၄၂. အီဆာဂျန္နသ်အောသ်ဝါဖဲစ်အိုက်ယောန်
အီဆာရေးအလ္လာဟ်သာလာယေးမောရာရ်ဆူရောသ်အဲဟ်သီယာရ်ဂေါ်ရိုက်(လ်)ဒေးအဲန်သူဝါဖဲစ်ဒါဟာဒီဘိုးဒေးအေးဒိန်အီးဘားရ်ဆွာဟာဘာဒူဝါဒါကောရ်ရှောရ်အောသ်ဇိုက်ယော့ရေးသိုက်ကီးလ်။အီးသားရားဟာ(န်)ရီ(ထီ)ဟာ(န်)ရီ(ထီ)အီဆာရ်သူအိုယိယ်မာမေလာအောလ်အော်ရေးဟိုယိယ်ဟိုယိယ်သိုက်ကေး။အီးသားရားအီဆာရေး၊အီးဘားအေလ်မစ္စဟ်အိုးက်ဟိုယိယ်ဒူအာဂိုယိရ်လေးယိုးအီးဘားမာရာဟိုက်ယေး။အောဟောန်အီဆာရ်အိဇ်ဇောသ်ရှောရ်မာန်ဘာကီအာဆေးဟိုယိယ်မာယာဖူဝိုင်(န်)အောလ်အေးဟောရ်။အီးသားရားကီယော့ရေး(ဟောန်နိန်)အော်ရေးယေကိန်-င်ဘိရှ်ရှာစ်ဂေါ်ရားဖောရိးဘိုးဟိုယိယ်နော်ဖါရေး။
အီဆာယေးအီးသားရာရ်ဒါကေးအိုက်ယော့ရေးအီးသားရာရ်ဖွာန်သီးဟာ(န်)ရီ(ထီ)အိုက်လေးယိုးအီးသားရာအီဆာရေးကီယာလ်ဂေါ်ရီးနောဖါရဲရ်။အီဆာယေးအီးသားရားရေးကီယောရ်ဟော်သာဟောရ်ဒေးဟိုယိယ်ဖူးဆားရ်ဂိုယိရ်ဂျေး။အီးသားရားအီဆာရေးဂဲလ်ဒေးဟောအဲက်ဒိန်အောသ်အိုယိယ်ယေးဒေးအီဆာရ်မာမေလာအောလ်ဘိဂ်ဂိန်အော်ရေးဟိုယိယ်ယေး။အီးသားရာဂျေရုဆာလာမ်အောသ်အိုယိယ်ယေးဒေးမာမေလာအောလ်အော်ရေးနော်ဇာနဲဒေးအိုယိန်နော်ဒဲချ်အိုယိသ်သားအဲက်ဇောန်ဟိုယိယ်ဘူဂျ်ဂျေးအီဆာရေး။
ယာရ်ဘာဒေးအီဆာအလ္လာဟ်သာလာရ်ပါက်ကာလာမ်အောသ်ဟိုယိယ်ယေးမော်ဇိန်အလ်မစ္စဟ်ရိရ်ကိစ္စ-ဟာလောသ်အောလ်အော်ရေးဘူဇိုက်လိုး။ဟော်ရာဖ်မာနူးရှ်ဇာလဲမ်အောလ်အေးအလ်မစ္စဟ်ရေးဒုက်အောလ်ဖါဘိုက်ဘိုးမော်ရေဖေါန်ဂေါ်ရီးဘိုးဟိုယ်-အာဂေါရ်နော်ဘီအောလ်အေးဟိုယိယ်ဒါဟိုက်ယေး။မော်ဂေါရ်အာဂေါ်ရ်နော်ဘီအောလ်အေးယိုးအီးဘာသိန်ဒိန်အောရ်ဒိန်ဝါဖဲစ်ဒါဟာဒီဘိုးဒေးယာန်အိုယိသ်ဖါရေးဟိုယိယ်ဟောယေး။
အီးသားရားအေးမာနူးရှ်ဒူနူဝါးသားကေးရှောရ်အောသ်ဖိုအဲန်(ချ်)ရှေ့ဒေးဝေါက်သောသ်အာဇုန်အိုယိယ်ဂီယိုယ်ဒေရီအိုယိယ်ဂီယိုယ်၊အီးသားရားအီဆာရေးအီးသားရာရ်အဲက်ကူဖွားန်သီးဂုမ်ဇိုက်ဘောရ်လားမာသိုက်ယေးဒေးယာန်အောရ်လားအီဆာယေးအီးသားရားရ်အဲက်ဖွားန်သီးဂေါ်ရောရ်ဘူးသော်ရေးဂိုယိလ်လိုးယိယ်။အီးသားရာဘီယာလောရ်ဟာနာဟိုက်ဘောရ်လားဘိုယိရှ်ရှေ့။အီဆာယေးရုထီအုဂ်ဂွါးရေးဒေါ်ရီးယော့ရေး အလ္လာဟ်သာလာရ်ရှုကူရီယာဂေါ်ရီ၊ဒူအာဂေါ်ရီဘိစ္စမိလ္လာဟ်ဟိုယိယ်ဆီးရီးလိုး။အော်ဟောန်(ဖိုးရာန်)အီးသားရားအီဆာရ်နောဇောန်(မုန်)သူဟာ(န်)ဇီးဂီယိုယိယ်။
အေးမာနူးရှ်နီဇောန်အေးအဲက်ဇောန်လိုယိယ်အဲက်ဇောန်”အီးဘားအီဆာအိုယိယ်။အေးသောလ်လာအီးဘားယေးအလ္လာဟ်သာလာရ်ပါက်ကောလာမ်အောရ်ဟော်သားဟိုယိယ်ဒါဟားရ်ဟိုယ်ဟောယေးဖိုးရာန်သောရာသူရီအီးသားရာဂျေရုဆာလာမ်အောရ်အူဇူဝါဖဲစ်ဂီယိယ်။အီးသားရားဂျေရုဆာလာမ်ဝါဖဲစ်ဖိုအဲန်(ချ်)ရှေ့ဒေးဝေါက်သောသ်အိုယိန်နောဆွာဟာဘားအောလ်အော်ရေး”အီဆာ”ရ်အိဇ်ဇောသ်ရှောရ်မာန်ဘာဆီအိုက်(ရ်)ရှိလ်။အာ(န်)ရေအီးဘားရေးဒဲက်ကီး”ဟိုယိယ်-ဟိုယိယ်ယေး။
ဆွာဟာဘာအောလ်အေးဟော်သားဟောရ်ဒေးဝေါက်သောသ်အီဆာအီးသားရာရ်ဖွားန်သီးကာမာရာရ်ဘူးသောရေးအိုက်(ရ်)ရှေ့။အီဆာယေး”သူ(န်)ဝါး(န်)ရားရ်အိုရေးစလာမောသ်အိုးက်”ဟိုယိယ်ဟောယေး။ဆွာဟာဘားအောလ်အေးအီဆာရေးဘူသ်ဖေရောသ်ဘော်လီထာရီလေ့ယိုးအီဆာယေးသူး(န်)ဝါးရားကီယောလ်လားဒေါ်ရောရ်၊အိုင်(န်)အီဆာဒေးယာန်ကီယောလ်လားဘိရှ်ရှာရှ်စ်နော်ဇောရ်၊အာ(န်)ရ်ထဲန်(ဂ်)အောလ်၊ဟာသ် အောလ်အော်ရေဒေါ်ရီးဆော။ဘူသ်ဖေရောသ်အောလ်အောရ်သူ့အာ(န်)ရ်ဒိုယိလ်ဂါ-ဂျီစိမ်နိုက်”ဟိုယိယ်ဟောယေး။အီဆာယေးအေးသောရီကားလိုယိယ်ဘူသ်ဖေရောသ်နောယိုယိယ်ဒေးယာန်ဒါဟိုက်ယေး။ယာရ်ဘာဒေးဆွာဟာဘာအောလ်အော်ရေးမာစ်သူရာဂေါ်ရီးဒီယော့ရေးအီဆာယိုးအေးမာစ်အော်ရေးဟိုက်ယေး။
အီဆာယေးအိုင်(န်)အလ္လာဟ်သာလာရ်ပါက်ကာလာမ်အောရ်(သ်)ဟိုယိယ်ယေးဒေးအဲန်ဒိုလ်လားအိုယိယ်အိုက်(ရှ်)ရှုမ်။အဲန်ဒိုလ်လာဟာလောသ်မာမေလာအိုယိယ်ဘိုးဒေးအိုယိယ်ဘိုးဟိုယ်အိုင်(န်)သူး(န်)ဝါးရားရေးဟိုယိရ်”ဟိုယိယ်ဟောယေး။ယာရ်ဘာဒေးအီးသားရာရေးအလ္လာဟ်သာလာရ်ပါက်ကာလာမ်အောလ်အော်ရေးဘဲရှ်ဂေါ်ရီးဘူဇီးအိုက်ယေးဖေါန်ဇာနိုက်ဒီယေး။အီဆာယေးဖေါ်ရ်မာယေး-ဟိုယိယ်ယေးဘိုးသ်ဒိုလ်မော်ဆီယောသ်အောလ်ဒုက်အောလ်ဖိုက်ယော့ရေးအလ္လာဟ်သာလာရေးအာ(န်)ရေးလိုယိယ်ဂျိုက်ဘိုးယိယ်။ယာရ်ဘာဒေးသိန်လောမ်ဘောရ်ဒိန်အောရ်ဒိန်လူကိုက်ဂီလ်ဂိုယိယ်ဒေးအဲန်သူဝါဖဲစ်ဒါဟာဒီဘိုးဒေးယာန်မာမေလားယာန်အိုယိယ်အိုက်(သ်)ဖါရေဟိုယိယ်အာဂေါရ်-အာဂေါရ်ပါက်ကာလာမ်အောလ်အောသ်အိုးလေကားအာဆေးဟိုယိယ်ဟောယေး။
“အာ(န်)ရ်ဆွာဟာဘားအောလ်အေ၊အလ္လာဟ်သာလာရ်ပါက်ကာလာမ်ကီသာဗ်အောလ်အော်ရေးဘော်ရာသ်ဂေါ်ရီးဒီဘိုးဟိုယိယ်ယော့ရေးအာဂေါရ်နော်ဘီအောလ်အေးလေကီးရိုက်ကေး။အီးသားရားမာနူးရှ်အောလ်ဖေါရ်သီအဲက်ဇောန်နီဇောရ်ဂုနာဟ်-သားအောလ်အောရ်လားအာဖ်ဘုဆ်ဟိုက်သိုဗားဂေါ်ရီးဘောရ်လားဟိုယိယ်ဘိုး။အဲန်ဒိုလ်လားအာဖ်ဆုဆ်ဟိုက်သိုဖားဂိုယိရ်လေ့အီသားရားရ်ဂုနာဟ်ဟာသားဟော်ဆုရီးအောလ်အော်ရေးအလ္လာဟ်သာလာမာဖ်ဂေါ်ရီးဒီဘိုး။ဆွာဟာဘာအောလ်အေးပါက်ကာလာမ်-ကီသာဖ်အောရ်ရှရီယာတ်ဟော်ကူမ်အာဟ်ကာမ်အောလ်အော်ရေးဂျေရုဆာလာမ်အောရ်သူရှုရုဂေါ်ရီးဖေါ်ရ်သီဇာဂါသ်အာဆေးဒေးမာနူးရှ်အောရ်အောရ်ဟာ(န်)ဆေးဇိုက်ယော့ရေးဘော်ရာသ်ဂေါ်ရီးဒီဘိုး။သူး(န်)ဝါး(န်) ရားအိုင်ဂေါရ်ဂျီးဒေးအိန်းအောရ်လားအာရ်လားအာရ်ဟိုယိယ်ယီးဒေးအိန်းအောလ်လားဆုက်ဒါဟာ(အိုင်-နီ)ဂေါ်ဘားဟိုယိယ်ဟောယေး။
မုန်သူဆာလိချ်ဒိန်အောရ်ဘူးသောရေးအီဆာရ်ဆွာဟာဘာအောလ်အောရ်ဟာ(န်)ဆေးဘိုးသ်ဘားရ်အိုက်(ရ်)ရှေ့။အဲက်ဘာရ်ဖါး(န်)ရှ်ရှော့သ်မာန်ရှောရ်မုန်သူ့အိုက်(ရ်)ရှေ့။အီးဘားရ်ဆွာဟာဘာအောလ်အော်ရေးဘိုးသ်ယိယ်ဘိုဒိုယိယ်သော်ရီကာလိုယိယ်အီးဘားအိဇ်သောသ်ရှောရ်မာန်အောရ်(န်)သေးဖေါ်ရာန်လိုယိယ်ဘာဆီအာဆေးဒေးယာန်ဒါဟိုက်ဘာဒေးအလ္လာဟ်သာလာရ်ဂျန္နသ်အောရ်ဟာလောသ်အောလ်အောရ်ဘာဘောသေးဘိုယာန့်ဒီယေး။
အီဆာယေးအီးဘားရ်ဆွာဟာဘားအောလ်အော်ရေး”အလ္လာဟ်သာလာရ်ဂျန္နသ်အောရ်အာရ်ဒူနီယာသ်အာ(န်)ရေးဖေါရ်သီမာနူးရှ်အောလ်အော်ရေးဟော်ကူမောသ်ဂေါ်ရီးဘော့ရ်အေဂျာဇောသ်ဒိယေး။အေးသာရ်လားအိုင်(န်)သူ(န်)ဝါး(န်)ရာရေး၊အာရ်အိုယိန်နော်မာနူးရှ်အောလ်အော်ရေးယိုးအာ(န်)ရေးယေကိန်-င်ဘိရှ်ရှာစ်ဂေါ်ရီအိုက်ဘောရ်လားဒီပေးရိုက်(ထ်)ယေး။အဲန်ဒိုလ်လာဂေါ်ရီးဘောရ်လားသူး(န်)ဝါးရားအီးသားရာရေးအလ္လာဟ်သာလာယေး၊နော်ဗီအာရ်အလ္လာဟ်သာလာရ်၊ဝဟီ(ရုဟ်)နာမ်ဒေါ်ရီးယော့ရေးပါက်ဆာဖ်အိုယိယ်ဘောရ်ဂုဆောလ်ဂေါ်ရိုက်ဒီယာဖေါ်ရီဘိုး။အိုင်(န်)သူး(န်)ဝါး(န်)ရာရေးဟော်ကူမ်ဒီယီးဒေးမော်ဇိန်သူး(န်)ဝါး(န်)ရားအီးသားရာရေးဇာနိုက်-ရှိကိုက်ဒီယာဖေါ်ရီဘိုး။အိုင်(န်)သူ(န်)ဝါး(န်)ရာရ်ဖွားန်သီးဟာမီရှားသားကီးယုံမ်ဒေးယာန်မော်နောသ်-ယာဒ်ဂေါ်ရီးဘား”ဟိုယိယ်ယေး။
အီဆာအလ္လာဟ်သာလာရ်ဟဲစ်မောသ်လိုယိယ်လူကိုက်ဂီလ်ဂိုယိယ်ဒေးအဲန်သူ့ဝါဖဲစ်အိုက်ဘိုးဒေးယာန်အောရ်ဆာလိချ်ဒိန်ဘာဒေးအီဆာယေးအီးဘားရ်ဆွာဟာဘာအောလ်အော်ရေး”အာ(န်)ရ်ရောဘ်-အလ္လာဟ်ယေးသူ(န်)ဝါး(န်)ရာရေးကေရာမောသ်ဘောရ်ကောသ်အောလ်နော်ဒေး(အဲဟ်သီယာရ်-အောဂျာဇောသ်)နော်ဖေါ့အေးသုံ(န်)ဂျေရုဆာလာမ်အောသ်သားကော်အလ္လာဟ်သာလာယေးအလ္လာဟ်သာလာရ်ဝဟီ(ရုဟ်)လိုယိယ်သူ(န်)ဝါး(န်)ရာရ်ဟာ(န်)ဆေးဘောရ်ကောသ်အောလ်အိုက်ဘိုးဟိုယိယ်ဟောယေး။ယာရ်ဘာဒေအီဆာယေးအာစ်မောန်အောရ်အူဇူဖေါန်ဆဲရ်ဒေးဝေါက်သောသ်အဲက်ကေားန်မျိုလာမုန်သူအိုက်ယောန်အောရ်ဇော်ရီယာအီးသားရာရ်နော်ဇောရ်အောရ်သူဟာ(န်)ဇီးဂီယိုးယိယ်။အီဆာယေးဂျန္နသ်အောသ်ဖေါရ်သီရှိရှ်စ်အောလ်အောရ်အိုရေအလ္လာဟ်သာလာဇဲရ်ဒုရ်မိုကာ(အေဂျာဇောသ်)ဒေအဲဒ်ဒုရ်ဟော်ကူမောသ်ဂေါ်ရီးဘောရ်လားအလ္လာဟ်သာလာရ်ဒဲန်ဒါကောရ်သူသာကီးဘိုး။
A Bible story from: Matthew 28:16-20; Mark 16:12-20; Luke 24:13-53; John 20:19-23; Acts 1:1-11