးအဲက်ဘာရ်ဒူအာဂေါ်ရောန်အောရ်ဘာဒေးအီးဘားရ်ဆွာဟာဘာအောလ်အောရ်ဟာ(န်)ဆေးဝါဖဲစ်ဇိုက်သို။မော်ဂေါရ်ဆွာဟာဘာအောလ်ဂုမောသ်ဖေါ်ရီဂီလ်ဂိုးယိယ်။ယာရ်ဘာဒေးရော်ဆူးလ်အေးအူရော(ထာ)အာ(န်)ရ်လိုယိယ်ဝါဒါဟဲလာဖ်ဂေါ်ရော်ယာ-မူနာဖဲက်-ဒူကားဘာစ်အေဇာဂါသ်”ဖိုက်အဲန်(ချ်)ရှေ့ဟိုယိယ်ဟုဝါရ်ရှုရုဂိုယိရ်ဂျေး။

ယဟူးဒါး(ဂျူး)အီဆာနော်ဘီရ်ဟာ(န်)ဆေးအစ္စရေး(လ်)ဆေးအစ္စရေး(လ်)မူရောဘ်ဘီအောလ်မေလီတ်ထီရီးအောလ်ဘာဒေဒေါန်(ရ်)မာနူးရှ်အောလ်အိုးမာသိုက်အိုက်(ရ်)နဲ့။အီးသားရာဂေါ်အောလ်၊အာရ်ဂါစ်အောရ်လာထီ(ရီ)အောလ်အိုးအာသ်အောသ်အာဆေး။ယဟူးဒါး(ဂျူး)အိဆာနော်ဘီရ်ဟာ(န်)ဆေးအိုက်ယောရေး” ဟူဇုရ်စလာမ်အာလိုက်ကွမ်-မူဘာရဲစ်အိုက်”ဟိုယိယ်ယော့ရေးရှုမ်မာဒီလိုး”အီးသေးအဲန်ဒိုလ်လာဂေါ်ရောန်မာနီယဟူးဒါ(ဂျူး)ဇာသီရ်လီဒါရ်(မူရောဘ်ဘီ)အောလ်အေးသူ(န်)ဝါး(န်)ရာသ်သူဒေါ်ရီးဘာ(န်)ဒါဖေါ်ရီးဘိုးဒေအီးဘားအိုယိလ်ဒေးအူဘားဝါးဟိုးယိယ်အီရှားရားဂိုယိရ်ဂျေး။

မေလီတ်ထီးရီးအောလ်အေးအီဆာရေးဂေါ်လီးယော့ရေးဒေါရ်ဒ်ဒေးဝေါက်သောသ်ပီထာရ်အေဒေါရ်မောရ်လိုယိယ်သာလ်လူက်ရားကေးဒေးအုစ်သာသ်အုဂ်ဂွါးရ်ဂုလာမ်-ဟာဒဲမ်-အော်‌ရေးဒေါ်လိုယိယ်ဟာရီ(ထီ)ယော့ရေးဆီရီးပေးလိုက်ယေး။မော်ဂေါရ်အီဆာယေး”ပီထာရ်”ဒေါ်ပေးလိုက်ဒေး၊အာ(န်)ရေးအော်ဟောန်ဆီရီးဖ်ဘာဆိုက်ဘောရ်လားအာန်(ရ်)ဂီရောစ်-မာဘူသ်အောရ်မေလီတ်ထီးရီး(ဖိူးဂျ်)ပေါ်ရိချ်သာအောလ်အေးအော(န်)ဆီးပါးရီးဘိုးဒေး။မော်ဂေါရ်အလ္လာဟ်သာလာရ်ဟောသားရေးမာနာဖေါ်ရီးဘိုးဟိုယိယ်အီးဘားယေးဟော်ကူမ်ဒီယေး။ယာရ်ဘာဒေးအီဆာနော်ယေးအေးမာနူးရှ်အီးသားရ်ဟာန်အော်ရေးအာဂေါရ်ဒိုယိလ်ဂေါမ်ဂေါ်ရီဒီယေး။ယာရ်ဘာဒေးဆွာဟာဘားအောလ်ဘုဂ်ဂုံန်ဒူရေးဒိုက်ဂီယိုးယိယ်။

A Bible story from: Matthew 26:14-56; Mark 14:10-50; Luke 22:1-53; John 12:6; 18:1-11