၁၂.အာဇာဒီ
အစ္စရေး(လ်)ဇာသီအောလ်အေအီဂျစ်(ဖ်)အောရ်သူဇိုက်ဂိုယိယ်ဖိုက်(ရ်)ဂျေးဒေးယာန်အောလ်လားဘိရှိကူရှိအောယေ။အီးသားရာအေဟောန်ဂူလာမ်နောယိယ်၊အီးသားရာရေအလ္လာသာလာယေဝါဒါဒီယေးဒေးဇာဂါသ်ဇိုက်ယော့ရေးသာကေးရ်။အီဂျစ်(ဖ်)ဇာသီအောလ်အေအစ္စရေး(လ်)ဇာသီအောလ်အေးမိုက်ဂေးဒေးရှုနာရှာ(န်)ဒီအာရ်တီ(န်)ယာဖူရှားအာရ်အောန်နော်ကိမောသီရှိစ်အောလ်အောရေးယိုးဒီပေးလိုက်ယေ။အို(န်)နောဒဲရှ် အောလ်အောသ်အိုးကိစ်ဆူးမာနူးရှ်အောလ်အေအလ္လာဟ်သာလာယေအစ္စရေး(လ်)ဇာသီအောလ်အောရ်ဖူဝါ(ရ်)သီအီဂျစ်(ဖ်)အောရ်သူနေလီဇိုက်ဘောရ်သောသ်ဂီယိုယိယ်ဟိုယိယ်ဘိရှ်ရှာရှ်ဂေါရ်ဂျေ။
“ဒိန်အောသ်”မှာဇေးအူ(န်)ဆောလ်မျိုလားအဲက်ကားန်အေအီးသာရာရ်မုန်သူးရာစ်သာဒါဟိုက်မာသိုက်လိုယိယ်ဂီယေ။အေးမျိုလား”ရိုက်(သ်)”အောသ်အူ(န်)ဆောလ်”အိုအိန်”အောရ်သာရာဘောနီလို။အလ္လာဟ်သာလာဟားမီရှားအီးသားရာရ်သာကီးယော့ရေးမျိုလား၊အိုအိန်အောရ်သာရာအီဆိုက်(ဖ်)ဖါရာစ်သာဒါဟာယေ။အီးသားရာဘုဂ်ဂေါနောရ်သူဂေါ်ရာဖေါရ်သိုဒေးဟာမ်အဲက်ကားန်အိုအဲလ်ဒေးအလ္လာဟ်သာလာရ်”ရာစ်သာရေဂေါဆီးယော့ရေးမာနောန်။
ကိစ်ဆူးထိုင်(မ်)အောရ်ဘူးသောရေးဖေရွံအာရ်သာရ်မာနူးရ်အောလ်အောရ်”ဒိလ်”ဘောဒေါလီဇိုက်ယော့ရေးအီးသားရာအစ္စရေး(လ်)ဇာသီအောလ်အောရေးဂုလာမ်ဘာနိုက်ရာကီးသိုမောနေဟောရ်။အေးသာလ်လာဘော့လီးအီးသားရာအစ္စရေး(လ်)အောလ်အောရ်ဖီဆားလီသောရာသူရီဇိုက်လို။အဲန်ဒိုယိယ်လားဒိလ်ဘောဒေ လေဖေါန်အလ္လာဟ်သာလာယေဂေါ်ရီးဒီယေးဒေး။အေး(န်)ဒိုအဲလ်လာဂေါရောန်အောရ်မာနီဒါဆေးအလ္လာဟ်သာလာယေဖေရွံ-ဘာရှ်ရှားရ်အီဂျစ်(ဖ်)အောသ်အာဆေးဒေးဂျိန်န္နသ်၊ကေလိုနာ၊ဘူးသ်အောလ်၊ဘာနာဝေါထ်-ဟူဒါရ်သူဝါးရိုးအလ္လာဟ်သာလာပါဝါရ်-ရှောစ်သီးဝါလားဒေးယာန်အောရေး”ဖေါရ်သီ”မာန်ရှေ့ဇာနေပေါန်။
အစ္စရေး(လ်)ဇာသီအောလ်အေအီဂျစ်(ဖ်)အောရ်မာဇေးဖိုးဂျ်(မောလီတ်ထီရီ)အောလ်အိုက်ယေးဒ်ဒေးယာန်ဒေးက်ကေးဒေးဝေါက်သောသ်ဖေရွံ-အောရ်မောလီတ်ထီရီအဲဒ်ဒေးနီလ်ဒေါရ်ဂျားရ်မာဇေးအာ(န်)ရာဘာဇီးသောက်ကီးဒေးယာန်ကီယာလ်ဂေါရ်ဂျေး။ အီးသားရာဘူဂ်ဂုံ(န်)ဘီရှိဒေါရိုက်ယော့ရေးအာ(န်)ရားကီးယောလ်လားအီဂျစ်(ဖ်)အော့ရေးပေးလိုက်အိုက်ရှ်ရှိ။ အာ(န်)ရာဘူဂ်ဂုံ(န်)အောရ်သူမောရီဇာဂိုယိယ်ဖေါရီဘိုဟိုယိယ်”ဟာ(န်)ဒါ(ရ်)ရှုရုဂေါရ်လို။
‘နော်ဘီမူဆာ’ယေအစ္စရေး(လ်)ဇာသီအောလ်အောရေး”နောဒေါရိုက်ယော့”အလ္လာဟ်သာလာယေသူ(န်)ဝါ(န်)ရာရ်လားလာရိုက်မောဒေါသ်ဒီပေးရိုက်(ထ်)ယော့ရေးသူ(န်)ဒါးရာရေးဘာဆိုက်ဘိုဟိုယိယ်”ဟောယေး။ယာရ်ဘာဒေအလ္လာဟ်သာလာယေ “နော်ဘီမူဆာ”ရေးမာနူရ်အောလ်အောရေးနီလ်ဒေါရ်ဂျားရ်အူဇူလာဂါသာရ်ဇိုက်သိုဟော၊ဟိုယိယ်-ဟောယေး။
ယာရ်ဘာဒေဒေါန်(ရ်)မျိုလားဂါးန်အစ္စရေး(လ်)ဇာသီအောလ်အောရ်ဖူ(န်)ဝါးသီအီဂျစ်(ဖ်)ဇာသီ(ရ်)မာဇေးဟာ(န်)ရီ(ထီ)ဇိုက်ယောရေးရာသီယအိုအိန်အောရ်အူဇာလ်ဘောနီဂီယိုယိယ်။အီဂျစ်(ဖ်)ဇာသီအောလ်အေးအစ္စရေး(လ်)ဇာသီးအောလ်အောရ်ရေးဂု(န်)ရာ(တာ)ရိုက်(သ်)နောဒေကေး။
ယာရ်ဘာဒေအလ္လာဟ်သာလာယေ”နော်ဘီမူဆာ”ရေးဒေါရီယာရ်အိုရေ”လာတီ”လိုယိယ်မာရီးဘောရ်လ်လားအလ္လာဟ်သာလာဟောကူမ်ဒီယေ။ဒေါရီယာရ်ပါးနီရေးဒွိယိယ်ဘာဂါဂေါ့ရီယော့ရေး”ရာစ်သာ”အဲက်ကားန်ဂေါ့်ရီးဒီလို။
အစ္စရေး(လ်)ဇာသီအောလ်အေဒေါရီယားရေးပါရိုက်ယော့ရေးဖေါနားမေရီး(ထီ)ဘိုက်ဂီးယိုယိယ်။
ယာရ်ဘာဒေအီဂျစ်(ဖ်)အောလ်အေးအစ္စရေး(လ်)အောလ်ဂီယေးဒေးဒေကီယော့ရေးအစ္စရေး(လ်)ဇာသီအောလ်အောရ်ရေးဒေါ့ရီဘောလ်လားဖီဆောရ်သူဇာရ်ရှုရုဂေါရ်လို။
အေးဝေါက်သောသ်အစ္စရေး(လ်)ဇာသီအောလ်အောရ်ဒိုအဲလ်ဒေါရီယာရ်မာဇောရ်ရာစ်သာမောဇိန်အိုက်လို။မောဂေါရ်အလ္လာဟ်သာလာယေအီဂျစ်(ဖ်)ဇာသီအောလ်အောရ်ဂူရာရ်ဂါရီးအောလ်ဂေါ(န်)ရီဇောန်အောရ်ဇောရီယာမုမ်မိက်ကားဇိုက်နောပါးရီးယော့ရေးဒေါရိုက်ယောရေးဟာပေး(ရ်)။အီးသားရာရေးဒု(န်)ရောဟိုယိယ်-အလ္လာဟ်သာလာရ်ဂိုက်ဘီမောဒေါသ်အောရ်အာဘာစ်အောလ်အိုက်ယေးရ်ဒေးဖူနားဇာရ်။
အစ္စရေး(လ်)ဇာသီအောလ်ဘူဂ်ဂုံ(န်)အေအာရ်အဲက်ကူလေဖေါ(န်)ရှေ့ရာအလ္လာဟ်သာလာယေ”နော်ဘီမူဆာ”ရေးအာရ်အဲက်ဘာရ်ပါနီရ်အိုရေးလာတီလိုယိယ်မိုက်(ရ်)သိုဟောကူမ်ဒီယေ။”နော်ဘီမူဆာ”ယေအဲန်ဒိုလ်လာဂေါရ်ဂျေးဒေးဝေါက်သောသ်ဒေါရီယာအာဂေါရ်ဒိုအဲလ်အောန်အောန်ဇောရီးယာဖေရွံ-ဘာရှ်ရှားအာရ်အီးဘားရ်ဖီဆားလီလောရှ်ကောရ်အောလ်ဘူဂ်ဂုံ(န်)ပါနီသ်ဒူဖီဂီယိုယိယ်။
အစ္စရေး(လ်)ဇာသီအောလ်အေးအီဂျစ်(ဖ်)ဇာသီအောလ်မောရီဘီယိုယိယ်ယာန်ဒေကီးယောရေးအီးသားရားအလ္လာဟ်သာလာရေး”ဘိရှ်ရှားရှ်(စ်)ဂေါ်ရီဘာဒေ”နော်ဘီမူဆာ”ယိုးအလ္လာဟ်သာလာရ်”နော်ဘီ”ဒေးဘိရှ်ရှာရှ်(ခ်)ဂေါ်ရီးလို။
အလ္လာဟ်သာလာယေအစ္စရေး(လ်)ဇာသီအောလ်အောရေး”မိုအိုသ်”အောရ်မောဆီယောသ်အောရ်သူဘာဆိုက်ယေးဒေးယာန်ဘာဒေ”အဲက်ရှောသ်”ဘောဆောရ်အောရ်ဂျားရ်ဂူလာမိသ်သူဘာဆိုက်ယေးဒေးယာန်အောလ်လားဘိရှိကျရှိကျရှိအောယေး။အောဟောန်အောသ်အီးသားရာအလ္လာဟ်သာလာရေးအာဇာဒိရ်ဆာ(န်)ညေဘိရှ်ရှာရှ်(စ်)ဂေါရီးမာနေ(ရ်)။အလ္လာဟ်သာလာယေအီးသားရာရေးအီဂျစ်(ဖ်)အောရ်ဖေရွံအောရ်မေလီထ်ထီရိရ်သူဘာဆိုက်ယေးဒေးယာန်အောလ်လားအာဇာဒိရ်ရှဲရ်အောလ်ဖေါရီယော့ရေးအလ္လာဟ်သာလာရ်ရှကူရီယာဂေါ်ရေးရ်။
အလ္လာဟ်သာလာယေအစ္စရေး(လ်)ဇာသီအောလ်အောရေးအီဂျစ်(ဖ်)အောလ်အောရ်အို(ရ်)သူဇိသ်လိုယိယ်ဒီယော့ရေးဂုလာမိရ်သူဘာဆိုက်ယေးဒေးယာန်အောလ်လားဘောလီအဲန်ဒိုလ်လားကူးရှိရ်ဒိန်အီးဘားရေးဖေါရ်သီဘောဆောရ်ဘာနိုက်ဘောလ်လာဟိုယိယ်ရိုက်ကေး။အေဒိန်အီးဘားရေး”ပါသိယာ”ရ်ဒိန်ဟိုယိယ်မာသာဇာ။အေးဒိန်အီဘားရေးဘာနိုက်နာဒေအေးဒိန်သာဇားအာရာမ်အာရာမ်မာဆောလ်အုဂ်ဂွါးရေးဇောဘားဂေါရီးယော့ရေးဖီရာ(နာ)ဆ်)သာအောလ်ဘာနိုက်ယော့ရေးရာ(န်)ဒီယော့ရေးဟာဇာ။
A Bible story from: Exodus 12:33-15:21