၂၆. အီဆာရ်နော်ဘူဝေါသ်အောရ်ရှုရုဂေါ်ရောန်

အီဆာယေးရွှိုက်တာန်အောရ်ဘော(ထ်)ရ်ကိုက်နီးရေးဘာသ်ဂေါ့်ရီးယော့ရေးဂါလိလဲအေလာကာသ်ဝါဖဲစ်အိုက်(ရှ်)ရှေ့။အေဇာဂါယာန်အီးဘားသိုက်ကေးဒေးဇာဂါဘော်နီဂီယိုယိယ်။အလ္လာဟ်သာလာရ်ယေအီးဘားရေးမူဂျာဇာအာရ်ဘောရ်ကောသ်-ရာဟ်မောသ်အောလ်ဘေရှားဘီရှိဒီယော့ရေးအီဆာယေးအဲက်ဇာဂါသ်သူအဲက်ဇာဂါသ်ဇိုက်ယော့ရေးမာနူးရှ်အောလ်အော်ရေးနော်ဆီးယောသ်ဘိုယာန်အောလ်ဂိုယိရ်သိုး။မာနူးရှ်အောလ်အေယိုးအီဆာယေဟောဒေးဂေါမ်ဟော်ဘောရ်အောလ်အောရ်ရေးအီးဘားရ်သာရိဖ်ဂိုယိရ်သိုး။

အီဆာယေးနာဇရက်ရှောရ်အောသ်ဇိုက်ယော့ရေးအေးရှောရ်ယာန်အီးဘားဂူရာဟာလေသိုက်ကီးလ်ဒေးဇာဂါ။အီးဘားရောမ်ဇါန်အောရ်ဒိန်ဗိုက်သွလ်မူက္ကဒဲစ်ဂီယေးဒေးဝေါက်သောသ်အာဂုန်ဂေါ်နော်ယာအေလောမ်ဒါရ်ဟေရှာယရ်ကီသာဗ်အောရ်ဘူ(န်)ဒါအုဂ်ဂွါးအီဆာရေးဒီယး။အေးသာလ်လားဘော့လီးအီဆာယေးအေးကီသာဗ်အောရ်ဖိုက်(လ်)အောသ်အာဆေးဒေးကိစ်ဆူးရေးမာနူးရှ်အောလ်အော်ရေးဖေါ်ရီးဒါဟိုက်ယေး။

အီဆာယေး”ဂေါ်ရိဖ်အောလ်အောရ်လားဂေါမ်ဟော်ဘောရ်ဟိုယိယ်ဘောရ်လားအလ္လာဟ်သာလာယေးအီးဘားရေးဟော်ကူမ်ဒီယေး။ဘောန်ဟိုက်ယေးဒေးအီးသားရားဆူရီးဘိုး။ဆိုဂေးနော်ဒေကေးဒေးအီးသားရာဆိုဂေးဒေကေဖေါန်၊ဆေးသိုက်ယေးဒေးအီးသားရားရေးဘာဆိုက်ဘောရ်လားအလ္လာဟ်သာလာယေအာ(န်)ရေးဒီပေးရိုက်(ထ်)ယေး။အလ္လာဟ်သာလာယေအာ(န်)ရာရေးဟာမ်ဒေါရ်ဒီရ်ဆာ(န်)သေးမော်ဒေါသ်ဂေါ်ရီးဘိုးဟိုယိယ်ဖေါရ်ဂျေး။

ကီသာဖ်အောရ်ဖိုက်(လ်)အော်ရေးဖေါ်ရီးယော့ရေးဘာဒေးအီဆာဘိုးယိယ်ဂီယိုယိယ်။မာနူးရှ်အောလ်အေးအီးသားရေးဂေါမ်ဂေါ်ရီဆိုက်ယေးအီးသားရားအီဆာယေးဖိုယိရ်ဂျေဒေးဖိုက်(လ်)အောရ်မာနီအိုယိလ်ဒေးအလ်မစ္စဟ်ရ်ဟော်ဘောရ်ဒေးယာန်ဇာနီဖိုက်(ရ်)ဂျေး။အီဆာယေး”သူ(န်)ဝါးရားဖူန်နောဒေ့ယာန်အောရ်မာနီအောလ်အော်ရေးအာရ်ဂျာယာန်အောရ်အိုရေးအာမောလ်ဂေါ်ရားဂီယေးဟိုယိယ်ဟောယေး။မာနူးရှ်အောလ်အေးသားရ်ဂျုမ်အိုယိယ်ယေး။အီးဘားယူဆူဖ်အောရ်ဖူဝါနော်နဲ”ဟိုယိယ်ဟောယေး။

ယာရ်ဘာဒေးအီဆာယေး”ဟောနောအာဂုံန်ဂေါ်နော်ယာအေလောမ်ဒါရ်အိုယိယ်ဘိုးအိုးက်အီးဘားရ်ဂေါ်သောန်အောရ်မာနူးရှ်အောလ်အေးအီးဘားရေးနော်ဂေါ်ဆေး။အာဂုံန်ဂေါနော်ယာအီလီယာစ်အောရ်ဇောဘာနောသ်အိုးအစ္စရေး(လ်)အောရ်(သ်)ရာရီမာယာဖူဝိုင်(န်)အောလ်ဘီရှိအိုက်(ရှ်)ရှိလ်။မော်ဂေါ်ရ်သိန်ဘော်ဆောရ်ဆော့မိုက်(ရှ်)ဖေါန်အောလ်ဘီရှိအိုက်(ရှ်)ဖေါန်ဇောရ်နော်ဒေါအောရ်ဇော်ရီယာရာထ်အိုက်ယိယ်ဒေးဝေါက်သောသ်အလ္လာဟ်သာလာယေးအီလီယာစ်အော်ရေးအစ္စရေးလ်အောသ်အာဆေးဒေးရာရီမာယာဖူဝိုင်(န်)အောလ်အောရ်ဟာ(န်)ဆေးနော်ဒီပေးရိုက်(ထ်)ယော့ရေးအာရ်အဲက်ကားန်ဒဲချ်အောရ်ရာရီမာယာဖူဝါအုဂ်ဂွါးရ်ဟာ(န်)ဆေးဒီပေးရိုက်(ထ်)ယေး”ဟိုယိယ်ဟောယေး။

အီဆာယေးလာဂါသာရ်အာဂေါ်ရ်နော်ဘီအီလီယာစ်အောရ်ဝေါက်သောသ်အစ္စရေးလ်အောလ်ဘဲရှ်မာနူးရှ်အောလ်အောရ်သူဆာမ်အောရ်အိုးယိလ်။အီးသားရာအစ္စရေး(လ်)အောရ်ဂူလာဘီယာရာမ်အော်ရေးဒါဘိုက်ဂေါ်ရာဆားရာအစ္စရေး(လ်)အောရ်ဂျော်နောရဲလ်နောမာန်အောရ်ဂူလာဘီရာမ်အော်ရေးဒါဘိုက်ဂေါ်ရီးဒီယေး(ဇာရာဖူရာဂေါ်ရီဒီယေး)”ဟိုယိယ်ဟောယေး။ မော်ဂေါရ်အီဆာရ်ဟော်သားဖူနဲရ်ဒေးအီးသားရားအစ္စရေး(လ်) သီဒေးယာန်အောရ်လားဘော့လီးအီးဘားရ်လိုယိယ်ဘီရှိနာရာဇ်အိုယိလ်။

နာဇရက်ရှောရ်အော်လောအောလ်အေးအီဆာရေးဒေါရ်ဂျေးဒေးဝေါက်သောသ်အေသာဒေါသ်ဂေါ်ရဲဒ်ဒေးဇာဂါရ်သူတာနီနေလိုက်လိုယိယ်ဂီယိုယိယ်။အီးရားအီဆာရေးဇောရ်ဂေါ်ရိုက်ဒီဘောရ်လားဟာလ်အောရ်ဟိုင်(န်)ဒါအဲက်ကားန်အောသ်မာသိုက်လိုယိယ်ဂီယိုယိယ်။မော်ဂေါ်ရ်အီဆာယေးမာန်ရှေ့ရ်ဇားဂါအောရ်မာဇောရ်သူ့လူကိုက်ယော့ရေးနာဇရတ်ရှောရ်အောရ်အောရ်သူ့နေလီဂီယိုယိယ်။

ယာရ်ဘာဒေးအီဆာယေးဂါလီလဲအေလာကာသ်ဇာရ်ဒေးဝေါက်သောသ်ဘီရှိမာနူးရှ်အောလ်အေးအီဆာရ်ဟာ(န်)ဆေးအိုက်ရှေ့။မာနူးရှ်အောလ်အေးဘီယာရာမ်ယားအောလ်အာရ်ဖေရာရှာနီအော်လာအောလ်အီဆာရ်ဟာ (န်)ဆေးမာသိုက်အိုက်(ရ်)နေ့။အီဆာယေးဆူဂေါ်နော်ဒေကေးယာအောလ်၊ဖေရာရှာနီအော်လာအောလ်၊နာဖါး(န)ဂ်အောလ်အော်ရေးအာရောမ်အော်ဖေါန်ဂေါ်ရီးဒီယေး။

ယာရ်ဘာဒေးဂျိန်(င်)အေးဖိုက်ယေးဒေးအီးသားရာရေးယိုးအီဆာရ်ဟာ(န်)ဆေးအာနီယော့ရေးဇာရာဖူရာဂိုယိရ်ဂျေး။အီဆာယေးဂျိန်(င်)အောလ်အော်ရေးနေလီဇိုက်ဘောရ်လားဟော်ကူမ်ဒီယေးဒေးဝေါက်သောသ်အိုးအေးဂျိန်(င်)အောလ်နေလီအိုက်ဂီယိုယိယ်။အေးဂျိန်(င်)အောလ်အေးယိုး”အာက်ဆောရ်”ဝါးကီသွိယွိန်အလ္လာဟ်သာလာရ်နော်ဘီဟိုယိယ်ဟောယေး။မာနူးရှ်အောလ်အေးအဲန်ဒိုလ်လာဖူန်နေရားသားရ်ဂျုဖ်အိုယိယ်ယော့ရေးအလ္လာဟ်သာလာရ်သာရိဖ်ဂိုယိန်

ယာရ်ဘာဒေးအီဆာယေး”နော်မာယိန်ဒါ-ဟော်ဘောရ်ဂွါး”အီဆိုက်(ဖ်)ဖါးဆွာဟာဘာအောလ်အောရ် ဘူးသောရ်သူဘာရော့ဇောန်ဘာဆီးလိုယိယ်ယေးအီးဘားယေးအေးမာနူးရှ်အောလ်အော်ရေးဆွာဟာဟိုယိယ်မာသိုက်ယော့ရေးအေးဆွာဟာဘားအောလ်အိုးအီဆာရ်ဖူ(န်)ဝါးသီမူဆာဖီရီသ်ဇိုက်သိူအာရ်အီးဘားရ်ဘိုယိယ်ယာန်နော်ဆီယောသ်အောလ်အော်ရေးဖိုးယိရ်သိူး။

A Bible story from: Matthew 4:12-25; Mark 1:14-15, 35-39; 3:13-21; Luke 4:14-30, 38-44