၃၀.အီဆာယေးဖါး(န်)စ်အာဇာရ်မာန်ရှော်ရေးဟားဘားလူဝါဂေါ်ရောန်

အီဆာယေးအီးဘားရ်ဆွာဟာဘားအောလ်မာနူးရှ်အောလ်အော်ရေးဘိုယာန်နော်ဆီယောသ်ဂေါ်ရီးဖါးရေးဖေါန်ဇာဘောဇာဂါသ်ဖါရာအောလ်အောသ်ဒီပေးရိုက်(ထ်)ယေး။အီးသားရာအီဆာအာဆေးဒေးဇာဂါသ်ဝါဖ်အိုက်(ရှ်)ရှေ့အောဝေါက်သောသ်အီးသားရားကီကီဂိုယိရ်ဂျေးအိန်ဝါဖဲစ်ဟိုယိယ်ဒါဟိုက်ယေး။ယာရ်ဘာဒေးအီးဆာယေးအီးသားရာရေးဖိုးအိုရ်အောရ်အဲက်ဟာ(န်)ဆာသ်တာန်ဒါနီဇာမ်ဇာဂါသ်မာဇေးဇိုက်ယော့ရေးအာရာမ်ဂေါ်ရီးဘောရ်လားမာသိုက်ယေး။အေးသောလ်လားအီးသားရားနော်အဲက်ကားန်အောရ်အိုရေးအူရီ(ထီ)ယော့ရေးဖာနီးရ်ဖိုအိုရ်အောရ်အာရ်အဲက်ဟာ(န်)ဆာသ်ဖါရိုက်ဂီယိုယိယ်။

မော်ဂေါရ်ဆီဆာအာရ်အီးဘားရ်ဆွာဟာဘာအောလ်နော်လိုယိယ်နေလီဂီယိုယိယ်ဒေးယာန်မာန်ရှေ့ဒဲက်ကေး။အေးမာနူးရှ်အောလ်အေးအီဆာသာရားရ်သွားရိုးအာဂေဖေါ(န်)ဆေးဖေါန်ဖိုအိရ်အော့ရ်အာရ်အဲက်ဟာ(န်)ဆာရ်အူဇူဟာ(န်)ဆာရ်သူ့ဂုရီးယော့ရေးဒူ(န်)ရီးဂီယေး။အီဆာအာရ်အီးဘားရ်ဆွာဟာဘာအောလ်ဖိုအဲန်(ချ်)ရှေ့ဒေးဝေါက်သောသ်ဒေါ(န်)ရ်မာန်ရှောရ်ဒိုက်ယေးအီးသားရာရ်အာဂေဖို(န်)ဆီးယော့ရေးအီးသားရေးအဲစ်သဲက်ဘာလ်ဂေါ်ရဲရ်။

အေးမာန်ရှောရ်ဒိုက်ရ်ဘူးသော်ရေးမာယာဖူဝိုင်(န်)အာရ်ဂုရာဖူဝိုင်(န်)အောလ်အိုးအော်ဂေါ်နာအာဆေးအာရ်မိုရောသ်ဖူဝိုင်အိုးဖါး(န်)အာဇာရ်အိုက်(ရှ်)ရှိလ်။အီဆာယေးဆောလ်ဆော်ရော်ယာနိုက်ဒေးဂုရာဆောလ်အောလ်လိုယိယ်အဲက်ကူဒိလ်လာအိုယိယ်ယေးဒေးအေးမာနူးရှ်အောလ်အောရ်အိုရေအာန်(ရ်)ဒိလ်အောသ်ဘိရှိရာဟာမ်အိုက်ယော့ရေးအီးသားရာရေးနော်ဆီယောသ်ဂိုယိရ်ဂျေး၊အာရာမ်နိုက်ဒေးမာနူးရှ်အောလ်အော်ရေးဘီယာရာမ်အာရာမ်အော်ဖေါ့န်ဒူအာဂိုယိရ်ဂျေး။

အေးဒိန်ဟားဇုန်နာအိုယိယ်ဘောရ်အာဂေါရ်သူ့ဆွာဟာဘာအဲက်ဇာန်အေအီဆာရေးဘိရှိဒေရီဂိုယိရ်ဂျီလ်၊အာသေရာဖ်အောသ်အိုး-ဖါရာ-ရှောရ်အောလ်နူဝါရ်ရှိလ်။အေးမာနူးရှ်အောလ်အေးဟော်နော့အဲက်ကားန်ဇိုက်ယော့ရေးဟိုက်ဖါရေးဖေါန်ဒီပေးရော(ထ်)ဟိုယိယ်ဒေါရ်ဟာဆ်ဂိုယိရ်ဂျေး။

မော်ဂေါ်ရ်အီဆာယေးဆွာဟာဘီအောလ်အော်ရေး”သူ(န်)ဝါးရားအီးသားရာရေးဟိုက်ဘောရ်လားကိစ်ဆူးဒေါ်ဟိုယိယ်ဟော့ကူမ်ဒီယေးရားဆွာတာဘားအောလ်အေး”အာ(န်)ရာရ်သူ့အာဆေးဒေးရုထီဖါး(န်)စ်စ္စအာရ်ရှော(န်)ရော(ထ်)မာစ်ဒူဝါအိုက်ရှ်ရှိလ်ဒေးယာန်အောလ်လားအေမာန်ုရှောရ်ထာလ်အော်‌ရေးကဲန်ဂေါ်ရီးဟိုက်ဘိုက်ဖါရီးဘိုးဟိုယိယ်ဖူဆားရ်ဂိုယိရ်ဂျေး။

အီဆာယေးဆွာဟာဘာအောလ်အော်ရေးအေးမာန်ရှောရ်ထာလ်အော်ရေးအဲက်ဒိုက်(ရ်)မာဇေးမာနူးရှ်ဖေါန်ဂျိုင်(န်)ဇောန်အောရ်ဒေါ်ရေကဲရ်အောရ်အိုရေဘိုယိယ်ဘောလ်လားဟိုယိယ်ယေး။

ယာရ်ဘာဒေးအီဆာယေးအေးရုထီဖါး(န်)စ်စွအာရ်မာစ်ဒူနုဝါးရေးလိုယိယ်ယော့ရေးအာစ်မောန်အောရ်အူဇုဆိုက်ယော့ရေးအော်ဟောန်အောရ်ဟာနာအောလ်အောရ်လားအလ္လာဟ်သာလာရ်ရှုကုရီယာအာဒါဂိုယိရ်ဂျေး။

ယာရ်ဘာဒေးအီဆာယေးရုထီဖါး(န်)စ်စွအာရ်မာစ်ဒူဝါးလိုယိယ်ဟာန်ဒါဟာန်ဒါဂေါရီးဆီးရီးယော့ရေးအီးဘားရ်ဆွာဟာဘားအောလ်အောရ်အားသားမာနူးရှ်အောလ်အော်ရေးဘော်ရာသ်ဂေါ်ရီးဒီယာဘိုက်ယေး။ဆွာဟာဘာအောလ်အေးဟာနာအောလ်အော်ရေးဘော်ရာသ်ဂေါ်ရီးဒီယော့ရေးဖူရိုက်နော်ဇိုက်ဂိုယိယ်မာနူးရှ်အောလ်အော်ရ်မောန်အေဟောဒေးအေဒုံန်ဖဲထ်ဘော့ရီးဟိုက်ယေး။

ယာရ်ဘာဒေးဆွာဟာဘာအောလ်အေးနာဟိုက်ယော့ရေးဘိုက်(ရ်)ဆေးဒေးဟာနာအောလ်အော်ရေးဘိုးယိတ်ငွေးရား၊ဒေါ(န်)ရ်ဒူလာဘာ‌ရောဝါးရ်အာန်ဒါစ်ဘာဆီဂီယိုယိယ်။အေးဟာနာအောလ်အော်ရေးရုထီဖါး(န်)စ်စွအာရ်မာစ်ဒူဝါရ်သူအလ္လာဟ်သာလာဒိယေးဒေးဘောရ်ကောသ်လိုယိယ်ဖိုက်ယေးဒေး။

A Bible story from: Matthew 14:13-21; Mark 6:31-44; Luke 9:10-17; John 6:5-15