၂၈. အုဂ်ဂွါးဒေါန်ဒိူလောသ်ဘဲရှ်အာဆေးဒေးရှော(န်)ရောအူဇိရ်
အဲက်ဒိန်ရှော(န်)ရော်အိုယိယ်ဘာဒေးယိုးသူဝါ(န်)ဂေါ်ရ်အူဇိရ်အဲက်ဇောန်အေအီဆာရ်ဟာ(န်)ဆေးအိုက် ယော့ရေး”ဂေါ်မ်အူစ်သာသ်၊အိုင်(န်)အိဇ်ဇောသ်အာရ်ဟာမီရှားဖါးနားဒိုယိယ်ဘိုးဒေးဂျန္နသ်အော်ရေးဖိုက်ဘောရ်လားကဲန်ဂေါ်ရားဖေါ်ရီးဘိုးဟိုယိယ်”ဖူဆားရ်ဂိုယိရ်ဂျေး။အီဆာယေးအီးသားရေး”သွိယိန်အာ(န်)ရေးကီယောလ်လားဂေါမ်အူစ်သာသ်ဟိုယိယ်မာသိုက်ယောစ်။ဒိန်အာရ်ဒူနီယိုက်(ရ်)မာဇေးဂေါမ်အဲက်ဇောန်အာဆေးဒေးယာန်အောလ်လားအီးဘားအိုယိလ်ဒေးအလ္လာဟ်သာလာ။မော်ဂေါရ်သွိယိန်အိဇ်ဇောသ်အာရ်ဖါနာနိုယိယ်ဘိုးဒေးဟာမီရှားရ်ဂျန္နသ်ဖိုက်သိုမောနေဟိုယိယ်လေးအလ္လာဟ်သာလာရ်ကာနူံန်(ဟော်ကူမ်)အောလ်အော်ရေးမာာဖေါ်ရီဘိုး”ဟိုယိယ်ဝါဖ်စ်ဟော်ကူမ်ဒီယေး။
“ဟော်နော့ဟော်ကူမ်_ကာနူံန်၊ရှရီယတ်)အောလ်အော်ရေးအာန်(ရ်)သူမာနာဖေါ်ရီဘိုး”ဟိုယိယ်အီးဘားယေးဝါဖဲစ်ဖူဆာရ်ဂိုယိရ်ဂျေး။အေးဝေါက်ဟောသ်အီဆာယေး”မာနူးရှ်အောလ်အိဇ်ဇောသ်ဖေါ်ရေဖေါန်နော်ဂေါ်ရီးဘား၊မာန်ရှောရ်ဂေါ်ရ်ဘာရီရ်အူဇူလာလောစ်နော်ဂေါ်ရီးဘား၊မာန်ရှောရ်ဒိူလောသ်ဆူရီနော်ဂေါ်ရီးဘား၊မီဆားဟောသားနော်ဟိုယိယ်ဘား၊ဘာဖ်မာဒူနီဇောန်အောရ်အိဇ်ဇောသ်ဂေါ်ရီးဘားသူ(န်)ဝါရ်အာသေရာဖ်(ဒဲဏ်ဂေါရ်ဂျားဘာန်ဂေါရ်ဂျား)အောလ်အော်ရေးယိုနီဇောရေးနီဇေးအာဒေါရ်ဂေါ်ရောဒေးအဲန်ဒိုလ်လားအာဒေါရ်ဂေါ်ရားဖေါ်ရီဘိုးဟိုယိယ်ဝေါဖဲစ်ဟော်ကူမ်ဒီယေး။
မော်ဂေါ်ရ်အေးဂူရာဖူဝါယေး”အိုက်(င်)ဒါဆေးအေးကာနူံန်-ဟော်ကူမ်(ရှရီယောတ်)အောလ်အော်ရေးဂူ ရာသိုက်ယေးလော့သားမာနီမာနီအိုက်ယိရ်ဒေး။အာ(န်)ရ်သူ့အိဇ်ဇောသ်အာရ်ဂျန္နသ်ဖိုက်ဘောရ်လားအာရ်အိုယိန်နော်ကီကီအာမောလ်အောလ်ဂေါ်ရားဖေါ်ရီဘိုးဟိုယိယ်ဝါဖဲစ်ဒေါရ်ဟစ်ဂိုယိရ်ဂျေး။အေးဝေါက်သောသ်အီဆာယေးအေးမာနူးရှ်ရွှာရေးဆိုက်ယော့ရေးအာဒေါရ်မူဟာတ်ဘောသ်ဂေါ်ရီးလိုး။
အီဆာယေး”ဇော်ဒိသွိယိန်သူ(န်)ဝါးရေးကာမဲလ်-ဖူရာဖူရီဘာနိုက်သိုးမော်နေဟိုယ်လေးသူ(န်)ဝါးရ်သူး အာဆေးဒေါန်းဒိူလောသ်အောလ်ဘိဂ်ဂိန်ဘေဆီယော့ရေးဂေါ်ရိဖ်ဂူရုဘာအောလ်အော်ရေးဒီပေးလော့ဘာဒေးအာ(န်)ရ်ဖီဆာလီဂုရာဖီရာဖေါ်ရော့။အဲန်ဒိုလ်လာဂိုယိရ်လေးသွိယိန်ဂျန္နသ်အောသ်အောရ်မာဇေ၊ယိုးဒေါန်ဒိူလောသ်ဝေါ်လာအိုယိယ်ဘား”ဟိုယိယ်ဂျူဝါဘ်ဒီယေး။
အေးဂုရာဖူဝါယေးအီဆာယေးဟိုယိယ်ယေးဒေးယာန်ဖူန်နောဒေးဝေါက်သောသ်ဘိရှိအော်ရှာန်သီအိုယိယ်ဂီယိုယိယ်။ကီယောလ်လားဘောလီးဟိုယိယ်လေအီးသေးဘိရှိအုဂ်ဂွါးသူဝါန်ဂေါရ်အိုယိယ်ယော့ရေးအီးသားရ်သူးအာဆေးဒေးဒေါန်ဒိူလောသ်အောလ်အော်ရေးအာရ်အိုယိန်နော်ဇောန်အော်ရေးဒီသိုမော်နေနော်ဟောန်အောရ်ဇော်ရီယော၊အီးသေးအီဆာရ်သူ့မူက်ဖီးရိုက်ပေးလိုက်ယေး။
ယာရ်ဘာဒေးအီဆာယေးအီးဘားရ်ဆွာဟာဘားအောလ်အော်ရေးအဲန်ဟိုယိယ်ယေးသူဝါန်ဂေါရ်အောလ်ဂျန္နသ်အောသ်ဇိုက်သိုဘိရှိဒုက်အိုယိယ်ဘိုး။အု(န်)ထ်အုဂ်ဂွါးယေးဖူးရှ်အောရ်နာဖါးရ်သာဂါလေးသာဂါဂေါ်ယ်လီဘောရ်လားအာဆာန်အိုယိယ်လေယိုးသူဝါန်ဂေါရ်အောလ်ဂျန္နသ်အောသ်ဂိုယိယ်သေးဘိုရှိသောကော်လိဖ်”ဟိုယိယ်နော်ဆီးယောသ်ဂိုယိရ်ဂျေး။
အီဆာအေးဆွာဟာဘားအောလ်အော်ရေးအေးဟော်သားဟိုယိယ်ယေးဒေးဝေါက်သောသ်ဘီရှိသာဂျုဖ်အိုယိယ်ယော့ရေးဒေါ်ရိုက်ဇိုက်ယော့ရေး”အဲန်ဒိုလ်လာအိုယိယ်လေးအလ္လာဟ်သာလာယေးဟောန်ဒိုလ်လာမာန်ရှော့ရေးအလ္လာဟ်သာလာဘာဆိုက်ဘိုးဒေး”ဟိုယိယ်ဖူဆားရ်ဂိုယိရ်ဂျေး။
အီဆာယေးဆွာဟာသာအောလ်အော်ရေးဆိုက်ယော့ရေး”မာနူးရ်အောလ်အေးနီဇော်ရေးနီဇေဘာဆိုက်နော်ဖါရီးလေ့ယိုးအလ္လာဟ်သာလာယေးဘိဂ်ဂိန်အော်ရေးဂေါ်ရီးဖါရေ”ဟိုယိယ်ဟောယေး။
ပီထာရ်အီဆာရ်”ဆွာဟာဘာဘိူနီဘာဒေးအာန်ရာဘိဂ်ဂိန်ကုရ်ဘာနိဂေါ်ရီအီဆာရ်ဖီဆားလီဂီယီးဒေး။အာန်ရာဟောန်ဒိုလ်လာလာဖ်အောလ်ဖိုက်ယုမ်”ဟိုယိယ်ဖူဆားရ်ဂိုယိရ်ဂျေး။
အီဆာယေး”အာန်(ရ်)လားအာရ်အလ္လာဟ်သာလာရ်လားဘော့လီးဂေါရ်ဘာရီ၊ဇာဂါဇော်ဘိန်၊ဘာဖ်မားဘိုက်ဘရာဒါရ်၊ဖူဝိုင်(န်)ဆူးဝိုင်(န်)ပေးလိုက်ယေးဒေးအိုန်အောလ်အောသ်သွားရိုးအဲက်ရှောသ်ဂုံန်နာဘောရှ်ရှိရှ်အောလ်ဖိုက်ဘားဒေးဘာဒေအာဘာဒုလ်အာဘာဖါနာနိုယိယ်ဘိုးဒေးဂျန္နသ်အောရ်အိဇ်ဇောသ်အော်ရေးယိုးဖိုက်ဘာ။မော်ဂေါ်ရ်အော်ဟောန်ဘီရှိဟာဇောသ်ဂေါ်လ်ဒ်ဒေးအီးသားရားဘေဟာဇောရ်အိုယိယ်ဇိုက်ဘိုယိယ်၊အော်ဟောဇောသ်နော်ဂေါ်လ်ဒ်ဒေးအီးသားရားဟာဇောသ်ဂေါ်လီးအိုက်ဇိုက်ဘိုးယိယ်”ဟိုယိယ်ဝါဖဲစ်ဟိုယိယ်ယေး။
A Bible story from: Matthew 19:16-30; Mark 10:17-31; Luke 18:18-30