၂၃.အီဆာရေးဘီယောန်(အိုယိယ်ယေး)
မောရ်ယာအေယူဆူဖ်ဟိုယိယ်နာမ်အာဆေးဒေးအီမာန်ဒါရ်ဆော်ယီးအဲက်ဇောန်လိုယိယ်ဇူရာဂါ(န်)သာဂေါရီးလာကီးလိုး။ယူဆူဖ်ဝါအီးဘားအီးသားရ်ဖူဝါနော်ဒေးယောန်ဟိုယိယ်ဖိုက်(ရ်)ဂျေး။”အလ်ဘာသ်သား-အဲန်အိုယိယ်လေးယို-အီးဘားယေးမောရ်ယာမ်အော်ရေးရှော်ရောမ်ဒီသိူးမော်နေနော်ဟောန်အောရ်ဇော်ရီယာအီးဘာရ်အိုရေးအာဒေါရ်မူဟာဘ်ဘော်သောရ်ဆာ(န်)သေးဇူရာဂါ(န်)သားရေးနီဂျာမ်အောရ်ဆာ(န်)သေးဘာ(န်)ဂီးပေးလိုက်ဘောရ်နီယောသ်ဂိုယိရ်ဂျေး။မော်ဂေါရ်အီးဘားယေးအဲန်ဒိုလ်လာနော်ဂေါ်ရီးဘောရ်အာဂေပေါရိချ်သာအုဂ်ဂွါးယေးအီးဘားရေး”ဟာဖ်”အောသ်အဲန်ဒိုလ်လာဟိုယိယ်ယေး။
အေးပေါရိချ်သာယေးဆူဖ်၊သွိယိန်မောရ်ယာမ်အော်ရေးဘီဘီအီဆိုက်(ဖ်)ဖါးဂေါ်ဆားရေးနော်ဒေါ်ရိုက်ယော့။အီးဘားရ်ဖဲထ်ရောက်အောရ်ဇော်ရီယာအိုယိယ်ယေဒေးရှောမ်။အီးဘားယေးဒါဆေးအုဂ်ဂွါးနော်ဘီရေးဘီယိုက်ဘိုး။အီးဘားရေးအီဆာဟိုယိယ်နာမ်ရာခေါ့်။”ယာန်အောရ်မာနီအိုးယိယ်အဲလ်ဒေး”ယာဝေ”အူဇူရာစ်သာဒါဟောယာယောလ်ဒ်ကီလားဟိုယိယ်လေးအီးဘားယေးမာနူးရှ်အောလ်အောရေးအီးသားရာရ်ဂုနာဟ်အာရ်ဟော်ဆူးရီးအောလ်အောရ်သူးဘာဆီးဘောရ်ရာစ်သာဒါဟိုက်ဘိုးဟိုယိယ်ဟောယေး။
အေးသာလ်လားယူဆူဖ်အေးမောရ်ယာမ်အော်ရေးဘီယားဂေါ်ရီးအီးသားရ်ဂေါ်ရောသ်မာသိုက်လိုယိယ်ဂီယေး။မော်ဂေါရ်အီးသေးအီးဘားယေးဖူဝါဘီယာဖေါန်အီးဘာရ်ဖူး(န်)ဝါ(န်)သီးနော်ဂုမ်ဇား။
မောရ်ယာမ်တူလ်တွိယိလ်လာရှောမ်အောရ်ဝေါက်သောသ်အီးဘားဒေးယူးဆူဖ်ဗက်လင်ရှောရ်အောရ်အူဇူးဒူရေးမူဆာဖေရီးသ်ဂီယေး။ကီယောလ်လာဘော့လီးဟိုယိယ်လေးအစ္စရေးလ်အောသ်အာဆေးဒေးရုမ်ဟော်ကူမောသ်အောရ်ဆာဆိုရ်ဂျာအောလ်အေးမာနူးရှ်အောလ်ဘူဂ်ဂုံန်အော်ရေးဂေါ်နီယော့ရေးဆံဆားရ်ဟာဘောစ်အောရ်လိစ်သီဂေါ်ရဲရ်။အီးသားရာဒါဆေးမားနူးရှ်အောလ်အော်ရေးအီးသားရာရ်ဘာဖ်ဒါဒါအောလ်သားကီးဒိုဒေးဇာဂါသ်ဂီယိုယိယ်။ရာဇာ”ဒါဝူဒ်”နော်ဘီယေဗက်လင်ရှောရ်အောသ်အိုယိယ်ယေးအီးဘာဒါဆေးမောရ်ယာမ်အာရ်ယူဆူဖ်သာရာရ်အုံဂွါးဒါဒါ။
မောရ်ယာမ်အာရ်ယူဆူဖ်သာရာဗက်လင်ရှောရ်အောသ်ဂီယေး။မော်ဂေါရ်အီးသားရားရ်လားဂျာဒူဝါရ်အောလ်သာကေးဒေးသားကီးဘောရ်ဇာဂါနော်အိုက်(ရှ်)ရှိလ်။မောရ်ယာမ်အေအီးဘားရ်ဖူဝါရေးအေးဇာဂါသ်ဘီယိုက်ယေး။အီးဘားယေးဖူဝါရာကီးဘောရ်ဇာဂါနော်သားကောန်အောရ်ဇော်ရီယားဂေါ်ရူရေးဟာနာဟာဘာဒေးဇာဂါသ်ရိုက်ကေးအီးသားရာဒါဆေးဖူဝါရေးအီဆာဟိုယိယ်နာမ်ဒီယေး။
အေးရိုက်(သ်)သာဒါးကေးအာဆေးဒေးဒါန်ကူ(န်)ရာ(ထ်)သ်”ဆောလ်”အောလ်အော်ရေးဆော(န်)လေးဒေ”ဆောလ်”ရိုယာကိစ်ဆူးအာဆေး။အာသိခ်ကားရှုန်ဒေါရ်ဂျာဇောလ်အေဒ်ဒေးဖေါရိချ်သာအုံဂ်ဂွါးအိုက်ယော့အောရ်ဇော်ရီယာအီးသားရာဘီရှိဒေါ်ရိုက်ဂီယိုယိယ်။ပေါရိချ်သာယေး”နော်ဒေါ်ရိုက်ယော့အိုင်(န်)ဒါဆေးအလ်မစ္စဩ်ဗက်လင်ရှောရ်အောသ်အိုယိယ်ဒေးယာန်အောရ်ဘာလာဟောဘောရ်အော်ရေးဟိုယိယ်ဘောလ်လာအိုက်(ရှ်)ရှိဒေးဟိုယိယ်ဟောယေး။
အေးဖူဝါရေးဇိုက်ယော့ရေးသူဝေါ။အီးဘားဒါဆေးသဲန်နာလိုယိယ်ဘေရိုက်ယာဂေါရုရေးဟာနာဟာဘားဒေးဟောဒ်ဒေါသ်နောရီ(ထီ)သိုက်ကေးဒေးဒေကီးဘားဟိုယိယ်ဟောယေးအော့ဟောန်သော်ရာသူရီဂျန္နသ်အောရ်ဖေါရိချ်သာအောလ်လိုယိယ်ဖူရိုက်ဇိုက်ယော့ရေး”ဂျန္နသ်အောသ်သာကေးဒေးအလ္လာဟ်သာလာရ်ရှုကူးရီယာဂိုယိရ်လိုး။အေဒူနီယာသ်အလ္လာဟ်သာလာရ်သူမော်နေဟောဒေးအီးသားရာဘုဂ်ဂုံန်ရှာန်သီးအာမောန်သားကိုခ်”ဟိုယိယ်အလ္လာဟ်သာလာရ်သာရိဖ်ဂိုယိရ်ဂျေး။
ယာရ်ဘာဒေဖေါရိချ်သာအောလ်နေလီဇိုက်ဂိုယိယ်ဘာဒေဆောလ်ဆော်ရောယာအောလ်အေယိုးအီးသားရာရ်ဆောလ်အောလ်အော်ရေးရာကီးယော့ရေးဂုရာဖူဝါရေးသူဝိုက်လိုး။အီးသားရာသောရာသူရီဂုရာဖူဝါအီဆာအာဆေးဒေးဇာဂါသ်ဖေါ(န်)ဆီးယော့ရေးပေါရိသာယေးအီးသားရေးဟိုယိယ်ဒါဟောယေးဒေးမော်ဇိန်ဂေါ်ရုရေးဟာနာဟားဒေးဟောဒ်ဒါဒ်ရိုက်ကေးဒေးဒဲက်ကေး။အီးသားရာဒါဆေးဘိရှိဂျူရှ်အောရ်ဆားသေးအီးသားရာရ်ဆောလ်အောလ်အာဆေးဒေးဘိလ်အောလ်အောရ်အူဇူဝါဖဲစ်ဂီယိုယိယ်။အီးသားရာဒါဆေးအီးသားရာဖူန်နေးဒဲက်ကေးဒေးအိန်အောလ်လားအလ္လာဟ်သာလာရ်သာရိဖ်ဂိုယိရ်ဂျေး။
ဒူရောရ်ဖူစ်အောရ်ဒဲချ်အောရ်ကိစ်ဆူးမာနူးရှ်အောလ်ဒါဆေး”သာရာ”အောလ်အောရ်ရှောမ်မောန်ဒေး”မူသားလား-ရှိက်ကား”ဂေါ်ရောန်အောသ်ဘီရှိကာဘဲလ်အိုက်(ရှ်)ရှိလ်။အီးသားရာဒါဆေးအာစ်မောန်အောရ်အိုရေး”ဟဆူဆီး-သာရ်ဂျုဘိရ်”သာရာအုဂ်ဂွါးဒဲက်ကေးရားအီးသားရာအေးရှိရှ်(စ်)ယာန်ဒါဆေးယဟူးဒီအောလ်အောရ်နော်ယာရာဇာရေးဘီယိုက်ဘောရ်မာနီဘောလီးဟိုယိယ်ဟောယေး။အေးဖူဝါရေးဇိုက်ယော့ရေးဆိုက်ဘောလ်လားနီယောသ်ဂေါ်ရီးဘာဒေးအီးသားရ်ဒဲချ်အောသ်သူးမူဆားဖီရိသ်နေလီအိုက်(ချ်)ရှေ့။လာမ်ဘာမူဆာဖီရီဘိုက်ဘာဒေအီးသားရားဖက်လင်ရှောရ်အောသ်ဖေါ(န်)ဆီးယော့ရေးဂုရာဖူဝါအီဆာအာရ်အီးဘားရ်”မာ”သားကေးဒေးဂေါရ်အော်ရေးသူဝိုက်ဖိုက်ယေး။
အီးသားဒါဆေးဂုရာဖူဝါအီဆာရေးအီးဘားရ်”မာ(ရ်)”ဖူ(န်)ဝါ(န်)သီဒဲက်ကေးဒေးဝေါက်သောသ်အာဒေါရ်မူဟာဘ်ဘောသ်အောရ်ဆာ(န်)သေးဆိုက်ယေး။ယာရ်ဘာဒေးအီးသားရာဂုရာဖူဝါအီဆာရေးကီမော်သီဟာဒီယာအောလ်ဒီယော့ရေးအီးသားရာရ်ဂေါရ်(ဂေါ်သောန်)အောသ်ဝါဖဲစ်ဂီယိယ်။
A Bible story from: Matthew 1-2; Luke 2