၂၇. ရာဟာမ်ကော်ရောမ်ဂေါ်ရေးဒေးစာမာရီတာန်အောရ်မေစာလ်
အဲက်ဒိန်ပါက်ကာလမ်ဇာနော်ယောရော်ဆူးလ်အုဂ်ဂွါးယေးအီဆာရ်ဟာ(န်)ဆေးအိုက်(ရှ်)ရှေ့။အေးပါက်ကာလာမ်ဇာနော်ယာရော်ဆူးလ်နော်ဘီအေးအီဆာရ်နော်ဆီယောသ်အောလ်ဂေါလ်သီအောရ်ဟိုယိယ်မာနူးရှ်အောလ်အော်ရေးဒါဟိုက်ဘောရ်လားဆာရ်။အေသောလ်လားအီးဘားယး”အုဇ်သာသ်၊အာ(န်)ရာဟောနောဝေါက်သောသ်ပါးနာဒိုယိယ်ဒေးအာရ်နော်မော်ရီဒေ၊ဂျန္နသ်အောရ်ဟိုက်ယာသ်ဖိုက်ဘောရ်လားဟိုယိန်ဒိုလ်လာဂေါ်ရားဖေါ်ရီးဘိုး”ဟိုယိယ်ဖူဆာန်ဂိုယိရ်ဂျေးရာ”အလ္လာဟ်သာလာရ်”ဟော်ကူမ်ကာနူံ(န်)အောသ်ဟောန်ဒိုလ်လာ”လေးက်ကေး”ဟိုယိယ်အီဆာယေးဝါဖဲစ်ဖူဆာရ်ဂိုယိရ်ဂျေး။
အေးမာနူးရှ်အေးအလ္လာဟ်သာသာရ်ဟော်ကူမ်-ကာနုံ(န်)အောရ်သူးသော်ရေးဟိုယိယ်ဒေး”အလ္လာဟ်သာ လာရေးသူ(န်)ဝါးရ်ဒိလ်၊ဒေမာဂ်၊ဖူရာအာဇာယေဂျော်ဝါရ်”လိုယိယ်မူဟာဘ်ဘောသ်ဂေါ်ရော့။သူ(န်)ဝါးရ်အာသာရာဖ်ဂေါ်ရောရ်ဒါကောရ်မာနူးရှ်အောလ်အောရေးယိုးဟာမ်ဒေါရ်ဒီရ်လိုယိယ်အာဒေါရ်ဂေါ်ရောဟိုယိယ်ဝါဖဲစ်ဟောယေး။အေးဝေါက်သောသ်အီဆာယေး။သူ(န်)ဝါးရ်ဂျူဝါဖ်ဆောယီအိုယိယ်ယေးဒေးယာန်အောရ်လားအဲန်ဒိုလ်လာဂိုယိရ်လေးအာဘာဒုလ်အာဘာသ်ဟောနော့ဝေါက်သောသ်ဖါးနားနောဒေးဂျန္နခ်ပိုက်ဘီ”ဟိုယိယ်ဝါဖ်ဟိုယ်ယေး။
မော်ဂေါရ်ပါက်ကာလာမ်ဇာနော်ယာရော်ဆူးလ်-နော်ဘီယေးအီး ဘာရ်အိဇ်ဇောသ်လိုယိယ်သားကီး ယော့ရေးဆောယီးဒေးယာန်ဒါဟိုက်ယေးရာအီးဘားအီဆာရေး”အဲန်ဒိုလ်လာဟိုယိယ်လေး”ဟောန်နွ”အာ(န်)ရ်ဒဲန်(ဂ်)ဂေါရ်ဂျားဘာန်ဂေါရ်ဂျားအိုယိယ်ဘိုးဟိုယိယ်ဖူးဆာရ်ဂိုယိရ်ဂျေး။
အီဆာပါက်ကာလာမ်ဇာနော်ယာရော်ဆူးလ်နော်ဘီရေးအဲက်ကားန်ကာဟာနီလိုယိယ်ယော့ရေးမေစာလ်ဒီဝါဖ်းဂျူဝါဗ်ဒီယေး။”အုဂ်ဂွါးယာဟူးဒီဂျေရုဆာလာမ်အောရ်သူယေရိခေါ်သ်မူဆာဖီရီသ်ဂီယေး။
မော်ဂေါရ်အီးဘားရရေးရာစ်သာရ်မှာဇေးဒါဟာသီဂိုယိရ်ဂျေး။ဒါဟိုက်(သ်)အောလ်အေးအီးဘားရ်သူအိုက်(ရှ်)ရှိလ်ဒေးမာလ်စာမာနာအောလ်ဘိဂ်ဂိန်ဟာရီလိုယိယ်ယော့ရေးဖေါ်ရာန်ဇာရ်အော်ဖေါန်မာရီယော့ရေးပေး လိုက်ဂီယိုယိယိ။
ယာရ်ဘာဒေးအဲန်ဒိုလ်လာမာဟူးဒီးရ်ဒေါရ်မောရ်ဒေါန်(ရ်)အဲက်ဇောန်အေးအေးရာစ်သာမော်ဇိန်မူဆာဖေရီးဒ်ဇာရ်ဒေးဝေါက်သောသ်မာနူးရှ်ဖေါ်ရီးရောယိယ်ယေးဒေးဒဲက်ကေး။အေးဒေါရ်မောရ်ဒေါန်(ရ်)အေးအိုမာနူးရှ်ရွှာရေးနော်ဒေကားရ်ဘာဟာနာဘာနိုက်ယော့ရေးဂေါ်ရာဇီဂေါ်ရီနီဇောရ်မူဆာဖီရီရေးလာဂါသာရ်ဂီယး။
အဲန်ဒိုလ်လာလေဝိဟာန်ဒါနီအဲက်ဇောန်အေးအေးရာစ်သာမော်ဇိန်အိုက်ယဲရ်။လေဝိဟာန်ဒါနီအောလ်အိုး အစ္စရေး(လ်)ဟာန်ဒါနီအောလ်အောရ်ဘူးသောရ်သူအုဂ်ဂွါးဟာန်ဒါန်အိုယိယ်ယော့ရေးအေဘာဒေါသ်ဂါရ်ဘူးသောရေးဒေါရ်မောရ်ဒေါန်(ရ်)အောလ်အော်ရေးမော်ဒေါသ်ဂေါ်ရော့ယာရ်ဘူးသော့ရော့သ်သူ့အိုက်(ရှ်)ရှိလ်။အေးလေဝိအောလ်အိုးအိုမာနူးရှ်ရွှာရေးနော်ဒေးကေးဒေးဘာဟာနာဂေါ်ရီးဂီယိုယိယ်။
အေးရာစ်သာမော်ဇိန်အိုက်ယဲရ်ဒေးအာရ်အုဂ်ဂွါးမာနူးရှ်အိုယိယ်ဒေးစာမာရိထန်အဲက်ဇောန်။(စာမာရိတန်အာရ်အစ္စရေး(လ်)အောလ်အဲက်ဒိုက်လိုယိယ်၊အဲက်ဒိုက်ဒုရှ်မော်နာမောနီအော်လာယိုး)။အေးစာမာရီတန်အေရာစ်သာရ်မာဇေးဖေါ်ရီးရိုယိယ်ယေးဒေးမာနူးရှ်ရွှာရေးဒဲက်ကေး။အီးဘားအေးမာနူးရှ်ရွှာအုဂ်ဂွါးဟဟူးဒီဒေးယာန်ဒေကီးလိုယိုးအီဘားရးမော်ဒေါသ်ဂိုယိရ်သိုးဘိရှိမော်နေဟောရ်။အေးသောလ်လားဘော့လီးမာရိတန်အေအေးမာနူးရှ်ရွှာရ်ဒုက်ဖိုက်ယေးဒေးအေးရေးဒါဘိုက်အောလ်လီဖီဒီယော့ရေးဘာ(န်)ဒီး ဒီယေး။
ယာရ်ဘာဒေစာမာရိတန်ဇာသီဂွါးယေးအီးဘာရ်”ဘာထီ”ဂုရာရ်အိုရေနီဇေဘာဇေဟာ(န်)ဒေါသ်လိုယိယ်သူလီးယော့ရေးဒါကေးအာသေဟာ(န်)ဆေးအာဆေးဒေးဘိုးဒိန်(ဂ်)အောသ်မာသိုက်လိုယိယ်ဇိုက်ဘားဒေးအေးဇာဂါသ်အီးဘားရေးလာဂါသာရ်ဟဲက်မောသ်ဂိုယိရ်ဂျေး။
“အာရ်အဲက်ဒိန်စာမာရိတန်ဇာသီဝါးအီးဘားရ်မူဆာဖေရီရေးလာဂါသာရ်ဇာဖေါ်ရ်ဒ်ဒေးယာန်အောရ်လားအီးဘားဘိုးဒိန်(ဂ်)အောရ်ဂီရောစ်အော်ရေးတိ(န်)ယာကိစ်ဆူးဒိယော့ရေး”အိုဒုက်ဖိုက်ယေးဒေးမာနူရှ်ရွှာရေးကီယာလ်ရာကီဘောရ်လားအော်ဟောန်ဒီယေးဒေးတိ(န်)ယာရ်သူဝါးရိုဘဲရှ်ဟောစ်ဆားအိုယိယ်လေးယိုးအိုင်(င်)ဝါဖဲစ်ဒီယုံမ်”ဟိုယိယ်ဟော်ကူမ်ဒီယေး။
ယာရ်ဘာဒေအီဆာယေးပါက်ကာလာမ်ဇာနော်ယာနော်ဘီရောဆူလ်အော်ရေး”သွိယိန်ဟောန်ဒိုက်လာဘူးဂျ်ဂျော့်။အိုးမာနူးရှ်သိန်နွါရ်ဘူးသောရ်သူ”ဒါဟိုက်သေမိုက်(ရ်)ဂျေးဒေးအီးဘားရ်ဂေါ်ရောရ်ဒါကောရ်အသာရာဖ်ဟောန်ဟိုယိယ်ဆူဆာရ်ဂိုယိရ်ဂျေး။”အီးဘားရေးရာဟာမ်ကောရောမ်အောရ်ဆာ(န်)သေးဟဲက်မောသ်ဂေါ်ရောယာ”ဟိုယိယ်ဟောယေးဒေးဝေါက်သောသ်အီဆာယေး”သွိယိန်ယိုးအဲန်ဒိုလ်လာဂေါ်ရော့ဟိုယိယ်ဟောယေး။
A Bible story from: Luke 10:25-37