၅. ဝါဒါဟသားရ်ဖူဝါ

နောဘီအီဗြာဟိမ်အာရ်စာရာယေ(ခါနာန်)အောသ်ဖော(န်)(ချ်)ဒေးဒေရှ်ဘောဆောရ်လောသီးအော(ယိုယ်)လေ့ယိုအီးသားရာရ်သူးဖူဝိုင်ဆူးဝိုင်နောအော့။အေးဝေါက်သောသ်နောဘီအီဗြာဟိမ်အောရ်ဘိုစာရာယေအလ္လာဟ်သာလာရေအာ(န်)ရေးဖူဝါဘီယိုက်ဘောရ်မိုကာ(အေဂျာဇောသ်)နောဒေ။အိုင်ဖူဝါဘီယိုက်ဘောလ်လားဘီရှိဘူရာအို(ယိယ်)ဂီအီးဂို(အိအ်)အီဘာဒါဆေးဟာမ်ဂေါ်ရောယာ(ဘာ(န်)ဒီ)”ဟိုက်ဂျေရာ။အာ(န်)ရ်လားဖူဝါဘီယိုက်ဘောလ်လားဘိယာဂေါ့်ရော့ဟို(ယိယ်)နော်ဘီအီဗြာဟိမ်အောရေးဟောယေ။

အေးသာလ်လားဘော့လီးနောဘီ”အီဗြာဟိမ်”အေး”ဟိုက်ဂျေရာ”ရေးဘီယာဂေါ့်ရီးလို့။ဟိုက်ဂျေရာယေ”မိုရောသ်”ဖူဝါအုဂ်ဂွါးဘီယိုက်ယော့ရေး။နောဘီအီဗြာဟိမ်အေးအီးဘာရေးအစ္စမိုင်(လ်)ဟို(ယိယ်)နာမ်ဒီယေး။ကိန်သူ”စာရာ”ယေ”ဟိုက်ဂျေရာရ်”လို(ယိယ်)ယော့ရေးဂုရှ်ရှားယောယိယ်ယေ။အစ္စမိုင်(လ်)သေရော့ဘော့ဆောရ်ဖူရာယေးဒေးဝေါက်သောသ်အလ္လာဟ်သာလာယေနောဘီအီဗြာဟိမ်အောရေးအာရ်အဲက်ဘာရ်ဟောသားဟို(ယိယ်)လို့။

အလ္လာဟ်သာလာယေ”အိုင်ဒါဆေးဘီရှီဒေါ(န်)ရ်ဂိရောစ်အော(ယိယ်)ရေးအိုင်သူ(န်)ဝါရ်လို(ယိယ်)အာရ်အဲက်ကားန်လဲန်ဒန်ဂေါရီးယုမ်ဟို(ယိယ်)ဟောကူမ်ဂေါရ်လို့။အေးထိုင်(မ်)အောသ်နောဘီအီဗြာဟိမ်အေမေတီရ်အိုရေစဂျဒဟ်(ဒါးသ်)ပေါ်ရီလို။အလ္လာဟ်သာလာယေ”သူ(န်)ဝါရ်(န်)ရေးဒဲရှ်အောလ်ဘေရှားဘီရှိရ်”ဘာဖ်”အို(ယိယ်)ဘာ။အိုင်(န်)သွိ(ယ်)န်အာရ်သူ(န်)ဝါရ်နောဆောလ်အော‌ရေးအေ”ခါနာန်”အောရ်ဂီရောစ်ဘာနိုက်ဘာဒေ၊ အိုင်(န်)ဒါဆေးသူ(န်)ဝါးရာရ်မာဘူသ်(ဂီရောစ်)အောယုမ်။သူ(န်)ဝါးရ်ဂေါရ်ဝေါ်လာရ်ဘူးသောရေးအာဆေးဒေးမိုရောသ်ဖူဝိုင်(န်)အောလ်ဘုဂ်ဂေါန်အောရေ”ဆုန်နောသ်”ဂေါ်ရောဟို(ယိယ်)နောဘီအီဗြာဟိမ်အောရေးဟောယေ။

“သူ(န်) ဝါရ်ဘို’စာရာ”ဒါဆေးမိုရောသ်ဖူဝါအုဂ်ဂွါးဘီယိုက်ဘို၊အီဘာဒါဆေးဝါဒါရ်ဟသားရ်ဖူဝါအို(ယိယ်) အိုက်ဘို၊အီဘာရ်နာမ်”အစ္စဟာစ်”ဟိုယိယ်ဒေါ။အိုင်(န်)အီးဘားရ်လို(ယိယ်)လဲန်ဒန်ဂေါ်ရီးယုမ်၊အီဘာဒါဆေးဘီရှိဒေါ(န်)ရ်ဒိုက်အုဂ်ဂွါးအို(ယိယ်)အိုက်ဘို။အိုင်(န်)”အစ္စမိုင်(လ်)အောရေးယို့ဒေါ(န်)ရ်ဂုရှ်ရှိအုဂ်ဂွါးအောလာဘာနိုက်ယုမ်။ကိန်သူအိုင်(န်)”အစ္စမိုင်(လ်)လို(ယိယ်၊ဝါဒါဂေါရ်ဂျီဒီယာန်အို(ယိယ်)အိုက်ဘို။ယာရ်ဘာဒေအလ္လာဟ်သာလာယေ။နောဘီအီဗြာဟိမ်အောရေးမာနူးရှ်အောလ်အောရ်ဒွိယိယ်လောမ်ဘောရ်ဘာဖ်ဘာနိုက်လို့။ယာရ်ဘာဒေအလ္လာဟ်သာလာယေ”စာရာရ်နာမ်အောရော့ရ်မာနီရေး”ရာနီ”ဟို(ယိယ်)ဟောယေ။

ယာရ်ဘာဒေနောဘီအီဗြာဟိမ်အေအီဘာရ်ဂေါရ်အောသ်အာဆေးဒေးမို့ရောသ်ဖူဝိုင်(န်)အောလ်အောရေးဆုန်နောသ်(ခေါတ်နာ)ဂေါ်ရိုက်ဒီလို။အဲက်ဘောဆော်ရ်ဘာဒေအဲက်ရှောသ်ဘောဆောရ်ဘောရှ်အောလာ”စာရာ”သာရာမိုရောသ်ဖူဝါအုဂ်ဂွါးဘီယိုက်လို့။အေးဖူဝါအီဘားရေးအလ္လာဟ်သာလာဟောယေးဒေးမောဇိန်”အစ္စဟာစ်”ဟို(ယိယ်)နာမ်ရိုက်ကေး။

အစ္စမိုင်(လ်)ဖေါရ်ဖေါရ်ဂျာအောရ်ဒေးဝေါက်သောသ်အလ္လာဟ်သာလာယေ”နောဘီအီဗြာဟိမ်”အောရ်ဒိလ်သို့လိုက်ဘောလ်လားအဲမ်သားန်အီဆားဖ်ဖါးသူ(န်)ဝါရ်အဲဂ်ဂုလ်လားဖူဝါ”အစ္စမိုင်(လ်)အောရေးမာသိုက်လောယောရေးအာန်(ရ်)လား”ကုရ်ဘာနီ”ဒေါဟောယေ။”နောဘီအီဗြာဟိမ်”အေးအလ္လာဟ်သာလာရ်ဟော-ကုမ်မောဇိန်_မာနီဘောလ်လာ_အဲန်သေဇာမ်ဂေါရ်လို့။

နောဘီအီဗြာဟိမ်အာရ်အစ္စမိုင်(လ်)သာရာကုရ်ဘာနီဂေါ်ရီဘောလ်လာဟာ(န်)ရီ(တီ)အိုက်ယေးဒေးဝေါက်သော်သ်”အစ္စမိုင်(လ်)အေဘာဖေကုရ်ဘာနီဂေါ်ရီးပါရီးဘောလ်လာဒါရ်ဂွါးအာ(န်)ရာရ်သူအာဆေး။”အစ္စမိုင်(လ်)အေယိုးအလ္လာဟ်သာလာရ်ဟောကူမ်(အောဒါရ်)မောဇိန်ဂေါ်ရာ၊အိုင်ရာဇီအာဆီးဟို(ယိယ်)ယောရေးဟောယေး။အေးဝေါက်သောသ်နောဘီအီဗြာဟိမ်အိုကုရ်ဘာနီဂေါ်ရီးဘောလ်သောယာရ်အို(ယိယ်)ဂီယိုယိယ်။

ကုရ်ဘာနီဂေါ်ရီဘောလ်လာကုရ်ဘာနီရ်ဂါး(ဇ)ဂါ-သ်)ပေါန်(ရှ်)ရှေ့ဒေးဝေါက်သောသ်”နောဘီအီဗြာဟိမ်”အေအီဘားရ်ဖူဝါအစ္စမိုင်(လ်)အောရေးရောဆီးလို့ယိယ်ဘာ(န်)ဒီယောရေးကုရ်ဘာနီဂေါရေးဒေးဇာဂါသ်မှာဇေးပေလိုက်ယေ။အီဘားရ်ဖူဝါရေးကုရ်ဘာနီ(ဇဘာ)ဂေါရီးဘောရ်ဝေါခ်သောသ်အလ္လာဟ်သာလာယေ”သိယိုက်ဇာဂို(ယိယ်)”ဖူဝါရေးဒုက်ပါပေါန်နောဂေါ်ရိစ်၊အိုင်(န်)ဒီယီဒေးသောရ်အဲဂ်ဂုလ်လားဖူဝါရေး(ဒ်)ဒိုးကုရ်ဘာနီ(ဇဘာ)ဂေါ်ရီးဘောလလားသော်ယာရ်အောယောစ်၊အာရ်အာ(န်)ရေးဒေါ်ရာယောစ်၊အိဇ်ဇောသ်ဂေါရ်ဂျေစ်၊ဘိရှ်ရှာစ်ဂေါ်ရောစ်ဒေ့ယာန်အောရေးအိုင်(န်)ဟိုယိယ်(ဇာနိ)ပါးရ်ဂျီ။

အာသေဟာ(န်)ဆေးအာဆေးဒေးဇော(န်)လ်အောရ်ဘူးသောရေး(ဒုမ်ဘာ)အု(န်)တ်အုဂ်ဂွါးရေးနောဘီအီဗြာဟိမ်အေးဒေကီးလို့။အလ္လာဟ်သာလာယေ”အစ္စမိုင်(လ်)အောရ်ဘောဒေလာရ်မာဇေးကုရ်ဘာနီဂေါ်ရီးဘောလ် လားဒီယေးဒေယာန်အောလ်လား”နောဘီအီဗြာဟိမ်”အေးမူရာလ်လား”အု(န်)တ်-ဒုမ်ဘာ”အီးဘာရေးဘောဒေလာပိုက်ယောန်အောရ်ဇော်ရီးယာကူးရှိအို(ယိယ်)ကုရ်ဘာနီဂေါ်ရီးပေလိုက်လို့။

ယာရ်ဘာဒေ့အလ္လာဟ်သာလာယေ”နောဘီအီဗြာဟိမ်”အောရေးသွိ(ယိန်)သူ(န်)ဝါရ်အုဂ်ဂွါးဖူဝါအာရိုးရှိစ်ဘိဂ်ဂိန်အောရေးယိုအာ(န်)ရေးဒိဘောလ်လာဘောရ်နောဂေါ်ရော။အေးသောလ်လာဘော့လီသူ(န်)ဝါရ်အိုရေးရဟ်မောသ်-ဘောရ်ကောသ်အောလ်အိုးက်-ဝါဒါမော်ဇိန်အိုးသူ(န်)ဝါးရ်အာနေဝါလာနော်ဆောလ်အောလ်အောရ်အိုရေးယိုးအာစ်မောန်အောအိုရေအာဆေးဒေသာရာအောလ်အောသ်သိုးရိုးဘဲရှ်အို(ယိယ်)အိုက်ဘို။သွိ(ယ်-န်)အာန်(ရ်)ဟောသားရေးပွိ(ယိယ်)နောဒေါ့ယာန်အောလ်လာဘော့လီးဒူနီယာရ်အိုရေအာဆေးဒေးဂေါရ်အော် လာဘုဂ်ဂူးနော်ရေးသူ(န်)ဝါရ်ဂေါရ်အောလာရ်သောရ်ဖေါရ်သူးအိုင်(န်)ရဟ်မောသ်ဘောရ်ကောသ်ဒီယူမ်”ဟို(ယိယ်)ဟောယေ။

A Bible story from: Genesis 16-22