၄၆. အီဆာရ်ဖီဆာလီအုမ်မောသ်ဘော်နီအိုက်ရှ်ရှေ့ saul- ရှောလု
အီဆာရေးယေကိန်-င်ဘိရှ်ရှာရှ်စ်နော်ဂေါ့ရေးဒေးရှောလု- saul- ဟော်ဒေးဂုရာမာနူးရှ်အုဂ်ဂွါးအိုက်(ရ်)ရှိလ်။အီးသေးဂုရာသိုက်သေးအဲစ်တီဖန်အော်ရေးမိုက်(ရ်)ဂျေးဒေးအီးသားရာရ်ဟောရ်ဆူဂေါရ်အောရ်ဇော်မာဒါရီးဂိုယိရ်ဂျီလ်။ယာရ်ဘာဒေးအီးသေးယိုးကိန်-င်ဘိရှ်ရှာရှ်စ်ဂေါ်ရော်ယာအောလ်အော်ရေးဇူလုမ်ဂိုယိရ်ဂျေး။အီးသေးဂျေရုဆာလာမ်အောရ်မာယာဖူဝိုင်(န်)မိုရောသ်ဖူဝိုင်(န်)အောလ်အော်ရေးဂေါ်ရ်ဟိုင်(န်)ဒေါ်ရီးယော့ရေးဇီယောလ်အောသ်ဒီယောရေးဘောန်ဂေါ်ရီးရိုက်ကီးလ်။ယာရ်ဘာဒေးဒေါရ်မောရ်ဘာဘောသေးဒေါန်(ရ်)အုစ်သာသ်အေ saul ရှောလုရေး Damascus-ဒမာစ်ကဲစ်ရှောရ်အောသ်ဒီပေးရိုက်(ထ်)ယော့ရေးအီဆာရေးယေကိန်-င်ဘိရှ်ရှာရှ်စ်ဂေါ်ရော်ယာအောလ်အော်ရေးအီးသားရ်ဟာ(န်)ဆေးဒေါ်ရီးအာနီးဘောရ်လားဟိုယိယ်ယေး။
အေးသောလ်လား saul - ရှောလု Damascus -ဒမာစ်ကဲစ်ရှောရ်အောသ်ဂီယေး။အီးသေးရှောရ်အောသ်ဖေါ(န်)ဆီးဘောရ်ဝေါက်သောသ်အီးသားဆိုက်ရေးဒါးကောရ်သူအစ်မောန်အောရ်သူဖေါရ်-လိုက်(ရှ်)ထ်အိုက်ယော့ရေးအီးသေးမေရီး(ထ်)ဒူလီးဖေါ်ရီးဂီယိုးယိယ်။ saul – ရှောလု”ရေးဟော်နော့အဲက်ဇောန်အေ”saul - ရှောလု saul- ရှောလုသွိယွိယ်အာ(န်)ရေးကီယောလ်လာဇူလုမ်ဂေါ်ရောရ်”ဟိုယိယ်ဖူဆားရ်လိုယိယ်ယေးဒေးအာဘာစ်အော်ရေးဖုန်းနေ။ saul -ရှောလု”အော်နေဟောန်နွ”ဟိုယိယ်ဖူဆားရ်ဂိုယိရ်ဂျေးရားအီဆာယေဂ”အိုင်(န်)သွိယွိယ်ဇုလုမ်ဂေါရ်ဂျီးလေးဒေးအီဆာရီး”ဟိုယိယ်ဟောယေး။
saul –ရှောလုဝါဖဲစ်အူရီ(ထီ)အိုက်(ရ်)ရှေ့ဒေးဝေါက်သော်အီးသေးဆူဂေးနော်ဒေကဲရ်ဒေးယာန်အောရ်လားအီးသားရ်ဖူဝိုင်(န်)ဂျားအောလ်အောရ်သူ့အီးသားရေး Damascus - ဒ့မစ်ကဲစ်ရှောရ်အောသ်မာသိုက်လိုယိယ်ဂီယိုးယိယ်။ saul -ရှောလုသိန်ဒိန်ဖို-ယိရ်ဂျောန်(သ်)ဟာနာဖီနာ(ရ်)သို့ဟိုက်နော်ဖါရေး။
Damascus- ဒမစ်ကဲစ်ရှောရ်အောသ် Ananias -အာနနိစ်ဟိုယိယ်မာသာဒေးဆွာဟာဘားအဲးက်ဇောန်အိုက်(ရ်)ရှိလ်။အလ္လာဟ်သာယေးမာနူးရှ်အီးဘားရေး”သွိယွိယ်- saul - ရှောလုရ်ဂေါ်ရောသ်ဇိုက်ယော့ရေးသောရ်ဟာသ်အော်ရေး saul ရှောလုရ်ဂါရ်အိုရေးသူလီးလေး saul – ရှောလုရ်ဆုဂ်ဂေးဝါဖဲစ်ဒေကီးအိုက်ဘိုး”ဟိုယ်ယိယ်ဟောယေးမော်ဂေါရ် Ananias - အာနနိစ်အေး”အော်နေအေးမာနူးရှ်အီးဘားယေးယေကိန်-င်ဘိရှ်ရှာရှ်စ်ဂေါ်ရော်ယာအောလ်အော်ရေးမိုက်(ရ်)ဂျေး၊ဇုလုမ်ဂိုယိရ်ဂျေးဒေးအိုင်(န်)ဖုန်နီး”ဟိုယ်ဝါဖဲစ်ဆုဝါလ်ဂိုယိရ်ဂျေး။ အလ္လာဟ်သာလာယေ”ယဟူးဒီး(ဂျူး)ဇာသီအောလ်ယေကိန်-င်အောရ်လားဘော်နီအိုက်ယေးဖေါန် saul ရှောလုရေးကော်ဘုလ်ဂိုယိရ်ဂျေးဒေးယာန်အောရ်လားသွိယွိယ်ဇာဟိုးယိယ်ဟောယေး
အေးသောလ်လား Ananias အာနနိစ်အေး saul -ရှောလုရ်ဟာ(န်)ဆေးဇိုက်ယောရေးအီးဘားရ်ဟာသ်အောလ်အော်ရေး saul - ရှောလုရ်အိုရေသူလီးယောရေး”သွိယွိယ်ရာစ်သာသ်လောသ်ဖိုက်ယောစ်ဒေါရ်ဒေးအီဆာယေးသော်ရ်အိုရေအလ္လာဟ်သာလာရ်ရာဟ်မောသ်စလာမောသ်အိုက်၊သောရ်ဆုဂ်အေးဝါဖဲစ်ဒေကောစ်ဖေါ့န်အာ(န်)ရေးသောရ်ဟာ(န်)ဆေးဒီပေရိုက်(ထ်)ယေး”ဟိုယိယ်ဟောယေး။ ဖိုးရာန် saul ရှောလုရ်နော်ဇောရ်ဝါဖဲစ်ဒေကီးပါရီဘာဒေး Ananias - အာနနိစ်အေးအီးသားရေးပါက်ဆာဖ်အော်ဖေါ့န်ဂုဆောရ်လ်ဂေါ်ရိုက်ဒီယေး။ယာရ်ဘာဒေး saul- ရှောလုဟာနာဖီနာယိုးဝါဖဲစ်ဟိုက်ဖိုက်(ရ်)ဂျေးအာရ်အာရာမ်အိုယိယ်အိုက်(ရ်)ရှေ့။
အောဟော့န်-ဖိုရာန် saul- ရှောလု Damascus -ဒမာစ်ကဲစ်အောသ်အာဆးဒေးယဟူးဒီး(ဂျူး)ဇာသီအောလ်အေးအီဆာရ်ဘာဘောသေဘိုယာန်အောလ်ရှုရုယိရ်ဂျေး။အီးသေး”အီဆာရေးအလ္လာဟ်သာလာရ်နော်ဘီအိုယိယ်ဟိုယိယ်ဟောယေး။ saul - ရှောလုယေးမာရီဘောရ်လားကူရှိစ်ဂိုယိရ်လေးယိုးအော်ဟောန်အီဆာရေးယေကိန်-င်ဘိရှ်ရှာရှ်စ်ဂေါ်ရော်ယာဘော်နောန်အောရ်ဇော်ရီယာယဟူးဒီး(ဂျူး)ဇာသီအောလ်အေးဘိရှိသာရ်ဂျုဖ်အိုယိယ်ဂီယိုးယိယ်။ saul ရှောလုယေးအီဆာရေးအလ်မစ္စဟ်ဟိုယိယ်ယဟူးဒီ(ဂျူး)ဇာသီမာနူးရှ်အောလ်လိုယိယ်ဟုဝါဟိုယိယ်-ဘာရာဘာရီးဂေါ်ရဲရ်။အီဆာရေးအလ်မစ္စဟ်ဒေးယာန်ဆော်ယီးဂေါ်ဘား(ဆာဘဲသ်)အိုယိယ်ယေး။
ဘိုးသ်ဒိန်ဇောန်အောရ်ဘာဒေးယဟူးဒီ(ဂျူး)ဇာသီအောလ်အေး saul – ရှောလုရေးမာရီဘောရ်လားဖေလာန်အဲက်ကားန်ဂိုယိယ်(ရ်)လိုး။အီးသားရား saul ရှောလုရေးမာရီဘောရ်လားရှောရ်အောရ်ဂေအိတ်- gate” အောလ်အောသ်ဖါရားအောလ်ဒီပေးရိုက်(ထ်)ယေး။ကိန်သူ saul -ရှောလုယေးအေးဖေလာန်အောလ်အော်ရေးဖူနီယော့ရေးအီးသာရ်ဖူဝိုင်ဂျာအောလ်အောရ်မော်ဒေါသ်လိုယိယ်ဒိုက်ဂီယိုးယိယ်။အဲက်ရိုက်(သ်)အီးဘားရ်ဖူဝိုင်(န်)ဂျာအောလ်အေးမိုချိုရီရ်ဘူးသော်ရေးဒီယော့ရေးရှောရ်အောရ်ဒေဘာလ်အောရ်သေးလေရာကီလို။ saul- ရှောလုယေး Damascus - ဒမစ်ကဲစ်ရှောရ်အောရ်သူဒိုက်ဇောန်အောရ်ဘာဒေးအီဆာရ်ဘာဘောသေးလာဂါသာရ်ဘိုယိယ်ယာန်ဂေါ်ရောသ်သိုက်ကေး။
saul - ရှောလုယေးဂျေရုဆာလာမ်အောသ်ဇုက်ယော့ရေးအိုယိန်နောဆွာဟာဘာအောလ်ရ်လိုယိယ်ဒေါ်လာအိုယိယ်ယေး။ကိန်သူအီးသားရာ saul –ရှောလုရေးဒေါ်ရာန်။ယာရ်ဘာဒေး Barnabas - ဗာနဗဟောဒေးယေကိန်-င်ဘိရှ်ရှာရှ်စ်ဂေါ်ရောယာအဲက်ဇောန်အေး saul - ရှောလုရေးဆွာဟာဘာအောလ်အောရ်ဟာ(န်)ဆေးမာသိုက်လိုယိယ်ဂီယေး။ saul – ရှောလု Damascus - ဒမစ်ကဲစ်ရှောရ်အောသ်ဘာဒူရိရ်ဆာ(န်)သေးအီဆာရ်ဘိုယိယ်ယာန်အောလ်ဒဲရ်။ယာရ်ဘာဒေဆွာဟာဘီအောလ်အေး saul- ရှောလုရေးဂေါ်ဆီးလိုး။
ဂျေရုဆာလာမ်အောသ်ဇုလုမ်ဟိုက်ယော့ရေးဒူရေးဒိုက်ဘာဆီအိုက်(ရ်)ရှေ့ဒေးယေကိန်-င်ဘိရှ်ရှာရှ်စ်ဂေါ်ရောယာသူရာဂေါ်ရီဒါဆေး Antioch -အဲန်ထီးအိုရှ်ရှောရ်အောသ်ဇိုက်ယောရေးအီဆာရ်ဘိုယိယ်ယာန်အောလ်ဒဲရ်။ Antioch -အဲန်ထီးအိုရှ်အောသ်အာဆေးဒေးဘဲရှ်မာနူးရှ်အောလ်ဒါဆေးယဟူးဒီး(ဂျူး)ဇာသီရ်မာနူးရှ်နော်အိုယိယ်။မော်ဂေါရ်ဖိုအဲလ်လာရ်ရှုရုရ်ဘာရ်အီဆိုက်(ဖ်)ဖါးယဟူးဒီး(ဂျူး)ဇာသီရ်မာနူးရှ်နော်ယိယ်ဒေးယေကိန်-င်ဘိရှ်ရှာရှ်စ်ဂေါ်ရောယာဘောနီအိုက်(ရ်)ရှေ့။ Barnabas ဗာနဗအာရ် saul - ရှောလုသာရားအေးဇာဂါသ်အာဆေးဒေးနီဘာယေကိန်-င်ဘိရှ်ရှာရှ်စ်ဂေါ်ရောယာအောလ်အော်ရေးအီဆာရ်ဘိုယိယ်ယာန်အောလ်ရေးရှိကိုက်ဒဲရ်၊အာရ်ဂျမ္မအသိအိုဘိရှိမောစ်ဘူသ်အော့ဖေါန်ဘိုယိယ်ယာန်ဒီယေး။ Antioch အဲန်ထီးအိုရှ်အောသ်အာဆေးဒေးအီဆာရ်အိုရေယေကိန်-င်ဘိရှ်ရှာစ်ဂေါ်ရောယာအောလ်အော်ရေးအီဆာယီဟိုယိယ်ရှုရုဂေါ်ရီမာသိုက်လိုး။
အိက်ဒိန်အီဆာရေးယေကိန်-င်ဂေါ်ရောအောလ်အေးရူဇာရိုက်ကေးဒေးဝေါက်သောသ်အလ္လာဟ်သာလာရ်ဟော်ကူမ်အေ” Barnabas ဗာနဗအာရ် saul -ရှောလုသာရာအီးသားရားအိုင်(န်)ဂိုယိရ်သိုးဟိုယိယ်ယီးဒေးအိန်အောလ်ဂိုယိရ်ဂျေး”ဟိုယိယ်ဟောယေး။အေးသောလ်လားAntioch -အဲန်ထီးအိုရှ်အောရ်ဂျမ္မအသ်ဟာနာရ်မာနူးရှ်အောလ်အေး Branabas -ဗနဗအာရ် saul ရှောလုသာရာရ်အိုရေအီးသားရာရ်ဟာသ်အောလ်အော်ရေးသူလီးယော့ရေးဒုအာဂိုယိရ်ဂျေး။ယာန်ဘာဒေးအီးသားရားဒူနီးဇောန်အော်ရေးအီဆာရ်ဘိုယိယ်ယာန်အောလ်ဂေါ်ရီးဘောရ်လားအိုယိန်နောဇာဂါအောလ်အောသ်ဒီပေရိုက်(ထ်)ယေး။ Barnabas -မာနဗအာရ် saul- ရှောလုသာရားဘဲရှ်မာနူးရှ်အောလ်အော်ရေးရှိကိုက်ဒေါန်အောရ်ဇော်ရီယားဘေရှားဘီရှိမာနူးရှ်အောလ်အေးအီဆာရေးယေကိန်-င်ဘိရှ်ရှာရှ်စ်ဂေါ်ရီအိုက်(ရ်)ရှေ့။
A Bible story from: Acts 8:3; 9:1-31; 11:19-26; 13:1-3